1.

Wari enda wari badia

Wari meriah jumpa ras Dibata

Gia melala ndube dahinta

Nembah man baNa ula kita lupa.

Reff. Wari-warinta Tuhan empuna

Geluhta pe Ia kap si njayamsa

Geluhta pe Ia kap si njayamsa

3.

Latih susah lit tiap wari

Tuhan perkuah sikap ngelayasi

K’rina si nasa Ia empuna

Si ‘ndesken baNa ukur ras geluhta.

Reff. Wari-warinta Tuhan empuna

Geluhta pe Ia kap si njayamsa

Geluhta pe Ia kap si njayamsa

1.

Ku sembah Kam bas geluhku o Tuhanku

PedahNdu me tetap jadi gelemenku

Dame geluhku adi ras Kam o Tuhanku

Lalit kebiaren malem tuhu pusuhku

Pasu-pasuNdu tetaplah min ras aku

3.

Kam min tetap si ngiani pusuhku

Kam min tetap si ngajari ukurku

Demi min geluhku alu lias ateNdu

Jadi t’rang si ersinalsal sekelewetku

BereNdu gegeh man bangku o Tuhanku

Lit.

Malem kal ate kalak si ngikutken perentah-perentahNa, kalak si katawari pe ngelakoken si benar. Keriahen desken tambar si mereken kejuah-juahen, adi ukur serbut erbanca daging kertang tading tulan.

Perp.

Terpujilah Kam Tuhan.

1.

Adi ras Yesus malem naring pusuhta

IperdiatekenNa me kita ban kelengNa

Amin gia jumpa erbage percuban

La kap itadingkenNa kita isampatiNa

​

Reff. Malem me ate

Je kita pe dat dame

ras keriahen ukur

Bene me kebiaren

tading me keguluten

Mberat jadi menahang

pusuh pe jadi salang

2.

Adi ras Yesus seh damena ukurta

IbreNa kepentarenNa idur kuasaNa

Ndauh me dage ukur ras ate ceda

Ukur mehuli turah ban sialoken kataNa

​

Reff. Malem me ate

Je kita pe dat dame

ras keriahen ukur

Bene me kebiaren

tading me keguluten

Mberat jadi menahang

pusuh pe jadi salang

Lit.

Tuhan kap si empuna geluhta, iaturkenNa kerina si mehuli man gunanta. Adi situlihken ku bas kegeluhenta sedekah enda, kuga nge ketutusenta i bas njagai kiniulin si enggo ibereken Dibata i bas dirinta?

Lit.

Kuga nge sibahan makeken gegeh ras kesehatenta sedekah enda?

Lit.

Kuga nge perbahanenta nandangi dirinta i bas njaga kesehatenta sedekah enda?

1.

O Tuhanku o, Dibatangku

Rusur aku nimbak pedahNdu

Nggo meluat k’rina geluhku

Labo dame banna pusuhku

​

2.

O Tuhanku o, Dibatangku

Kutungtungken ukurku baNdu

Ras mekuah ateNdu aku

Sasapkenlah salah dosangku

Lit.

“Desken remang erpagi-pagi, dosandu enggo Kulesapken, janah salahndu pe enggo Kusasap desken embun. E maka mulihlah kempak Aku, sabap aku Aku kap Penebusndu.”

1.

Perban kekelengenNdu,

tebusiNdu dosangku.

Alu mambur darehNdu,

Geluhku jadi mbaru

Reff. Asa ngasup gegehku,

kuikutken kataNdu

Yesus kam si perkuah.

kupuji ras kusembah.

3.

Perban kekelengenNdu

jadikenNdu geluhku

Meherga ras erguna

Desken batu permata

Reff. Asa ngasup gegehku,

kuikutken kataNdu

Yesus kam si perkuah.

kupuji ras kusembah.

1.

I bas Pertua nari. Man kekelengenku Gayus, si kukelengi tuhu-tuhu.

2.

O temanku si kukelengi, ertoto aku gelah kai si mehuli jadilah man bandu, janah mejuah-juahlah bagi kueteh maka kegeluhen pertendinndu pe mehuli.

3.

Meriah kal kuakap kenca reh piga-piga kalak seninanta kalak Kristen, janah nuriken man bangku uga bujurna kam bagi biasana pe kam nggeluh i bas kebujuren nge.

4.

La lit si banci erbahanca ukurku teriahen asangken megi anak-anakku nggeluh i bas kebujuren.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

14.

O TUHAN, pepalem min aku, maka mejuah-juah aku; pulahi min aku, maka terkelin aku. Kam kap ngenca si kupuji!

15.

Nina kalak man bangku, "I ja dage ancamen si ibahan TUHAN man banta e? Suruhlah maka IdalankenNa!"

16.

Tapi, O TUHAN, la pernah kupindo maka seh wari kiniseran man bana. IdahNdu kap si e kerina O TUHAN. IetehNdu kap kai si nggo kukataken.

17.

Ula kearun man bangku. Kam kap jine inganku cicio tupung paksa kiniseran.

18.

Bahan mela iakap kalak si ngayak-ngayak aku, tapi pulahi min aku. Demi ia alu kebiaren, tapi ula bereken kebiaren man bangku. Bereken man bana cilaka jenari perperken ia.

Lit.

:

Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.

(Roma 12 : 1)

1.

Nginget perkuah Dibata si mbelin

Si isehkenNa man banta k’rina kin

Ibas kerina dampar kegeluhen

I doni si dem alu keguluten

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

2.

Sabab bage me arusna kita kin

Ersembah man Dibatanta si mejin

Si nggo m’reken man banta manusia

Keg’luhen si mehuli ras badia

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

3.

Marilah k’rina sipuji Dibata

Janah sipeteruk ka pe ukurta

Alu bage si dat sura-suraNa

Kai si mehuli ras ngena ateNa

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

Lit.

Tuhan enggo mereken kiniulin geluh man manusia, jenari idiloNa manusia njagai kiniulin e gelah reh kuhna gegehta nehken si ngena ateNa.

Perp.

Erpadan aku Tuhan, ateku tetap ngergaken ras njagai geluh si enggo iberekenNdu man bangku.

Lit.

Tuhan ndilo anak-anakNa guna ngajai diri, sabab eme tanda kam ngergaken dirindu selaku gambar Dibata si meherga.

Perp.

Erpadan aku Tuhan, ateku gelah tetap ngergaken diringku, alu perukuren ras cara nggeluh si mehuli, dingen jadi usihen man kalak si deban.

1.

Lawes kam mejuah-juah,

Dibata min m’re bandu tuah

Malekat min ngasuhi kam

Tuhan kap ciligenenndu,

‘Di Ia lah penalemenndu

Ku ja pa pe senang me kam

Ku Ia min tetao

It’rang ras i gelap

Rusur-usur, Ingetkenlah

Man kami kang

‘Di man Dibata ‘rtoto kam

Dibata si enggo ndilo kam ku bas kemulianNa si rasa lalap i bas Kristus, Ia me njadiken kam serta, tetap, megegeh dingen paguh. Ia me si mada kuasa seh rasa lalap. Amin.

​

Perp. : A....min, A.......min, A......min