1.

Kudahi rumah persembahen

Se gelah aku jumpa Tuhan

Ban Ia sumbul keriahen

Nggo b’reNa bangku kesangapen

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

2.

I adep-adepen Dibata

Siakukenlah k’rina dosa

Je robah kita dingen jera

Si gejap me pengalemiNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

4.

Mehuli me akap Dibata

Si mesikel pulung i jenda

Tetap metedeh lah ateta

Pulung meriah bas rumahNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

1.

Man baNdu Raja G’reja,

isehken kami bujur

Kam kap si njayamsa

Geluh perpulungenNdu

Pasu-pasuNdu Tuhan

Kuse min bagi udan

Maka serayanNdu Idemi kuasandu

Latih ia la mbiar Ukurna tetap nggintar

Kek’lengenNdu simpar

B’ritaNdu jadi mbincar

2.

Bahanlah min o, Tuhan

erdolat serayanNdu

Ngayu ras tersuan ngaloken pendiloNdu

Ukur, pengarapenna

man baNdu saja ngenca

Tutus ras setia, kataNdu la tersia

Lagu langkah mulia,

e Kam si pesikapsa

Tutus kal ateNa

mbarken kata Dibata

Lit.

:

Alu Kuasa Dibata, itetapkenNa serayanNa guna nehken sura-suraNa ku doni enda. Adi si tulihken ku bas perdalanen geluhta, kuga nge ndia ketutusenta i bas ngikutken pendiloNa?

Serayan

:

...

Serayan

:

Ngaku kami Tuhan, kurang denga waktu kami ertoto alu tutus kerna dahin-dahin gerejaNdu, bage pe notoken teman kami serayanNdu. Mekatep kami lupa maka kami serayanNdu arus nggeluh sitatangen i bas toto. O Tuhan alemilah kami.

Nora/

Naras

:

.....

Nora/

Naras

:

Ngaku kami o Tuhan, kami pe selaku nora ras naras, kurang denga kami nampati serayanNdu. O Tuhan alemilah kami.

Perp.

:

Selaku perpulungenNdu, kami pe ngaku o Tuhan, maka kurang denga kami natang-natang serayanNdu i bas pertoton, gelah megegeh ia ndahiken dahin gerejaNdu. O Tuhan alemilah kami.

2.

Kuukuri me lagungku

Dosa nari k’rina pe

Nggo terbuang wari-wari

La kupergunaken pe

3.

Rusur nari aku lalar

Ngaku aku o, Tuhan

Amin gia aku Kristen

Gatin dosa nge kuban

4.

Perban e me kutungtungken

‘Kurku baNdu o, Tuhan

Ras mekuah min ateNdu

Sasaplah dosangku min

Lit.

:

Kenca bage sada i bas malekat Serafim ndai nari kabang ndahi aku. Ibabana rara si ibuatna i bas batar-batar persembahen nari alu jepit-jepit. Ikuitna biberku alu rara ndai, jenari nina, “Rara enda enggo ngkenai biberndu, e maka genduari salahndu enggo masap janah dosandu enggo ialemi”. (Yesaya 6:6-7)

1.

Amin dosangku mbue la terkira

Si erban ndauh ras Kam Tuhan

Tapi keleng ateNdu tangkas Tuhan

La tak-takiNdu dosangku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

2.

Tendingku enggo itebusi Tuhan

Iblis lanai ngerim-rim aku

Gundari geluhku isambariNa

Tuhan ngerajai aku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

4.

Ukurku ipelimbarui Tuhan

Nai nilah nundalken Tuhan

Sura-surangku saja kuikutken

Gundari kuikut Tuhan

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

Lit.

⁴Pendilo TUHAN man Jeremia

TUHAN reh man bangku nina,

Perp.

⁵"Kupilih kam ope denga Kubereken man bandu kegeluhen. Ope denga kam tubuh nggo Kuserapken kam jadi nabi man bangsa-bangsa.

Lit.

⁶Ningku ngaloisa, "O TUHAN si Erdolat, la kueteh uga melasken kata, ngudasa denga aku."

Perp.

⁷Nina TUHAN man bangku, "Ula katakenndu kam ngudasa. Tapi laweslah ku bangsa-bangsa ku ja kam Kusuruh. Kataken man bana kerina si Kuperentahken man bandu.

Lit.

⁸Ula kam mbiar sabap Aku kap ras kam guna mulahi kam. Aku kap TUHAN si nggo ngerana!"

Perp.

⁹Kenca bage ipepinter TUHAN TanNa lako ngkuit biberku, jenari nina man bangku, "Begiken, Kubereken man bandu perkatan-perkatan si la banci la ibelaskenndu.

Lit.

¹⁰Sendah Kubereken man bandu kuasa nandangi bangsa-bangsa ras kerajan-kerajan lako mbungkarken dingen ngeruntuhken, lako ngkernepken dingen ngeradasken, lako manteki dingen nuan."

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

3.

Pertoton ngataken bujur man Dibata

Adi kami ertoto kerna kam, ikataken kami bujur man Dibata, Bapa Tuhanta Jesus Kristus,

4.

sabap nggo ibegi kami berita kam tek man Kristus Jesus janah keleng atendu anak-anak Dibata.

5.

Kam tek dingen keleng atendu, sabap lit pengarapenndu kerna kai si nggo isikapken Dibata man bandu i Surga. Nggo ibegindu kerna si e, sanga Berita Si Mehuli i bas Dibata nari ipeseh man bandu. Berita e berita si tuhu-tuhu.

6.

Berita Si Mehuli e tetap maba pasu-pasu janah nggo mbar i tengah-tengah doni enda, bagi mbarna i tengah-tengahndu. Tangtangna kin nai ibegindu lias ate Dibata, mulai kin nai iangkandu, geluhndu pe nggo ipasu-pasu Dibata.

7.

Si enda ibegindu i bas Epapras nari teman si ikelengindu. Ia kalak tutus erdahin i bas dahin Kristus guna nampati kami.

8.

Iturikenna man kami kerna keleng ate si ibereken Kesah Dibata man bandu.

Lit.

:

“Bahanlah pengataken Bujur jadi persembahen man Dibata, sehkenlah kai si nggo ipadankenndu man si Meganjangna.”

(Masmur 50:14)

Lit.

:

Dibata enggo milih dingen ndilo kam jadi serayanNa guna nehken sura-suraNa i doni enda.

Serayan

:

Erpadan kami Tuhan, tutus ateku ngikutken pendiloNdu, dingen ertanggungjabab ndahiken dahin si enggo iampekenNdu man bangku

Lit.

:

Dibata empersadaken kam i bas kula ni Kristus. IdiloNa kam guna natang serayanNa arah pertoton.

Nora/ Naras

:

Erpadan kami Tuhan, selaku nora ras naras ertutus ate nampati serayanNdu, gelah serayanNdu pentar dingen setia i bas ndahiken dahin gerejaNdu.

Lit.

:

Perpulungen eme rarasen dingen keluarga Kristus. Perpulungen pe idilo Dibata natang serayanNa i bas pertoton, gelah megegeh ras pentar i bas ndahiken dahin Tuhan.

Perp.

:

...

Perp.

:

Erpadan kami Tuhan, ertutus ate notoken serayanNdu ras jabuna, gelah ngasup ndahiken dahinNdu. Jabuna jadi kemulian man baNdu, dingen jadi pasu-pasu man perpulungenNdu.

1.

Kita ‘nggo ndatken pendilo Dibatanta

‘Lah ngelai bagi si enggo ibahanNa

Tangkas enggo sura-sura Dibatanta

Gelah kita pe tutus jadi serayanNa

Ola erlatih-latih janah tetap ukur pe

Erdahin ‘bas peken anggur Tuhan e

Gegeh ras kuasa ijujurkenNa pe

Dibata si masu-masu k’rina dahin e

2.

Sada arih sada ukur min kita

Sisampat-sampaten bas ndahiken dahin e

Amin gia mbelang si man peranin e

Tetap m’riah ukur ras dahinta pe tembe

Amin mbue perbeben si ngampangi dalinta

Kuasa Tuhan kap arapen geluhta

Petetap pusuhta ola ndele ate

Dibata sing’layasi kerina dahin e

Berkatlah kam ndalani kegeluhenndu, megenggenglah kam i bas meritaken berita si Meriah, sabab Dibata si enggo milih kam ndahiken dahin e, dingen alokenlah pasu-pasu idur Dibata nari :

​

Ipasu-pasu janah ikawali Dibata kam, siang ayo Dibata ersinalsal ibabondu. Janah melias ateNa ngenehen kam. Itatap Dibata ku kam, janah malem atendu ibahan-Na. Amin.

​

Perp. : A....min, A.......min, A......min