Mari sijaga kebadian ruang ibadahta, terlebih-lebih mari si mateken HPnta
Momo Renovasi Gereja : mulai tgl 16 Juli seh ku tgl 17 September 2023, Gerejanta enda sangana pembongkaren seng sindekah ras pasang seng simbaru bage kape pemasangan plafond PVC, ras pemasangen kabel dan Lampu LED, bage kape alat scaffollding ras material sidebanna, emaka ersentabi kami Panitia Renovasi Pembangunan GBKP Rg. Tebing Tinggi ibas tergangguna kenyamanenta kebaktian selama erdahin tukang. Bujur ras mejuah-juah kita kerina.
3
3
i elai :
Pdt. Marina Br. Ginting, S.Th
Minggu XIII KENCA TRINITATIS
(MINGGU Pluralisme)
03 September 2023
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
Kata Pengalo-ngalo �Ras Momo
Kata Penaruh �Kubas Kebaktin
1. | Kudahi rumah persembahen Se gelah aku jumpa Tuhan Ban Ia sumbul keriahen Nggo b’reNa bangku kesangapen Reff. Ersada me anakNdu k’rina Bas kiniteken tetap paguh Bagem biak anak Dibata Tetap nembah ras muji gelarNdu |
KEE 278 : 1,3,4
Perpulungen Tedis
3. | Begikenlah kata Dibata Em kap si nerangi geluhta Jadikenlah wari-warinta Penembahennta e man baNa Reff. Ersada me anakNdu k’rina Bas kiniteken tetap paguh Bagem biak anak Dibata Tetap nembah ras muji gelarNdu |
KEE 278 : 1,3,4
4. | Mehuli me akap Dibata Si mesikel pulung i jenda Tetap metedeh lah ateta Pulung meriah bas rumahNa Reff. Ersada me anakNdu k’rina Bas kiniteken tetap paguh Bagem biak anak Dibata Tetap nembah ras muji gelarNdu |
KEE 278 : 1,3,4
VOTUM & SALAM
Bahanlah man kalak si deban bagi ngena atendu ibahanna man bandu. Enda me ertina Undang-undang si isuratken Musa ras kai si nggo isuratken nabi-nabi."
(Matius 7 : 12)
1. | Kek’lengen Yesus kempak manusia Desken Dibata engkelengi Ia KekelengenNa maler kap man banta Adi sipakelah pedahNa Reff. Min si keleng-kelengen kita k’rina Bagi pedahken Yesus bas pustaka Sababna kai sipindo bas gelarNa Ib’re Dibata man banta. |
KEE 281 : 1,3
3. | Bas paksa kita nehken kekelengen Ola min siban ceda kempak teman Erban mehuli ola rahan-ahan Lah kedamen jujurken Tuhan Reff. Min si keleng-kelengen kita k’rina Bagi pedahken Yesus bas pustaka Sababna kai sipindo bas gelarNa Ib’re Dibata man banta. |
KEE 281 : 1,3
Perpulungen kundul
Pujin man Dibata
Lit. | Dibata nepa doni enda ras isina lit i bas kinierbagen. I bas kinierbagen tinepaNa khususna manusia, ijadikenNa melala suku ras bangsa. I bas kerina bangsa-bangsa, kita idilo Dibata jadi bangsaNa. TujunNa, gelah arah kita teridah kemulian Dibata ras jadi pasu-pasu man bangsa-bangsa di deban. |
Perp. | … |
Pujin man Dibata
Lit. | … |
Perp. | Ipuji kami Kam Tuhan, i bas kami enggo iatankenNdu jadi bangsa pilihenNdu guna encidahken kemulianNdu, bage pe jadi pasu-pasu ku tengah-tengah doni enda. |
1. | Si pujilah Dibata Peb’linken gelarNa Kataken bujur bas k’rina paksa Senang tah susah kataken bujur Reff: Inget Dibata inget kekelengenNa Geluhta enda IA sinepasa Inget Dibata inget kuasaNa lalit metahat ilebe-lebeNa |
KEE No. 421 : 1,3
3. | Pehagalah Dibata IA kap si Badia Sembah pujiNta man baNa saja Peganjang IA bas si nasaNa Reff: Inget Dibata inget kekelengenNa Geluhta enda IA sinepasa Inget Dibata inget kuasaNa lalit metahat ilebe-lebeNa |
KEE No. 421 : 1,3
Kinata kegeluhen manusia
Lit. | Dibata ndilo kita jadi bangsaNa janah ringan i tengah-tengah suku, bangsa ras kiniteken si erbage-bage lit i doni enda. Sura-sura Dibata, gelah arah kita seh pasu-pasuNa ku kerina bangsa. Sedar nge kita maka pendilo Dibata man banta jadi pasu-pasu man bangsa si deban? |
Perp. | … |
Kinata kegeluhen manusia
Lit. | … |
Perp. | Ngaku kami Tuhan, megati la isedari kami maka pendiloNdu nandangi kami e guna jadi pasu-pasu man kerina bangsa-bangsa. |
Kinata kegeluhen manusia
Lit. | Selaku bangsa si enggo ipilih Dibata guna nggeluh i tengah-tengah bangsa si deban, kuga nge pendalankenta sedekah enda? |
Perp. | Ngaku kami Tuhan, maka megati kami erdahin ras ertoto guna diri kami saja. Pasu-pasuNdu terjeng man kami saja. O Tuhan, ajari kami toleh gelah ngasup nggeluh i bas sura-suraNdu i tengah-tengah suku, bangsa ras kiniteken si deban. |
Kinata kegeluhen manusia
PAKSA TENENG
1. | Manusia nggo erdosa Meluat mekelesa Pusuh la bo lit damena Di sirang ras Dibata Begikenlah pendiloNa Ikutkenlah kataNa Geluh pelimbaruiNa Rembak kita ras Ia |
KEE No. 292 : 1,3
3. | Di kita la mediate Man teman ras jabunta I ja pe la malem ate Disirang ras Dibata Begikenlah pendiloNa Usih perbahanenNa Sampati turang senina Dame senang ukurta |
KEE No. 292 : 1,3
Pergegeh I bas dibaTA NARI
Perpulungen tedis
Lit. | “Erdahinlah guna kiniulin kuta-kuta i ja kam enggo Kubuang jadi tabanen. Ertotolah guna keperlun kuta e sabab adi sikap ia kam pe ikut sikap.” |
KEE 184 : 1-3
K’rina dosangku tebusiNa.
Geluh simbaru jujurkenNa,
M’riah ukurku ngalokenca.
Reff.
Tuhanku Yesus Kam me tetap,
Pengendesenku rasa lalap.
Temani aku o, Penampat,
Tuhanku Yesus Jurus’lamat.
KEE 184 : 1-3
Keleng ateNa negu-negu.
Mindo man baNa ola medu,
Maka ib’reNa pasu-pasu.
Reff.
Tuhanku Yesus Kam me tetap,
Pengendesenku rasa lalap.
Temani aku o, Penampat,
Tuhanku Yesus Jurus’lamat.
KEE 184 : 1-3
La kai pe kurang ib’rekenNa.
KataNa jine seh gegehna,
Petetap ukur bas geluhta.
Reff.
Tuhanku Yesus Kam me tetap,
Pengendesenku rasa lalap.
Temani aku o, Penampat,
Tuhanku Yesus Jurus’lamat.
Ngoge Kata Dibata Jesaya 43 : 10–13
(tunggal)
10. | O bangsa Israel, kam kap saksingKu; Kupilih kam gelah jadi suruh-suruhenKu, maka itandaindu janah tek kam man bangKu, gelah iertindu maka Aku ngenca Dibata si tuhu-tuhu. La lit Dibata seakatan Aku; nai nari seh rasa lalap la lit si deban Dibata. |
(Perpulungen Kundul)
11. | Aku ngenca TUHAN! La lit si deban si ngasup ngkelini kam. |
12. | Nai nggo Kuturiken kai si nandangi jadi, janah kenca bage reh Aku ku kam engkelini. La lit pernah dibata-dibata si deban ngelakoken si bage, janah kam kap saksingKu kerna si e. |
Jesaya 43 : 10-13
13. | Aku kap Dibata, janah rasa lalap nge Aku Dibata. La lit ise pe banci pulah i bas kuasangKu, la lit ise pe ngasup ngobah perbahanenKu." |
Jesaya 43 : 10-13
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Nampati Teman Alu Kekelengen”
Roma 13 : 8 - 14
(Responsoria)
Pdt. Marina Br. Ginting, S.Th
Roma 13 : 8 - 14
Lit. | Sikeleng-kelengen 8Ula kam rutang man ise pe — seakatan rutang sikeleng-kelenglah sapih-sapih kam. Kalak si erkeleng ate nandangi kalak si deban, ia nggo nehken Undang-undang. |
Perp. | 9... |
Roma 13 : 8 - 14
Lit. | 8... |
Perp. | 9Sabap pedah "Ula erlua-lua; ula munuh; ula nangko; ula mengga ate"; — kerina si enda ras pedah-pedah si debanna ipersada i bas pedah si sada enda, eme, "Kelengilah temanndu manusia bagi kam engkelengi dirindu." |
Roma 13 : 8 - 14
Lit. | 10Kalak si erkeleng ate man temanna manusia asa ndigan pe labo ibahanna si jahat. Dage alu nehken kekelengen nggo kap bali ras nehken kerina Undang-undang. |
Perp. | 11... |
Roma 13 : 8 - 14
Lit. | 10... |
Perp. | 11Si enda arus idalankenndu, sabap ietehndu maka enda me paksa si menentuken man bandu. Nggo seh jamna maka kam medak. Sabap warina kita ikelini Dibata deheren genduari asangken asum tangtangna kita tek nai. |
Roma 13 : 8 - 14
Lit. | 12Sabap berngi lawes ku siangna me, janah nandangi terang me wari. Emaka sitangtangilah perbahanen si gelap, janah sipakelah senjata guna erperang i bas terang. |
Perp. | 13... |
Roma 13 : 8 - 14
Lit. | 12... |
Perp. | 13Mehulilah min lagu langkahta, bagi kalak si nggeluh i bas terang wari; ula erpesta minem-minem mabuk-mabuk; ula erlua-lua ntah la meteh mela; ula rubat ntah pe mecimberu. |
Roma 13 : 8 - 14
Lit. | 14Tapi cidahkenlah biak Jesus Kristus i bas geluhndu. Janah ula asuhi i bas ukurndu sura-sura guna ngikutken dingen pepuasken biakndu si erdosa. |
Tema :
“Nampati Teman Alu Kekelengen”
Roma 13 : 8 - 14
Pdt. Marina Br. Ginting, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | “Alu ukur meriah kupersembahken man baNdu, dingen ngataken bujur man baNdu, sabab mehuli kap Kam o Tuhan” (Masmur 54 : 8) |
1. | Ise kin kami enda o, Bapa Maka kami ngasup mere baNdu Labo ban gegeh kami o, Bapa Lako mere man baNdu Reff. Kai pe si lit ibas kami o, Bapa E kap bekas pemereNdu man kami Enda sada bagin, Bapa ipersembahken kami |
KEE 272 : 1-
2. | Ngataken bujur kami man baNdu Arah persembahen kami enda Aloken ras ipasu-pasuNdu Terpujilah gelarNdu Reff. Kai pe si lit ibas kami o, Bapa E kap bekas pemereNdu man kami Enda sada bagin, Bapa ipersembahken kami |
KEE 272 : 1-
3. | Nggejap b’linna perkuah ateNdu Makana kami mere man baNdu Kai pe cukup i bas Kam o, Bapa Kam Raja Surga doni Reff. Kai pe si lit ibas kami o, Bapa E kap bekas pemereNdu man kami Enda sada bagin, Bapa ipersembahken kami |
KEE 272 : 1-
Lit. | Dibata nepa kam manusia i bas kinierbagen suku, bangsa ras kiniteken si deban. Kai nge jadi padanndu man Dibata i bas ngaloken ras ngergai suku, bangsa, ras kiniteken si deban? |
Perp. | Erpadan kami Tuhan, ngaloken ras ngergai suku, bangsa, ras kiniteken si deban. |
Perpadanen man dibata
Perpulungen tedis
Lit. | Enggo tangkas man bandu kerna sura-sura Dibata ndilo kam jadi bangsaNa. Kai ndia padanndu man Dibata, i bas ndalani kegeluhen selaku bangsa pilihen Dibata i tengah-tengah suku, bangsa ras kiniteken si deban? |
Perp. | Selaku bangsa pilihenNdu, erpadan kami encidahken kemulianNdu ras nggit jadi dalan pasu-pasu nandangi kerina suku, bangsa ras kiniteken si lit i sekelewet kami. Amin. |
Perpadanen man dibata
1. | Man baNdu Yesus Tuhanku Kuendesken geluhku Nggeluh sikeleng-kelengen Nggit sisampat-sampaten Reff. Erbuah kata ni suan Bas kita anak Tuhan Erbuah kata ni suan Bas kita anak Tuhan |
KEE No. 296 : 1,2,4
2. | Nggeluh sitatang-tatangen Kita radu megegeh Nggit kita ngalemi salah Pusuh dame meriah Reff. Erbuah kata ni suan Bas kita anak Tuhan Erbuah kata ni suan Bas kita anak Tuhan |
KEE No. 296 : 1,2,4
4. | Kune teman mambur iluh Sampat g’lah ula ndabuh Paksa keriahen ukur Minter kataken bujur Reff. Erbuah kata ni suan Bas kita anak Tuhan Erbuah kata ni suan Bas kita anak Tuhan |
KEE No. 296 : 1,2,4
“Tuhan engkawali ras njagai kam, janah arah kam ipasu-pasuNdu kerina bangsa.” Amin. Perp. : A....min, A.......min, A......min |
Paksa teneng
Selamat Wari Minggu