Is-Sibt
tal-Ewwel Ġimgħa
tal-Avvent
Qari mill-Ktieb tal-
Profeta Iżaija
Iż 30, 19-21.23-26
Poplu ta’ Sijon, int li tgħammar f’Ġerusalemm, ma tibkix aktar.
Il-Mulej iħenn għalik
mal-ħoss tal-għajta tiegħek, malli jisimgħek jagħtik widen.
u l-ilma tan-niket, iżda ma jinħebiex iżjed minnek
l-Imgħallem tiegħek għajnejk jaraw l-Imgħallem tiegħek.
Minn warajk jisimgħu widnejk kliem li jwissik u jgħidlek:
“Din hi t-triq, għaddi minnha, sew jekk tikser lejn il-lemin, sew lejn
ix-xellug.”
U hu jibgħat ix-xita fuq
il-miżrugħ tiegħek, u l-qamħ,
frott l-art, ikun bnin u mimli. Dakinhar l-imrieħel tiegħek jirgħu f’wesgħat kbar;
fir-raba’ l-gniedes u l-ħmir tax-xogħol jieklu għalf
immellaħ, imderri bil-midra u mgħoddi mill-għarbiel.
U fuq kull muntanja kbira;
fuq kull għolja wieqfa, ikun hemm xmajjar ta’ ilma f’jum il-ħerba l-kbira, f’jum
it-tiġrif tal-fortizzi.
Id-dawl tal-qamar ikun jiddi
bħad-dawl tax-xemx, u
d-dawl tax-xemx jitqawwa seba’ darbiet, daqs id-dawl ta’ sebat ijiem;
dakinhar il-Mulej idewwi
l-ġrieħi tal-poplu tiegħu u jfejjaq it-tbenġil tas-swat tiegħu.
Il-Kelma tal-Mulej
R:/ Irroddu ħajr lil Alla
R:/ Alla ġust hu
l-Mulej; henjin dawk
li jafdaw fih.
Salm Responorjali
Faħħru l-Mulej,
għax tajjeb li tgħanni
lil Alla tagħna;
għax ħelu u xieraq
it-tifħir tiegħu.
Jibni ’l Ġerusalemm
il-Mulej,
jiġma’ l-imxerrdin
ta’ Iżrael.
R:/ Alla ġust hu
l-Mulej; henjin dawk
li jafdaw fih.
Hu jfejjaq il-qlub
maqsuma,
hu jorbot il-ġrieħi
tagħhom;
Hu jgħodd in-numru
tal-kwiekeb,
kollha jsejħilhom
b’isimhom.
R:/ Alla ġust hu
l-Mulej; henjin dawk
li jafdaw fih.
Kbir Sidna il-Mulej,
u ta’ qawwa kbira,
bla tarf id-dehen tiegħu.
Jerfa’ l-imsejknin
il-Mulej,
u jniżżel sal-art il-ħżiena.
R:/ Alla ġust hu
l-Mulej; henjin dawk
li jafdaw fih.
Hallelujah, Hallelujah
Il-Mulej il-leġislatur
tagħna.
Il-Mulej is-sultan tagħna,
hu li jsalvana.
Hallelujah, Hallelujah
Qari mill-Evanġelju skont
San Mattew
Mt 9, 35-10,1.6-8
R:/ Glorja lilek Mulej
F’dak iż-żmien: Ġesù
dar l-bliet kollha u l-irħula jgħallem fis-sinagogi, ixandar l-Evanġelju
tas-Saltna,
u jfejjaq kull xorta ta’ mard u ’l kull min kien nieqes minn saħħtu.
Ra n-nies u tħassarhom,
għax kienu mdejqa u
mitluqa bħal nagħaġ bla
ragħaj. Imbagħad qal
lid-dixxipli tiegħu:
“Il-ħsad huwa kbir,
iżda l-ħaddiema ftit.
Itolbu mela lil Sid il-ħsad biex jibgħat ħaddiema
għall-ħsad tiegħu!”
Sejjaħ lejh it-tnax-il
dixxiplu tiegħu, u tahom
is-setgħa fuq l-ispirti ħżiena biex ikeċċuhom,
u jfejqu kull xorta ta’
mard u ’l kull min kien
nieqes minn saħħtu.
U tahom dawn l-ordnijiet:
“Morru fittxu in-nagħaġ
il-mitlufa tad-dar ta’ Iżrael. Intom u sejrin,
xandru u għidu li s-Saltna
tas-Smewwiet waslet.
Fejqu l-morda, qajmu
l-mejtin, fejqu l-lebbrużi, keċċu x-xjaten.
B’xejn ħadtu, b’xejn agħtu.”
Il-Kelma tal-Mulej
R:/ Tifħir lilek Kristu
Is-Sibt
tal-Ewwel Ġimgħa
tal-Avvent