14 ta’ Frar–Festa ta’
San Ċirillu San Metodju
raħeb isqof
patruni tal-Ewropa
Glorja `l Alla fil-għoli
tas-smewwiet, u paċi fl-art lill-bnedmin ta’ rieda tajba.
Infaħħruk,
inberkuk,
nadurawk,
nagħtuk ġieh.
Inroddulek ħajr
għall-glorja kbira tiegħek. Mulej Alla, Sultan
tas-sema,
Alla Missier li tista’ kollox.
Mulej Iben waħdieni, Ġesù Kristu,
Mulej Alla, Ħaruf ta’ Alla, Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna.
Int li qiegħed fuq il-lemin tal-Missier, ħenn għalina. Għaliex Int waħdek Qaddis, Int waħdek Mulej,
Int waħdek il-għoli,
Ġesu’ Kristu, ma’ l-Ispirtu
s-Santu:
fil-glorja tal-Missier Alla.
Ammen.
14 ta’ Frar–Festa ta’
San Ċirillu San Metodju
raħeb isqof
patruni tal-Ewropa
Qari mill-Ktieb�tal-Atti tal-Appostli�Atti 13:46-69�
F’dak iż-żmien, Pawlu u Barnaba qalu lil-Lhud:
“Hekk kien jeħtieġ, li
l-kelma ta’ Alla titħabbar lilkom l-ewwel; billi intom qegħdin twarrbuha,
u jidhrilkom li ma tistħoqqilkomx il-ħajja ta’ dejjem, aħna sa nduru għal fuq il-pagani.
Għax hekk ordnalna
l-Mulej, ‘Jien għamiltek biex tkun dawl il-ġnus, biex twassal is-salvazzjoni sa truf l-art.’”
Il-pagani, meta semgħu dan, bdew jifirħu u jfaħħru
l-kelma tal-Mulej, u dawk kollha li kienu magħżulin għall-ħajja ta’ dejjem emmnu.
Hekk il-kelma
tal-Mulej kienet tinxtered mal-art kollha.
Il-Kelma tal-Mulej
R:/ Irroddu ħajr lil Alla
R:/ Morru fid-dinja kollha, xandru l-Bxara t-tajba!
Salm Responsorjali
Faħħru l-Mulej, ġnus kollha,
sebbħuh, popli kollha.
R:/ Morru fid-dinja kollha, xandru l-Bxara t-tajba!
Għaliex qawwija hi
l-grazzja tiegħu għalina,
il-fedeltà tal-Mulej tibqa’ għal dejjem.
R:/ Morru fid-dinja kollha, xandru l-Bxara
t-tajba!
Hallelujah, Hallelujah
Il-Mulej ikkonsagrani biex inwassal il-Bxara t-Tajba
lill-fqajrin,
bagħatni nħabbar il-ħelsien lill-imjassrin.
Hallelujah, Hallelujah
Qari mill-Evanġelju skont
San Luqa
Lq 10, 1-9
R:/ Glorja lilek Mulej
F’dak iż-żmien: Il-Mulej qabbad tnejn u sebgħin oħra u bagħathom tnejn tnejn qablu f’kull belt u post fejn kien sejjer hu. U qalilhom:
“Il-ħsad hu kbir, tassew, imma l-ħaddiema ftit. Itolbu mela ’l sid il-ħsad biex jibgħat ħaddiema għall-ħsad tiegħu.
Morru! Araw, qiegħed nibgħatkom bħal ħrief qalb l-ilpup.
Teħdux magħkom,
la but, la ħorġa,
u lanqas qrieq,
u fit-triq issellmu ’l ħadd.
Fid-dar fejn tidħlu,
l-ewwel għidu,
‘Sliem lil din id-dar.’
U jekk fiha jkun hemm bin is-sliem, jistrieħ is-sliem tagħkom fuqu; jekk le,
it-tislima tagħkom terġgħalkom lura għandkom.
Ibqgħu għand dik
il-familja, u kulu u ixorbu milli jkollhom huma, għax
il-ħaddiem ħaqqu ħlasu.
Toqogħdux idduru mingħand familja għal oħra.
F’kull belt li fiha tmorru u jilqgħukom, kulu dak li jqedgħdulkom quddiemkom;
fejqu l-morda tagħha,
u lin-nies għidulhom
‘Is-Saltna t’Alla waslitilkom.’ ”
Il-Kelma tal-Mulej
R:/ Tifħir lilek Kristu
14 ta’ Frar–Festa ta’
San Ċirillu San Metodju
raħeb isqof
patruni tal-Ewropa