23 ta’ Lulju Festa tal-Iżvezja
Santa Briġida
reliġjuża u patruna
tal-Ewropa
Glorja `l Alla fil-għoli
tas-smewwiet, u paċi fl-art lill-bnedmin ta’ rieda tajba.
Infaħħruk,
inberkuk,
nadurawk,
nagħtuk ġieh.
Inroddulek ħajr
għall-glorja kbira tiegħek. Mulej Alla, Sultan
tas-sema,
Alla Missier li tista’ kollox.
Mulej Iben waħdieni, Ġesù Kristu,
Mulej Alla, Ħaruf ta’ Alla, Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna.
Int li qiegħed fuq il-lemin tal-Missier, ħenn għalina. Għaliex Int waħdek Qaddis, Int waħdek Mulej,
Int waħdek il-għoli,
Ġesu’ Kristu, ma’ l-Ispirtu
s-Santu:
fil-glorja tal-Missier Alla.
Ammen.
23 ta’ Lulju Festa tal-Iżvezja
Santa Briġida
reliġjuża u patruna
tal-Ewropa
Qari mill-Ittra ta’
San Pawl Appostlu
lill-Galatin
Gal 2:19-20
Ħuti: Jien permezz tal-liġi mitt għal-liġi biex ngħix għal Alla: issallabt ma’ Kristu. Ngħix, imma mhux jien, iżda Kristu jgħix fija.
Il-ħajja li ngħix fil-ġisem qiegħed ngħixha bil-fidi
fl-Iben ta’ Alla, li ħabbni u ta ruħu għalija.
Il-Kelma tal-Mulej�Inroddu ħajr lil Alla.
Il-Kelma tal-Mulej
R:/ Irroddu ħajr lil Alla
R:/ Kull ħin imbierek
il-Mulej!
Salm Responsorjali
Kull ħin imbierek il-Mulej,
tifħiru dejjem fuq fommi.
Bil-Mulej tiftaħar ruħi,
jisimgħu l-fqajrin u jifirħu!
R:/ Kull ħin imbierek
il-Mulej!
Kabbru l-Mulej miegħi,
u ngħollu ismu flimkien.
Jien fittixt il-Mulej, u weġibni,
u minn kull biża’ ħelisni.
R:/ Kull ħin imbierek
il-Mulej!
Ħarsu lejh u tiddu bil-ferħ,
u wiċċkom ma jistħix.
Dan il-fqajjar sejjaħ
il-Mulej, u semgħu,
u mid-dwejjaq kollha tiegħu ħelsu.
R:/ Kull ħin imbierek
il-Mulej!
L-anġlu tal-Mulej jgħammar madwar dawk li jibżgħu minnu,
u jeħlishom.
Ippruvaw u taraw kemm hu tajjeb il-Mulej;
hieni l-bniedem li jistkenn fih.
R:/ Kull ħin imbierek
il-Mulej!
Ibżgħu mill-Mulej, intom il-qaddisin tiegħu,
għax xejn ma jkun jonqsu min jibża’ minnu.
L-imkabbrin jiftaqru u jkunu bil-ġuħ;
min ifittex lill-Mulej ma jkun jonqsu ebda ġid.
R:/ Kull ħin imbierek
il-Mulej!
Hallelujah, Hallelujah
l-Mulej jgħid: Ibqgħu
fl-imħabba tiegħi; min jibqa’ fija, dan jagħmel ħafna frott.
Hallelujah, Hallelujah
Qari mill-Evanġelju skont
San Ġwann
Ġw 15:1-8
R:/ Glorja lilek Mulej
F’dak iż-żmien: Ġesù qal
lid-dixxipli tiegħu:
“Jiena d-dielja vera u Missieri l-bidwi. Kull fergħa fija li ma tagħmilx frott hu jneħħiha;
u kull waħda li tagħmel frott inaddafha, biex tagħmel frott aktar. Intom ġa ndaf minħabba
fil-kelma li għidtilkom.
Ibqgħu fija, u jiena nibqa’ fikom. Kif il-fergħa ma tistax tagħmel frott minnha nfisha jekk ma tibqax
fid-dielja,
hekk anqas intom jekk ma tibqgħux fija.
Jiena d-dielja, intom
il-friegħi.
Min jibqa’ fija, u jiena fih, dan jagħmel ħafna frott; għax mingħajri ma tistgħu tagħmlu xejn.
Jekk wieħed ma jibqax fija, jintrema barra bħal fergħa, u jinxef; imbagħad jiġbruhom u jixħtuhom
fin-nar u jinħarqu.
Jekk tibqgħu fija u kliemi jibqa’ fikom, itolbu kulma tridu, u dan ikun mogħti lilkom.
B’dan jissebbaħ Missieri, billi tagħmlu ħafna frott, u hekk tkunu dixxipli tiegħi”.
Il-Kelma tal-Mulej
R:/ Tifħir lilek Kristu
23 ta’ Lulju Festa tal-Iżvezja
Santa Briġida
reliġjuża u patruna
tal-Ewropa