Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. N. Nael Ginting, S.Th
Minggu PASSION – V
Letare : “Teridahlah”
19 Maret 2023
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
KATA PENGALO-NGALO
KATA PENARUH
KEE No. 003 : 1-2 (Puji Dibata E)
Kita kerina erjimpuh ertoto ku Ia
Pulunglah min! Rende ersurak me kin
K’rina me kam manusia
E maka kerajang jelma mehuli jadina
Rajanta e, numpak ginemgemNa nge
Em peraten bagidina
Perpulungen Tedis
VOTUM & SALAM
Ketuahen kalak si ngenanami kiniseran erkite-kiteken nehken peraten Dibata; sabap man bana me Kinirajan Surga
(Matius 5 : 10)
KEE No. 019 : 1,4 (Jujuren Tuhan Bujur Me)
Mehuli perbahanNa.
La mbiar aku pe bene,
Geluhku ibas tanNa.
Di mesera entah kuga,
La picet kuakap,
Dibata Raja lalap.
KEE No. 019 : 1,4 (Jujuren Tuhan Bujur Me)
Em kap penalemenku.
La duri saja bangku e,
Lit rudang pe k’rajangku.
Di mesera, megati ka,
Lit si ntebu singgurna,
Dibata njujurisa
Perpulungen kundul
Pengakun kerna kekoten i bas kegeluhen
Lit. | : | O Tuhan nehenlah kami anak-anakNdu si kote dingen dem salu kekurangen ras kelepaken. Si tuhuna la kami metunggung i lebe-lebeNdu sabab Kam kap Bapa si dem alu kebadian, kekelengen ras kuasa, emaka tuhu-tuhu ngaku kami Tuhan, kalak perdosa kap kami. |
1. | O Tuhanku o, Dibatangku Rusur aku nimbak pedahNdu Nggo meluat k’rina geluhku Labo dame banna pusuhku |
KEE No. 304 : 1
Pengakun kerna kekoten i bas kegeluhen
Lit. | : | O Tuhan i bas kegeluhen kami rusur kami la nginget uga belinna perkuah ateNdu si nggit ngenanami kiniseran gancih kami. Uga belinna kekelengenNdu si nampati i bas perbeben kami subuk i bas sakit, pendahin kami, perbeliten ras i bas kai pe saja si jadi bas kegeluhen kami. Rusur kami nalahken kam i bas kegeluhen kami, Tuhan sasapkenlah dosa kami. |
1. | O Tuhanku o, Dibatangku Rusur aku nimbak pedahNdu Nggo meluat k’rina geluhku Labo dame banna pusuhku |
KEE No. 304 : 1
Pengakun kerna kekoten i bas kegeluhen
Lit. | : | Rusur kami la ngukuri ise kami i lebe-lebeNdu, rusur kami erpengakap maka belinen kami asang Kam..... .... Arah nahe si arusna ipake kami guna erdalan i bas kebujurenNdu rusur ipake kami guna nilah i bas kebenaren ras mabai kami ku dalan si la mehuli si dem alu kinilabujuren. O Tuhan tuhu-tuhu ngaku kami maka geluh kami megati enggo ndauh iadepenNdu nari. |
2. | O Tuhanku o, Dibatangku Kutungtungken ukurku baNdu Ras mekuah ateNdu aku Sasapkenlah salah dosangku |
5. | O Tuhanku o, Dibatangku Kam kap lalap penalemenku Ras kupuji tetap gelarNdu I bas gedang-gedang geluhku |
KEE No. 304 : 2,5
Lit. | : | “Bahan maka pusuhndu si getem si ncidahken atendu ceda. Adi uisndu saja nge icaingkenndu la kap bias. Jeralah kempak Tuhan Dibatandu. IA melias dingen dem perkuah ate. IA persaber janah tetap icikepNa padanNa. Tetap IA nggit ngalemi dosandu la kam iukumNa” (Joel 2 : 13) |
Padan Dibata man kalak si ngakuken dosana
KEE No. 199 : 1-2
1. | Senang gundari geluhku Ban Tuhan negu langkahku Kuja pa pe perdalanku Tetap tanNa gelemenku Reff. Tuhan nemani geluhku CikepNa tanku meteguh Dibata pengendesenku Ibas tanNa aku ‘nggeluh |
KEE No. 199 : 1-2
2. | Tah paksa berngi si gelap Tah paksa g’luhku la sikap Man baNa aku ernalem KataNa lalap kugelem Reff. Tuhan nemani geluhku CikepNa tanku meteguh Dibata pengendesenku Ibas tanNa aku ‘nggeluh |
Pendilo guna ikut i bas kiniseran tuhan jesus
Lit. | Ngaloi Jesus nina: “Kukataken pe man bandu, maka ise pe si nadingken rumahna, seninana ntah turangna, nandena ntah bapana, anak-anakna ntah jumana, erkite-kiteken Aku dingen erkite-kiteken Berita si Meriah, genduari e pe ialokenna buen asa si ndai. Ialokenna seratus kali lipat : rumah, senina, turang, nande, bapa, anak ras juma, aminna gia mesera akapna erkiteken iayak-ayak kalak janah ialokenna pe pagi kegeluhen si tuhu-tuhu si la erkerin-kerin.” (Markus 10 : 29-30) |
Perpulungen Tedis
KEE No. 182 : 1,3,5
1. | O, Tuhan Kam tetap, Tedehku man baNdu. Arapku lalap Kam, Nemani geluhku. Reff. O, Tuhan rasa lalap, Geluhku temani. Ola tadingken aku, Ras Kam tetap. |
KEE No. 182 : 1,3,5
3. | O, Tuhan Kam tetap, Ras aku rembaklah. KataNdulah Tuhan, E kuikutkenlah. Reff. O, Tuhan rasa lalap, Geluhku temani. Ola tadingken aku, Ras Kam tetap. |
KEE No. 182 : 1,3,5
5. | O, Tuhan Kam tetap, Ngajari aku min. Bagi ateNdu kin, Em ngena ateku min. Reff. O, Tuhan rasa lalap, Geluhku temani. Ola tadingken aku, Ras Kam tetap. |
(Perpulungen Kundul)
Ngoge Kata Dibata Jesaya 61 : 6–11
(Responsoria)
Lit. | 6Kam igelari kap imam TUHAN ta, suruh-suruhen nu Dibatanta. Kebayaken bangsa-bangsa si deban kam ngenanamisa, janah megah akapndu perban kam empuna. |
Perp. | 7… |
Jesaya 61 : 6-11
Lit. | 6… |
Perp. | 7Dage perban kam ipemela-mela dua kali lipat janah kam iciduri ras igombangi, emaka i bas negerindu jine kebayakenndu erlipat ganda janah keriahenndu lit asa si ndekah-ndekahna. |
Jesaya 61 : 6-11
Lit. | 8Nina TUHAN, "Ngena ateKu kebujuren, tapi ciga ateKu penindasen ras kejahaten. Man bangsangKu la banci lang tetap Kubereken upahna, janah Kubahan perpadanen si nteguh rasa lalap ras ia. |
Perp. | 9… |
Jesaya 61 : 6-11
Lit. | 8… |
Perp. | 9I belang-belang doni, itandai kalak kesusurenna, terberita i bas kerina bangsa-bangsa. Emaka kasa kai kalak si ngidahsa ngaku, maka ia me bangsa si Kupasu-pasu." |
Jesaya 61 : 6-11
Lit. | 10Nina Jerusalem, "Meriah kal kuakap erkiteken TUHAN, tendingku ersurak erkiteken PerbahanenNa. Desken penganten tupung kerja perjabunna, make paken si seh kal jilena, bage me TUHAN nguisi aku alu keselamaten ras kemenangen. |
Perp. | 11… |
Jesaya 61 : 6-11
Lit. | 10… |
Perp. | 11Bali ras benih si iamburken ku bas taneh la banci lang turah, bage me la banci lang IkeliniNa BangsaNa, janah IpeturahNa puji-pujin man BaNa i bas kerina bangsa-bangsa." |
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Jesus Iendesken Me Ku Kayu Persilang”
Matius 26 : 1 - 5
(Tunggal)
Pdt. N. Nael Ginting, S.Th
1. | Kenca dung ituriken Jesus si enda kerina nina man ajar-AjarNa, |
2. | "Bagi ietehndu, dua wari nari irayaken me Wari Paskah, janah Anak Manusia persuruhen iendesken kalak me guna ipakuken ku kayu persilang." |
Matius 26 : 1 – 5
3. | Paksa si e pulung imam-imam si mbelin ras peminpin kalak Jahudi i bas rumah Kayapas, Imam si Mbelin. |
4. | Arih-arih ia kerina guna nangkap dingen munuh Jesus alu erbuni-buni. |
Matius 26 : 1 – 5
5. | I bas ia arih-arih e nina, "Ula asum Wari Paskah Ia sibunuh, gelah ola guntar kalak si nterem." |
Matius 26 : 1 – 5
Tema :
“Jesus Iendesken Me Ku Kayu Persilang”
Matius 26 : 1 - 5
Pdt. N. Nael Ginting, S.Th
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | Geluhndu arus erpalasken keleng ate, bagi Kristus enggo engkelengi kita, dingen ngendesken kesahNa man gunanta. IA enggo mpersembahken diriNa jadi persembahen si merim si ngena ate Dibata. (Epesus 5 : 2) |
(Perpulungen Kundul)
1. | Ateku tedeh man baNdu o Tuhan Malem me ateku jumpa si erkuasa Aku megegeh di ras Kam o Tuhan Sabab Kam me kapen, Ulu sinasana Reff. Kubegi KataNdu, Kata tuhu-tuhu Keke me ukurku nehken peratenNdu |
KEE 264:1-
2. | Terang kataNdu, nerangi pusuhku Pusuh jadi senang, ergiah geluhku Gegeh simbaru, berekenNdu bangku Labo aku talu, meriah ukurku Reff. Kubegi KataNdu, Kata tuhu-tuhu Keke me ukurku nehken peratenNdu |
KEE 264:1-
3. | Ib’reNdu pedah, kuakap pe megah Tambah pengertien, dat kiniulien Tambah pemeteh, turah kapen gegeh PemereNdu sampur, ras kusehken bujur Reff. Kubegi KataNdu, Kata tuhu-tuhu Keke me ukurku nehken peratenNdu |
KEE 264:1-
Lit. | Nina Jesus, Aku kap terang doni, ise singikutken Aku, ialokenna me terang si mereken kegeluhen, janah lanai IA erdalin i bas gelap. Emaka ersinalsallah min terangta selaku kalak si tek man Jesus. |
Perp. | Tuhan tetap ate kami ncidahken terangNdu e i bas kerina dampar kegeluhen kami ras jadi kesaksin si nggeluh guna sekelewet kami. |
Perpadanen Man Dibata
(Perpulungen Tedis)
Lit. | Ise si ngikut Tuhan Jesus arus kap mersan kayu persilang i bas ndalani wari-wari si ibereken Dibata. |
Perp. | Tuhan, la aru ate kami i bas mersan kayu persilang e. Tapi tetap ate kami meritaken kiniulin ras kebujurenNdu i doni enda. |
Perpadanen Man Dibata
KEE 333 : 1,4,7
1. | Tuhan e tuhu melias perkuah Ia ‘rbanca kita mejuah-juah Ia me si erbanca ukur m’riah Yesus e sinjadiken kita ‘rbuah |
4. | Kita enda k’rina teman Dibata KataNa sipakeken bas geluhta Kita enda k’rina t’rang doni enda Kita enda erguna man temanta |
KEE 333 : 1,4,7
7. | DameNa ijujurkenNa man banta Malem kal ateta jine ibanNa Simpar kal pasu-pasu b’reNa banta Tuhan e ulu k’rina si erguna |
Turang ras senina si kukelengi, tetaplah ukurta ola ... ..... Emaka berkatlah alu mejuah-juah ras alokenlah pasu-pasu idur Dibata nari : “Tapi kenca kita ngenanami kiniseran kentisik, serta me kita ibahan Dibata, si dem lias ate, si ndilo kita gelah ngenanami kemulianNa rasa lalap erkiteken persadanta ras Kristus, ipetetapNa dingen ipegegehiNa kita janah iberekenNa man banta palas si nteguh. Dibata kap erkuasa seh rasa lalap”. Amin Perp. : A....min, A.......min, A......min |
Paksa teneng
Selamat Wari Minggu