1.

Pesikaplah ukurta

Adi ndahi Dibata

Ukur si serbut, Si lit bas ‘bas kita

Endeskenlah man baNa

​

Reff. Ban Ia si mereken pengadin

Makana kita dorek min terkelin

‘Di Jesuslah si bahan Temanta

E tentu malem kal ateta

3.

Gejapkenlah dosanta

Adi ngadap Tuhanta

Pusuh si runut, si ngampang kita

Ampekenlah kempakSa

​

Reff. Ban Ia si mereken pengadin

Makana kita dorek min terkelin

‘Di Jesuslah si bahan Temanta

E tentu malem kal ateta

Lit.

:

Dibata kap penampat simpenahangi kiniseran anak-anakNa.

Perp.

:

Si mperdiateken geluh kami, si mereken kai si iperluken kami i bas paksana

Lit.

:

Keleng ate Dibata ngalemi dosa

Perp.

:

Si mulahi kami i bas perbeben, kesusahen ras cilaka nari

Lit.

:

Dibata kap si perkeleng dingen perkuah

Perp.

:

Si mulahi kami i bas perbeben, kesusahen ras cilaka nari.

Lit.

:

Dibata kap si perkeleng dingen perkuah

Perp.

:

Keleng atena nemani maka la kami talu

Lit.+ Perp.

:

Terpujilah Kam o Tuhan si tetap setia erdahin njagai dingen ngkawali kegeluhen kami.

1.

Keleng ateNdu tangkas bangku

Si ku pujiken lalap min

Kam Tuhan Yesus me Rajangku

Si erkeleng man bangku kin

Madin keleng ateNdu ku inget

Asang k’rajang ku me tersinget

3.

Kuteh Kam nari pengarapen

‘Di sirang kita e medu

Lit gia kuasa lain tetapen

Ukurku e di Kam negu

Lah saber ate kerajangku

Kuinget lalaplah Tuhanku

Lit.

:

Turang ras senina, kita nggeluh i tengah-tengah doni si dem alu perbeben. Eme si jadi rudang i tengah kegeluhenta. Lit si ngasup ertahan ibas perbeben si reh nderpa kegeluhen, tapi mbue ka si guling janah lanai ngasup keke perbahan beratna perbeben e. Lit ka deba bene pengarapen geluhna sabab lanai ngasup ngidah si mehuli i bas doni enda. Manusia ndarami ingan cicio arah perbebenna, ndarami dalan pulah ras terkelin.

1.

Kam Jesus Tuhanku palas kegeluhenku

Reh aku ngadap man baNdu

Tegulah min aku ibas ndalani geluhku

‘Lah ula celus nahengku

Reff. Dengkehken sorangku erlebuh o Tuhan

Ngendesken pingko-pingkoku

Alemi min salah dosangku o Tuhan

‘Lah atan bas kiniulin

2.

Kam Jesus Tuhanku, sampati min geluhku

Alemi Tuhan dosangku

La kap lit terligen ibas adep-adepenNdu

Kerina salah lepakku

Reff. Dengkehken sorangku erlebuh o Tuhan

Ngendesken pingko-pingkoku

Alemi min salah dosangku o Tuhan

‘Lah atan bas kiniulin

Lit.

Nina Tuhan man bandu si enggo nuriken perbebenndu man baNa :

“Tuhan mehuli kap, IkawaliNa BangsaNa i bas kiniseran, ipermakaniNa kalak si mulihken ndahi IA.”

1.

Kataken bujur man Tuhan

perbahan kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

54.

Istepanus ibenteri alu batu

Megelut anggota sidang megi ranan si Istepanus. Erderik ipenna perban rawana nandangi Istepanus.

55.

Tapi Istepanus si dem alu Kesah Si Badia, natap ku das. Idahna terang si ersinalsal i bas Dibata nari janah idahna pe Jesus tedis arah kemuhen Dibata.

56.

Jenari nina, "Nehenlah! Kuidah langit talang, janah Anak Manusia si isuruh Dibata tedis arah kemuhen Dibata."

57.

Alu sora megang serko kerina anggota sidang e janah nutupi cupingna alu tanna. Jenari iserbuna Istepanus.

58.

Isarenna ku darat kuta, jenari ibenterina alu batu. Kalak si menterisa e nangtangi bajuna, janah itadingkenna i bas sekalak anak perana; gelarna Saul.

59.

Asum Istepanus ibenteri kalak e, ertoto ia man Tuhan nina, "O Tuhan Jesus, alokenlah tendingku!"

60.

Erjimpuh ia janah nina alu sora megang, "O Tuhan, ula min ikira Kam dosa kalak enda." Kenca ikatakenna si enda, mate ia.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Hosiana.

Perp.

:

(iendeken)

Ho si a na, Ho si a na, Ho si a … na.

Lit.

¹²¹Kepatuhen nandangi undang-undang Tuhan

Nggo kulakoken kai si mehuli dingen si payo, ula aku iendesken man imbang-imbangku.

Perp.

¹²²Erpadanlah maka Kam si nampati aku suruh-SuruhenNdu, ula pelepas kalak megombang nindihi aku.

Lit.

¹²³Meser matangku nimai PenampatNdu, nimai pembebasen si nggo IpadankenNdu.

Perp.

¹²⁴Bahan min bangku rikut keleng AteNdu si tetap, dingen ajarken min man bangku peraturen-PeraturenNdu.

Lit.

¹²⁵Suruh-SuruhenNdu kap aku, bereken min bangku pengertin, gelah banci kuantusi PengajarenNdu.

Perp.

¹²⁶O TUHAN, nggo seh paksana Kam bertindak, erkiteken nterem kal kalak la matuhi undang-UndangNdu.

Lit.

¹²⁷Keleng ateku man PeraturenNdu, lebihen asangken engkelengi emas murni.

Perp.

¹²⁸Eme sabapna kuikutken kerina PerentahNdu; dingen dalan si lepak nembeh ateku.

Lit.

:

Tuhan kap permakanku, emaka la kekurangen aku. Ibas mbal-mbal si meratah ipesenang-senangNa aku. Kempak lau si teneng permalerna, itegu-teguNa aku. ibabaiNa aku arah dalan si pinter erkiteken gelarNa (Mazmur 23 : 1- 3)

1.

Ise kin kami enda o, Bapa

Maka kami ngasup mere baNdu

Labo ban gegeh kami o, Bapa

Kam Raja Surga doni

Reff.

Kai pe si lit ibas kami o, Bapa

E kap bekas pemereNdu man kami

Enda sada bagin,

Bapa ipersembahken kami

2.

Ngataken bujur kami man baNdu

Arah persembahen kami enda

Aloken ras ipasu-pasuNdu

Terpujilah gelarNdu

Reff.

Kai pe si lit ibas kami o, Bapa

E kap bekas pemereNdu man kami

Enda sada bagin,

Bapa ipersembahken kami

3.

Nggejap b’linna perkuah ateNdu

Makana kami mere man baNdu

Kai pe cukup i bas Kam o, Bapa

Kam Raja Surga doni

Reff.

Kai pe si lit ibas kami o, Bapa

E kap bekas pemereNdu man kami

Enda sada bagin,

Bapa ipersembahken kami

Lit.

Dibata tetap natap kempak kegeluhen manusia.

Perp.

Erpadan aku Tuhan tetap nare ku Kam i bas kerina dampar kegeluhenku.

Lit.

Dibata kap ingan ngendesken perbeben geluh.

Perp.

Erpadan aku Tuhan tetap ernalem dingen erpengendes man baNdu saja.

Lit.

Dibata la erngena ate man kalak si erdua ukur i bas kiniteken

Perp.

Kupetetap ukurku ngikutken Kam saja Tuhan.

1.

Kawali perpulungenNdu Tuhan

bas perdalan geluh

Ibas geluh susah tah pe senang

Subuk ngalo ntah mere

Tegu perpulungenNdu Tuhan

Jagai ibas tanNdu

Babai ku bas lau maler si teneng

Bas dalin kiniteken

2.

Tuahi perpulungenNdu Tuhan

Si maba pusuh dame

Singgeluh mereken pengarapen

Si dem bas kekelengen

Sampat perpulungenNdu Tuhan

Bas jumpa percuban

Babai ku bas lau maler si teneng

Bas dalin kiniteken

3.

Sampat perpulungenNdu o Tuhan

Nggejap keleng ateNdu

Petetap ukur anakNdu Tuhan

Cikep ‘nteguh padanNdu

Lalit ingan malem si deban

‘di la ras Kam Tuhan

PadanNdu kap gelemenku Tuhan

Gelah aku terkelin

Tetaplah ukurndu i bas ngikutken dalan Dibata, guna jadi gegehndu, alokenlah pasu-pasu idur Dibata nari:

​

“i pasu-pasu janah i kawali Dibata kam, siang ayo Dibata ersinalsal i babondu janah melias ateNa ngenehen kam, i tatap Dibata ku kam janah malem atendu ibahanNa”. Amin

​

Perp. : A....min, A.......min, A......min

​