Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. N. Nael Ginting, S.Th
JUMAT SIMBELIN
Jumat, 07 April 2023
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
KATA PENARUH
KEE No. 041 : 1-3
Metunggung ngadap Kam?
O, Raja surga, doni,
Si mada kerajan.
Sagani ibas kami,
Tendang KesahNdu e.
Lah payo isipati,
Singena ateNdu e.
Perpulungen Tedis
KEE No. 041 : 1-3
Kuasa ilat e.
Reh Kam nebusi kami,
Nangtangi kami pe.
Idah Kam si musil,
Mereken kemulian.
Lah si medung tampil,
Ku surga iban kam.
KEE No. 041 : 1-3
Reh Kam ku doni e.
Nadingken kemulianNdu,
Ras jadi musil pe.
Ibas tanemen nari,
‘Bas mara kek’lesan.
Iangkat Kam kap kami,
Kubas kemulian.
VOTUM & SALAM
Kristus jine nggo ngangkut dosa-dosanta i bas KulaNa i kayu persilang, gelah kita mate nandangi dosa, jenari nggeluh nandangi si ngena ate Dibata. Erdandanken LukaNa, kam nggo ipepalem. (1 Petrus 2 : 24)
1. | E lalap nge kuinget Gurungku Tuhan e Ku idah nggo teriket Iuru kalak e TakalNa nggo terdareh Ban duri si telap Teman-temanNa ja keh? Ma sada pe tetap |
KEE No. 141 : 1-3
2. | UkurNa kap mehuli PedahNa bujur nge Perdosa iapuli E peratenNa me Ah, la kap lit inganNa Nggo latih pe ‘rdahin I kayu silang saja Je jumpa pengadin |
KEE No. 141 : 1-3
3. | ‘Bas paksa kegelapen Erkinar-kinar t’rang I kayu silang kapen Tuhanku nggo menang Nggo talu me nuate Nggo mutus me kesah Lang! Ja Tuhanku mate Je padan ngge esah |
KEE No. 141 : 1-3
Perpulungen kundul
Ende-enden pujin
Lit. | : | “O Tuhan, keleng ateNdu seh ku langit, kesetianNdu seh ku awang-awang. KebenarenNdu seri ganjangna ras deleng, kinibujurenNdu seri bagesna ras lawit, manusia ras rubia-rubia ipekena-kenaNdu o Tuhan. O Tuhan andiko ergana keleng ateNdu e, ikawaliNdu aku i teruh kabengNdu”. |
Pertoton perpulungen guna ngendes man dibata
Lit. | : | “Aminna pe kita dem alu kesalahen, erbahan si la ngena ate Dibata segedang-gedang wari, tapi Dibata e tetap engkelengi kita. Perkuah ateNa tetap simpar i bas kegeluhenta. Emaka gundari mari dage si pake waktuta guna bengket ku bas paksa teneng, guna rukur kerna kinilangasupenta ndalinken si ngena ate Dibata. |
PAKSA TENENG
Pengakun dosa
Lit. | : | “Kalak jahat megiken pengajuk dosa seh ku bas pusuhna, sitik pe la ia mbiar man Dibata. Erkiteken meganjang iakapna bana, iakapna maka la i eteh Tuhan dosana janah la ia iukumNa. Rananna jahat janah melala takina, simehuli dingen pentar lanai ia nggit ngelakokenca”. (Masmur 36 : 2 – 4) |
KEE No. 125 : 1-3
1. | Nggo me berkat Tuhan e Ku das uruk Golgota Latih kal akapNa pe IpersanNa silang e Nembah kita baNa min Nginget k’lengNa banta kin |
KEE No. 125 : 1-3
2. | Kasa si kubahan e La erbahan senang pe Ceda kal ateku pe Naktak pe iluhku e K’rina si kugengken e Yesus penampatku nge |
KEE No. 125 : 1-3
3. | Kam kudahi o, Tuhan Ras dudurken tanNdu min Tahan Kam seh mate pe Ban kelengNdu me kepe Sampat aku lalap min Tebus Kam tendingku kin |
Berita PENGALEMI DOSA
Lit. | “Terpujilah Dibata erkiteken kiniulinNa si mulia, si icidahkenNa man banta arah pemereNa i bas anakNa si ikelengiNa. Sabab erkiteken Kristus enggo itebusi, eme dosa-dosanta enggo i alemi Dibata”. |
Perpulungen Tedis
KEE No. 166: 1-3
1. | Nggo mambur dareh Tuhan e I uruk Golgota Kerina e igengkenNa Lah masap dosanta Lah masap dosanta Lah masap dosanta Kerina e igengkenNa Lah masap dosanta |
KEE No. 166: 1-3
2. | Si jahat pe ibaba ka Tersilang ras Ia ‘Di aku pe bage me ka Lah ialemiNa Lah ialemiNa Lah ialemiNa ‘Di aku pe bage me ka Lah ialemiNa |
KEE No. 166: 1-3
3. | DarehNdu e si badia Em si nasapkenca Dosangku e si melala Melikas ibanNa Melikas ibanNa Melikas ibanNa Dosangku e si melala Melikas ibanNa |
Ngoge Kata Dibata Masmur 22 : 12 – 16
(Responsoria)
L. | 12Nggo ndeher kiniseran, ula min Kam tetap ndauh O TUHAN, sabap adi la Kam, ise kin nampati aku? |
P. | 13Bali ras rarasen banteng, ikeleweti musuh aku, bagi banteng si meliar i Basan nari, ikepungna aku. |
(Perpulungen Kundul)
Masmur 22 : 12 – 16
L. | 14Nganga babahna ngalaken aku, bagi singa erdengum ngerigep panganna atena. |
P. | 15Kerina gegehku nggo keri, bali ras lau mambur ku taneh, tulan-tulanku nggo nangtangen kerina, pusuhku melengas bagi lilin kena api. |
Masmur 22 : 12 – 16
L. | 16Kalah-kalahku kerah bali ras abu, dilahku leket i das langit-langit babahku. I bas abu kematen, TamparkenNdu aku. |
Lit. | : | Ketuahen kalak si megiken Kata Dibata, dingen simakekenca ibas geluhna si teptep wari, Haleluya. |
Perp. | : | (iendeken) Ha le lu ya, Ha le lu ya, Ha le lu ... ya. |
Tema :
“Jesus Ndungi DahinNa”
Johanes 19 : 28 - 30
(Tunggal)
Pdt. N. Nael Ginting, S.Th
28. | Kenca bage ieteh Jesus maka nggo dung kerina DahinNa. Janah gelah seh bagi si tersurat i bas Pustaka Si Badia nina Jesus, "Muas Aku." |
Johanes 19 : 28 – 30
29. | I bas ingan ndai lit sada guci dem anggur si macem. Icelupken kalak ndai bunga karang ku bas anggur e, jenari icucukkenna ku batang isop, kenca bage idudurkenna ku biber Jesus. |
30. | Icepcep Jesus anggur e, jenari nina, "Nggo dung!" Jenari mungkuk TakalNa, mate Ia. |
Johanes 19 : 28 – 30
Tema :
“Jesus Ndungi DahinNa”
Johanes 19 : 28 - 30
Pdt. N. Nael Ginting, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | “O senina-seninangku, nginget perkuah ate Dibata si mbelin si isehkenNa man banta, Kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna ersembah man Dibata sue ras biakndu mahluk si rukur.” |
(Perpulungen Kundul)
KEE 346 : 1-
1. | Endesekenlah kegeluhenta, Man Tuhan e si perkeleng kap. Endeskenlah aru ateta, Man Yesus e si melias kap. Reff. Tuhanta e pengapul si tuhu baban mberat jadi menahang Pakekenlah kata Pedah Tuhan ukur serbut jadi menahang. |
2. | Tuhan Yesus arapenta min Ingan malem kelsehenta kin Ertotolah man Tuhanta min Pusuh ceda banci t’rapul kin. Reff. Tuhanta e pengapul si tuhu baban mberat jadi menahang Pakekenlah kata Pedah Tuhan ukur serbut jadi menahang. |
KEE 346 : 1-
3. | Ernalemlah man Tuhanta e Ibas kita ‘rceda ate e persanNa kap gulut ukur e Angkatna pe kesusahen e. Reff. Tuhanta e pengapul si tuhu baban mberat jadi menahang Pakekenlah kata Pedah Tuhan ukur serbut jadi menahang. |
KEE 346 : 1-
4. | Dibatanta si dem perkuah Ia me kap pengarapenta Si tetap pe nikapken banta Pengarapen kegeluhenta. Reff. Tuhanta e pengapul si tuhu baban mberat jadi menahang Pakekenlah kata Pedah Tuhan ukur serbut jadi menahang. |
KEE 346 : 1-
5. | Ku Tuhanlah penundalenta Ibas paksa susah nah senang Ku surgalah pengarapenta Gelah pusuhta teneng. Reff. Tuhanta e pengapul si tuhu baban mberat jadi menahang Pakekenlah kata Pedah Tuhan ukur serbut jadi menahang. |
KEE 346 : 1-
Lit. | Turang ras senina, perkuah ate Dibata si mbelin enggo sialoken. Jesus nggit jadi kahul man banta gelah kita terkelin. Erkiteken si e kita rutang sikeleng-kelengen i bas doni enda. |
Perp. | Bujur Tuhan i bas perkuah ateNdu si mbelin si enggo ku aloken. Aku erpadan maka kekelengenNdu ku sehken pe man doni enda. |
Perpadanen Man Dibata
(Perpulungen Tedis)
Lit. | Turang ras senina, kematen Tuhan Jesus e mereken usihen man banta i bas ermeteruk ukur, setia ras nggit mereken dirindu guna kiniulin enterem jelma ras doni enda. |
Perp. | Erpadan aku Tuhan ngusih Kam i bas ermeteruk ukur, setia ras nggit mereken diringku guna kiniulin enterem jelma ras doni enda. |
Perpadanen Man Dibata
Lit. | Turang ras senina, ibas kematen Jesus, kita nggeluh ibas geluh si mbaru. |
Perp. | Erpadan aku Tuhan i bas ndalani wari-waringku, tetap nggeluh nangdangi si ngena ateNdu. |
Lit. | Sipepaguhi perpadanenta arah ende-endenta : ...... |
Perpadanen Man Dibata
KEE No. 402 : 1-2
1. | Perban kekelengenNdu, tebusiNdu dosangku. Alu mambur darehNdu, Geluhku jadi mbaru Reff. Asa ngasup gegehku, kuikutken kataNdu Yesus kam si perkuah. kupuji ras kusembah. |
KEE No. 402 : 1-2
2. | Perban kekelengenNdu ibabaiNdu dalanku Ku dalan kesenangen Gelah aku terkelin Reff. Asa ngasup gegehku, kuikutken kataNdu Yesus kam si perkuah. kupuji ras kusembah. |
Bengketlah ku bas kegeluhenndu sekalak-sekalak. Cidahkenlah kesetian ras ketutusen atendu ngikutken si ngena ate Dibata i bas geluhndu. Guna si e, alokenlah pasu-pasu idur Dibata nari : “i pasu-pasu janah i kawali Dibata kam, siang ayo Dibata ersinalsal i babondu janah melias ateNa ngenehen kam, i tatap Dibata ku kam janah malem atendu ibahanNa”. Amin Perp. : A....min, A.......min, A......min |
Paksa teneng
Selamat Ngerayaken
Jumat Simbelin