1.

O Tuhan Kam si nemani aku,

Kukataken lalap bujur baNdu,

Gegeh kuasaNdu benteng geluhku

Dame ban keleng ateNdu

Ras ngaloken pasu-pasuNdu

​

2.

O Tuhan mbelin kal kuasaNdu

B’reNdu denga tetap gegeh bangku

Geluhku ibas keleng ateNdu

Tetap dame teneng tendingku

Tetap dame teneng tendingku

​

1.

Tuhanta Yesus ndilo kita

Guna erpengendes baNa

Sabab bage kin arusna

‘di kita anak Dibata

‘di ngasup kita setia

Tentu ikelengiNa

Em si mehuli payo ate Tuhan ngena

2.

Tuhanta Yesus nuruh kita

Notoken teman-temanta

Si mberat baban geluhna

Si latih ndele ukurna

Alu bage ngena ‘teNa

Tentu idengkehkenNa

Kai si mehuli guna kita manusia

Lit.

:

Dibatanta e mulia, kemulianNa teridah i belang-belang doni si itepaNa dem alu kiniulin. ItepaNa kita sentudu ras tempasNa gelah sicidahken kemulianNa man doni enda. Kekelengen Dibata man manusia e mpetangkas maka manusia meherga i lebe-lebeNa.

Perp.

:

... (KEE 177:1 iendeken)

1.

Kekelengen ni Dibata,

Kekelengen badia.

Nusur kap ku doni enda,

Nemani manusia.

Yesus Kam me si perkuah,

Bengketi pusuh kami.

AjariNdu kami gelah,

Lah gelarNdu terpuji.

Lit.

:

Kemulian Dibata siteridah i bas perbahanen Kristus ngajari kita gelah nggeluh ngkelengi kalak si lit i bas erbage kesusahen nggeluh.

Perp.

:

... (KEE 177:2 iendeken)

2.

Usekenlah min KesahNdu,

Sanga m’riah tah susah.

Cidahken kekelengenNdu,

Man gelemen kami lah.

Yesus Kam arapen kami,

KekelengenNdu tetap.

Maka Kam lah teman kami,

Lalap seh rasa lalap.

Lit.

:

Dibata setia man banta. I bas kekelengenNa iergakenNa kita alu ngatanken kita i bas dahinNa si mulia.

1.

Kataken bujur ban Tuhan Mehuli

Tetap rasa lalap Keleng ateNa

Malem kal ateta rembak ras IA

Kataken bujur baNa

​

3.

Kataken bujur penegu-neguNa

Tetap rasa lalap keleng ateNa

Malem kal ateta nggeluh ras IA

Kataken bujur baNa

4.

Kataken bujur ban kam sampatiNa

Tetap rasa lalap keleng ateNa

Bas perbebenndu kam isampatiNa

Kataken bujur baNa

Lit.

:

Marilah sigejapken keleng ate Dibata si mpehaga kita, si erbahan kita sentudu ras tempasNa, … kurangna kita mperdiateken turang seninanta si tading i bas Yayasan Kesejahteran Penyandang Disabilitas (YKPD) Alpha Omega, Pusat Pelayanan Orangtua Sejahtera (PPOS) ras Panti Asuhen Kristen (PAK) Gelora Kasih.

Perp.

:

...

Perp.

:

Ngaku kami O Tuhan, megati denga kami ngukurken diri kami saja, seh maka kami lanai ngidah teman si man perdiatenken ras si man sampaten kami i bas kegeluhen enda. Geluh kami arusna erguna man kalak si deban. Nahe kami arus jadi nahe kalak si cempang.…

Perp.

:

…Tan kami jadi tan man kalak si la ertan. Cuping kami jadi cuping man kalak si la erpemegi. Mata kami jadi mata man kalak si la erpengidah. Tapi sedekah enda lenga ipakeken kami kerina bagi sura-suraNdu. O Tuhan, alemi min kami.

Lit.

:

Tuhan ngkuhi kita alu pusuh ras perukuren, gelah kita maba pusuh ras perukuren Kristus ku bas kegeluhen temanta manusia

Perp.

:

Ngaku kami O Tuhan, lenga kami ngasup njagai diri kami, seh maka banci ceda ukur teman kami si musil, si ercinengga dingen si kote. O Bapa alemi ras pelimbarui lah pusuh kami.

2.

Megati meganjang ukur

Nogan nimbak kataNa

Piah dungna latih rukur

Di sirang ras Dibata

Begikenlah pendiloNa

Malang erlajar baNa

Di mberat pe bas geluhta

Menahang di ras IA

3.

Di kita la mediate

Man teman ras jabunta

I ja pe la malem ate

Disirang ras Dibata

Begikenlah pendiloNa

Usih perbahanenNa

Sampati turang senina

Dame senang ukurta

Lit.

:

“Sabab Dibata kap mereken kepentaren man kerina jelma alu melumbar dingen dem perkuah ate”. (Bdk. Jakup 1:5b)

1.

Adi ras Yesus malem naring pusuhta

IperdiatekenNa me kita ban kelengNa

Amin gia jumpa erbage percuban

La kap itadingkenNa kita isampatiNa

​

Reff. Malem me ate

Je kita pe dat dame

ras keriahen ukur

Bene me kebiaren

tading me keguluten

Mberat jadi menahang

pusuh pe jadi salang

3.

Adi ras Yesus lanai aru ateta

Darami k’rajanNa dalanken singena ‘teNa

IcukupiNa k’rina si perlu banta

Mbelin kap kuasa ras kekelengenNa banta

​

Reff. Malem me ate

Je kita pe dat dame

ras keriahen ukur

Bene me kebiaren

tading me keguluten

Mberat jadi menahang

pusuh pe jadi salang

35.

Adi temanndu kalak Israel si tading ndeher ras kam jadi musil janah lanai ia ngasup muat keperlunna, sampati lah ia bagi kam nampati kalak upahenndu, maka banci ia tetap tading ndeher ras kam.

36.

Ula bahan erbunga man bana, tapi mbiarlah man Dibata, janah pelepas temanndu kalak Israel tading ndeher ras kam.

37.

Ula suruh ia nggalar bunga duit si ipinjamkenndu man bana, janah ula buat untungndu i bas pangan si idayakenndu man bana.

38.

Eme perentah TUHAN Dibatandu si maba kam ndarat i taneh Mesir nari maka IberekenNa bandu taneh Kanaan, gelah ia jadi Dibatandu.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

Lit

¹I bas sada wari tupung jam ertoto, eme jam telu karaben, berkat Petrus ras Johanes ku Rumah Pertoton.

Perp.

²I bas gerbang Rumah Pertoton si igelari Gerbang si Mejile, lit sekalak dilaki pangpangen mulai kin tubuhna nari. Tep-tep wari ia ilanja ku gerbang e guna mindo-mindo man kalak si bengket ku bas Rumah Pertoton e.

Lit

³Asum idahna bengket ate Petrus ras Johanes ku Rumah Pertoton e, ipindona perkuah ate kalak e duana.

Perp.

⁴Itatap Petrus ras Johanes ia, jenari nina Petrus man bana, "Nehenlah kami."

Lit

⁵Emaka inehenna kalak e duana alu pengarapen ngaloken perkuah atena.

Perp.

⁶Tapi nina Petrus man bana, "La lit duit i bas aku, tapi kai si lit i bas aku kubereken man bandu: I bas gelar Jesus Kristus, kalak Nasaret, kukataken man bandu, dalankenlah!"

Lit

⁷Kenca bage ijemak Petrus tan kemuhen si pangpangen e jenari isampatina tedis. Minter megegeh nahena ras mata-mata nahena.

Perp.

⁸Lompat ia janah erdalan kujah-kujenda. Jenari bengket ia ku Rumah Pertoton ras kalak ndai; erdalan ia janahna lompat-lompat ipujina Dibata.

Lit

⁹Kerina kalak si nterem ngidah ia erdalan dingen muji Dibata.

Perp.

¹⁰Jengang ia kerina kenca itandaina maka ia kap si biasa mindo-mindo i Gerbang si Mejile i Rumah Pertoton e. Mamang atena ngidah kai si nggo jadi man kalak si mindo-mindo e ndai.

Lit.

:

“Agama situhu-tuhu dingen mehuli rikut pengakap Dibata Bapanta e me : mpekena-kena anak-anak melumang ras kalak si enggo mbalu si lit i bas kiniseran bage pe njaga diri gelah ola icedaken doni enda.”

(Jakup 1:27)

1.

Babalah persembahen si merimna

Ku adep-adepen Dibatanta

Babalah korban pujin si mehaga

Kulebe altarNa si Badia

G’lah tetap i b’reNa pasu-pasuNa

Man k’rina manusia

G’lah tetap b’reNa pasu-pasuNa

Terpuji gelar Tuhan

2.

Babalah persembahen si jilena

Ku rumah Dibata si Perkuah

Babalah korban pujin si merimna

Ku adep-adepen si erkuasa

G’lah tetap b’reNa keleng ateNa

Ras lias ateNa banta

G’lah tetap b’reNa pasu-pasuNa

Segedang-gedang geluhta

3.

‘ndeskenlah persembahenta man baNa

Si nggo nehken kegeluhen banta

‘ndeskenlah lagu pujin si jilena

Jadi persembahen si Badia

G’lah lias ras keleng ateNa

isehkenNa man banta

E maka ernalem ku IA

Malem tuhu ateta

Lit.

:

Bagi Dibata enggo encidahken orat kegeluhen Kinirajan Surga man banta si tek baNa, gelah si angka dingen si cibalken orat rukur ras pengeketta

Perp.

:

Erpadan kami Tuhan, nggit empelimbarui perukuren ras pengkebet i bas ngayaki kinirajan doni nari ku bas kegeluhen si encidahken tanda-tanda warga Kinirajan Surga.

Lit.

:

Dibata nepa kita kerina manusia meherga sue ras tempasNa

Perp.

:

Erpadan kami Tuhan, nggit maba ukur ras pengertin kami, kempak kalak si musil si arus i kelengi.

Lit.

:

Dibata i bas Jesus Kristus kepate dingen ngergaken kalak si medanggel geluhna.

Perp.

:

Erpadan kami Tuhan, nggit maba diri kami guna ngaloken ras ngergai kalak si disabilitas i YKPD Alpha Omega, orangtuanta si enggo lanjut usia i PPOS, bagepe anak-anak melumang i PAK Gelora Kasih

1.

O Tuhan ajari kami

Engkelengi teman kami

Si latih kote ras ndele

Ngidah p’ratenNa e.

Reff. Bage kap pedah Tuhanta

Sikeleng-kelengen

Bage kap pedah Tuhanta

Sisampat-sampaten

2.

O Tuhan pakelah kami

‘lah ngasup tutus nampati

Si labuh la jumpa dame

‘lah geluna jore.

Reff. Bage kap pedah Tuhanta

Sikeleng-kelengen

Bage kap pedah Tuhanta

Sisampat-sampaten

3.

O Tuhan pengasup kami

Nggejapken dingen ngapuli

Pusuh si rate mesui

Gelah terapuli.

Reff. Bage kap pedah Tuhanta

Sikeleng-kelengen

Bage kap pedah Tuhanta

Sisampat-sampaten

“Dibata, sumbul kemalemen ate e gelah si ncukupi keperlunndu guna ndalanken si sentudu ras peratenNa. Janah Dibatalah erdahin i bas kam arah Jesus Kristus gelah kam ngelakoken kai si ngena ateNa. Man Kristuslah kemulian seh rasa lalap. Amin.”

​

​

Perp. : A....min, A.......min, A......min