Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Emmisari Br. Tarigan, S.Th
Rogate :
“Ertotolah”
25 Mei 2025
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
KATA PENGALO-NGALO
KATA PENARUH
Ku bas Surga rumah Bapa
La lit sideban sekatan IA
Si mabai kita
ku bas kemulianNa
Gelah tetap kita ras IA
KEE No. 337 : 1 – 3
Perpulungen Tedis
Si ngajari kita k’rina
Alu kuasa bage pe KesahNa
IbabaiNa ku bas kebenarenNa
Gelah rembak kita ras IA
KEE No. 337 : 1 – 3
Seh ku bas ujung geluhta
Mbelin me kapen perulihenta
Ndatken rudang kegeluhen mulia
Mulia kapen rasa lalap
KEE No. 337 : 1 – 3
VOTUM & SALAM
O Dibatangku, adi ertoto aku, aloilah o sekawalku. Tupung aku i bas kiniseran, IsampatiNdu kap aku emaka genduari mekuah dage AteNdu aku, dengkehken pertotonku.
(Masmur 4 : 2)
KEE No. 176 : 1-3
Seh man baNdu Tuhanku.
Ajar aku lah ngaloken,
Si mehuli akapNdu.
Pertotonku bagi Jesus,
Sanga bas kinis’ranNa.
Labo peratenku Bapa,
PeratenNdu jadilah.
KEE No. 176 : 1-3
Ibas perbahanenNdu.
Bahan aku la nimbaki,
Ngaloken bas geluhku.
Rehlah dage Kam o, Bapa,
Tegu aku la pulah.
Labo peratenku Bapa,
PeratenNdu jadilah.
KEE No. 176 : 1-3
Iban kekelengenNdu.
Ibas susah sampatiNdu,
Kam kap penalemenku.
Kuakuken bagi Jesus,
Sanga bas kinis’ranNa.
Labo peratenku Bapa,
PeratenNdu jadilah.
Perpulungen kundul
Berita kerna kiniulin dingen kekelengen dibata man manusia
Lit. | Turang ras senina, Dibata mereken diriNa jadi inganta nehken pertoton. …, dingen iteguNa pusuh si kote kempak keriahen. |
Perp. | Kukataken bujur man baNdu Tuhan. Kam kap inganku ertoto, ingan pusuhku nuri-nuri, ingan tendingku pekesahkan. IdengkehkenNdu kap pertotonku |
KEE 369 : 1-3
1. | O, Dibata Kam pengarapanku Malem kal ateku ibahanNdu Perban e kupuji Kam Tuhanku Rasa lalap seh rasa lalap |
2. | O Tuhan, kam me kap kecionku Tupung aku ‘bas kiniseranku Perban e ku puji Kam Tuhanku Rasa lalap seh rasa lalap |
KEE 369 : 1-3
3. | Asum ‘ku ngenanami percuban Ib’reNa gegeh ras dalan pulah Perban e ku puji Kam Tuhanku Rasa lalap seh rasa lalap |
Kinata kegeluhen manusia i lebe-lebe dibata
Lit. | Pertoton, eme inganta nuriken isi pusuhta man Dibata. Turikenlah kearun ateta man Dibata arah pertotonta sekalak-sekalak. |
Perp. | (Ertoto i bas pusuh sekalak-sekalak kerna kearun ate) |
Kinata kegeluhen manusia i lebe-lebe dibata
Lit. | Pertoton, eme inganta mpeseh sura-sura geluhta man Dibata. Emaka mari dage situriken sura-suranta i lebe-lebe Dibata arah perotonta sekalak-sekalak. |
Perp. | (Ertoto i bas pusuh sekalak-sekalak kerna sura-sura nggeluh) |
Kinata kegeluhen manusia i lebe-lebe dibata
Lit. | Pertoton, eme inganta nginget kerina kalak si ni kelengi kita, rikut pe kerina jelma si jadi temanta mpekena-kena doni enda. Mari dage si turiken sura-suranta man Dibata kerna temanta manusia arah pertotonta sekalak-sekalak |
Perp. | (Ertoto i bas pusuh sekalak-sekalak kerna temanta manusia) |
KEE No. 476 : 1 (iendeken 5 kali)
1. | Tuhan begiken totoku enda Bengketi pusuhku Tuhan Begiken totoku enda Begiken min Tuhan |
Dibata ngaloken pertotonta
Perpulungen Tedis
Lit. | “Tutuslah ibas ertoto, janah sanga kam ertoto ersikaplah dingen kataken bujur man Dibata” (Kol. 4 : 2) |
1. | Kuakuken kerina salahku, IadepenNdu Tuhanku. Tuhu ku gejap mbue dosangku. Meluat nari kal pergeluhku Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 1-2
2. | Lalap ku inget salah dosangku, Ku gejap salah lepakku. Dosa nge lalap perbahanenku, Kulakoken si la ngena ‘teNdu. Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 1-2
(Perpulungen Kundul)
Ngoge Kata Dibata Matius 6 : 5–13
(tunggal)
5. | Kerna Ertoto "Adi ertoto kam, ola bagi kalak si pekulah-kulah. Kalak si pekulah-kulah e megati tedis ertoto i rumah-rumah persembahen bage pe i simpang-simpang gelah iidah kalak. Inget! Ia lanai ngaloken upah i bas Dibata nari. |
6. | Tapi adi ertoto atendu, bengketlah ku bas kamarndu, eruk pintun jenari ertotolah man Dibata si la iidah e. Dibata si ngidah perbahanenndu e mereken upah man bandu. |
Matius 6 : 5 – 13
7. | Bage pe adi ertoto kam ola mulih-ulih bagi kalak si la nandai Tuhan. Ia erpengakap maka adi gedang pertotonna ibegiken Dibata kap. |
8. | Tapi kam, ola bage. Sabap ope denga ipindondu, nggo leben ieteh Bapandu kai si iperlukenndu. |
Matius 6 : 5 – 13
9. | Dage, bagendalah nindu ertoto, O Bapa kami si i Surga. Kam kap Dibata Si Tonggal. |
10. | Kam kap Raja kami. Kam kap si erkuasa i doni janah sura-SuraNdu seh kerina bali ras i surga. |
11. | Bereken min man kami nakan cukup i bas wari si sendah enda. |
Matius 6 : 5 – 13
12. | Alemi min salah kami bagi ialemi kami salah kalak kempak kami. |
13. | Ola bere bene kiniteken kami tupung ikenai percuban, tapi pulahi min kami i bas si jahat nari. (Sabap Kam kap Raja si Simada Kuasa ras Kemulian seh si rasa lalap. Amin.) |
Matius 6 : 5 – 13
Lit. | : | Ketuahen kalak si megiken Kata Dibata, dingen simakekenca ibas geluhna si teptep wari, Haleluya. |
Perp. | : | (iendeken) Ha le lu ya, Ha le lu ya, Ha le lu ... ya. |
Tema :
“Meseksek Nehken Pertoton”
Keluaren 15 : 22 – 27
(Tunggal)
Pdt. Emmisari Br. Tarigan, S.Th
22. | Lau pagit Jenari ibabai Musa bangsa Israel lawes i Lawit Merah nari ku gurun pasir Sur. Nggo telu wari dekahna ia erdalan arah gurun pasir, tapi lalap la jumpa lau. |
Keluaren 15 : 22 – 27
23. | Emaka seh me ia ku sada ingan, gelarna Mara, tapi lau si lit i je seh kal pagitna, emaka la terinem. Em sabapna maka igelari Mara. |
24 | Erkiteken si e jungut-jungut bangsa Israel man Musa janahna mindo nina, "Apai inemen kami?" |
Keluaren 15 : 22 – 27
25. | Meseksek kal pertoton Musa man TUHAN, jenari ituduhken TUHAN man bana sepenggel batang kayu. Ibenterken Musa kayu ndai ku bas lau e, emaka lau ndai nggo banci iinem. I bas ingan e ibereken TUHAN man bangsa Israel Undang-undang si man ikutenken, janah i je pe IujiNa bangsa e. |
Keluaren 15 : 22 – 27
26. | Nina TUHAN, "Adi tuhu-tuhu kam patuh man bangKu alu erbahan kai si payo Kuakap, janah iikutkenndu kerina si Kusuruh, la kam Kuukum alu penakit-penakit si Kubahan man bangsa Mesir. Aku kap TUHAN si erbahanca kam mejuah-juah." |
Keluaren 15 : 22 – 27
27. | Pepagina seh ia i Elim. I je lit sepulu dua ulu lau ras pitu puluh batang kurma; emaka ia erkemah i tepi lau ndai. |
Keluaren 15 : 22 – 27
Tema :
“Meseksek Nehken Pertoton”
Keluaren 15 : 22 – 27
Pdt. Emmisari Br. Tarigan, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | “Meriahlah atendu i bas kam erpengarapen, megenggenglah kam i bas kiniseranndu, janah ertotolah kam man Dibata la erngadi-ngadi.” (Kolose 4:2) |
(Perpulungen Kundul)
1. | Kukataken bujur baNdu O Kam Tuhan Penebus Aku enggo s’lamatkenNdu Arah lias ateNdu Reff. Keleng kal ateNdu aku Simpar kap ngaruhNdu bangku Lias ateNdu la nai terpilasi Ku puji Kam tep-tep wari |
KEE 282 : 1-
2. | Tergejap pasu-pasuNdu I bas kegeluhenku Rejeki arah dalinku Icur-curkenNdu bangku Reff. Keleng kal ateNdu aku Simpar kap ngaruhNdu bangku Lias ateNdu la nai terpilasi Ku puji Kam tep-tep wari |
KEE 282 : 1-
3. | Arah perkuah ateNdu Mejuah-juah aku Senang me kapen geluhku Kupujilah gelarNdu Reff. Keleng kal ateNdu aku Simpar kap ngaruhNdu bangku Lias ateNdu la nai terpilasi Ku puji Kam tep-tep wari |
KEE 282 : 1-
Lit. | Dibata kap inganta ertoto, inganta nuriken isi pusuh ukurta. |
Perp. | Erpadan aku O Tuhan, ku Kam me kuturiken isi pusuhku. Kam me inganku erpengendes i bas kerina perbeben geluhku. |
Perpadanen Man Dibata
(Perpulungen Tedis)
Lit. | Kalak si setia man Dibata, itegu Dibata kap pusuhna i bas rukur ras ndalanken si mehuli. |
Perp. | Erpadan aku Tuhan, tetap setia man baNdu. Kam kap penggurunku i bas rukur ras ndalani kegeluhenku. |
Perpadanen Man Dibata
Lit. | Kalak si tutus ertoto, ikuhi Dibata alu gegeh ras kepentaren i bas ndalanken si mehuli man kerina tinepaNa. |
Perp. | Erpadan aku Tuhan, tetap nuriken sura-sura pusuhku man baNdu, gelah ngasup aku jadi pasu-pasu man kerina jelma. |
Perpadanen Man Dibata
1. | Ibas toto ku ‘ndesken geluhku, ku Tuhan si njayam kegeluhen. Begiken min pingko-pingkoku Tuhan. latih mberat baban kegeluhenku |
2. | Ku bas tanNdu ku ‘ndesken geluhku Ku ampeken me k’rina susahku Jaga kawali aku o Tuhanku ‘lah ula ndabuh ibas dosa aku |
KEE No. 412 : 1-3
3. | Malem tuhu adi ku endesken K’rina perdalanen kegeluhen Sebab Kam si negu-negu anakNdu Si tetap setia ernalem baNdu |
KEE No. 412 : 1-3
“Dibata si mada perkuah ate, si enggo nenahken kam ku kemulianNa si rasa lalap i bas Kristus, njadiken kam serta, tetap, megegeh dingen paguh. IA nge si Mada Kuasa she rasa lalap.” Amin Perp. : A....min, A.......min, A......min |
Paksa teneng
Selamat Wari Minggu