Qari mill-Ktieb
tal-Proverbji
Prov 21, 1-6.10-13
Qalb is-sultan nixxiegħa ilma f’id il-Mulej; hu jmexxiha kull fejn jogħġbu.
Kulma jagħmel il-bniedem hu safi f’għajnejh, imma
l-Mulej jiżinlu qalbu.
Li tagħmel il-ħaqq u
s-sewwa jogħġob lill-Mulej aktar mis-sagrifiċċju.
Għajnejn merfugħa u qalb imkabbra; dan hu s-sinjal
tal-ħżiena, u hu dnub.
Min hu bil-għaqal jaħsibha tajjeb u jirnexxilu; imma min jgħaġġel jiġi fil-bżonn.
Min jaħżen il-ġid bil-qerq ta’ lsienu bħal duħħan li jgħib u bħal xibka
tal-mewt.
Qalb il-ħażin tixtieq id-deni; m’għandux ħniena lanqas minn ħbiebu.
Bit-twiddib tal-vjolenti jitgħallem iċ-ċkejken;
u l-għaref bit-tagħlim
ikattar għerfu.
Alla l-ġust iħares lejn dar il-ħażin; il-ħżiena jitfagħhom fil-ħsara.
Min jagħlaq widnejh
għall-għajta tal-fqir,
ħadd ma jwieġbu meta jgħajjat hu.
Il-Kelma tal-Mulej.
R:/ Irroddu ħajr lil Alla
R:/ Mexxini
mill-mogħdija
tal-kmandamenti tiegħek
Salm Responsorjali
Henjin dawk li triqthom bla ħtija,
li jimxu fil-liġi tal-Mulej.
Fehemni t-triq tal-preċetti tiegħek,
biex naħseb fuq għeġubijietek.
R:/ Mexxini
mill-mogħdija
tal-kmandamenti tiegħek
Jiena għażilt it-triq
tas-sewwa;
ħtart għalija d-digrieti tiegħek.
Fehemni biex inħares il-liġi tiegħek
u nagħmilha b’qalbi kollha.
R:/ Mexxini
mill-mogħdija
tal-kmandamenti tiegħek
Mexxini mill-mogħdija
tal-kmandamenti tiegħek,
għax fiha nsib l-għaxqa tiegħi.
Inħares il-liġi tiegħek għal dejjem,
u għal dejjem ta’ dejjem.
R:/ Mexxini
mill-mogħdija
tal-kmandamenti tiegħek
Hallelujah, Hallelujah
Hienja dawk li jisimgħu
l-kelma ta’ Alla
u jħarsuha.
Hallelujah, Hallelujah
Qari mill-Evanġelju ta’
San Luqa
Lq 8, 19-21
R:/ Glorja lilek Mulej
F’dak iż-żmien, ġew għal Ġesù ommu u ħutu, iżda ma setgħux jersqu lejh minħabba l-folla. Xi ħadd qallu:
“Ommok u ħutek qegħdin hawn barra u jridu jarawk”.
Iżda hu weġibhom:
“Ommi u ħuti huma dawk li jisimgħu l-kelma ta’ Alla u jagħmlu li jgħid Hu”.
Il-Kelma tal-Mulej
R:/ Tifħir lilek Kristu