കുപ്പായം �എം. ടി വാസുദേവൻനായർ

എം. ടി വാസുദേവൻനായർ

1933 ൽ പാലക്കാട്‌ ജില്ലയിലെ കൂടല്ലൂരിൽ ജനിച്ചു.

നോവലിസ്റ്റ് ,ചെറുകഥാകൃത്ത്, തിരക്കഥാകൃത്ത്, സംവിധായകൻ, പത്രാധിപർ എന്നീ നിലകളിൽ പ്രസിദ്ധൻ. നാലുകെട്ട്, അസുരവിത്ത്‌, മഞ്ഞ്, രണ്ടാമൂഴം, കാലം തുടങ്ങിയ നോവലുകളും ഇരുട്ടിന്റെ ആത്മാവ്, നിന്റെ ഓർമ്മയ്ക്ക്, വാനപ്രസ്ഥം, കുട്ട്യേടത്തി, തുടങ്ങി അനേകം ചെറുകഥകളും അദ്ദേഹം രചിച്ചു. കൂടാതെ വൈശാലി, പെരുന്തച്ഛൻ, പരിണയം തുടങ്ങി തിരക്കഥകളും അദ്ദേഹത്തിന്റെ സംഭാവനയാണ്.ജ്ഞാനപീഠം, കേന്ദ്രസാഹിത്യ അക്കാദമി അവാർഡ്, കേരള സാഹിത്യ അക്കാദമി അവാർഡ്, വയലാർ അവാർഡ് എന്നീ പുരസ്‌കാരങ്ങൾ ലഭിച്ചു.

പ്രധാന ആശയങ്ങൾ

• കുടുംബബന്ധങ്ങളുടെ തീവ്രത, സാമൂഹികജീവിതത്തിന്റെ സ്വഭാവം, വള്ളുവനാടൻ ഗ്രാമഭംഗി, ഭാഷ എന്നിവയെക്കുറിച്ചുള്ള ധാരണ വളർത്തുന്നു.
• ഓർമക്കുറിപ്പ് എന്ന സാഹിത്യാവിഭാഗത്തെ കുറിച്ചുള്ള ധാരണ.
• പഴയകാല ജീവിതത്തെക്കുറിച്ചും ദാരിദ്രാവസ്ഥയെ കുറിച്ചുമുള്ള ആശയങ്ങൾ.
• വസ്ത്രം ആവശ്യത്തിനുള്ളതാണ് ആഡംബരത്തിനല്ല എന്ന ആശയം.

നൂതനപദങ്ങൾ �

• നീരസം -ഇഷ്ടക്കേട്
• ഉറുണിയൻ മാവ് – ഒരു തരം മാവ്
• കലാപം – വഴക്ക്
• മഹാളി – കവുങ്ങിനെ ബാധിക്കുന്ന രോഗം
• കാളത്തേക്ക് – കാളയെ ഉപയോഗിച്ച് വെള്ളം തേവുന്ന ഉപകരണം.
• വട്ടളം – വലിയ പാത്രം.
• പെട്ടിപ്പാട്ട് – ഗ്രാമഫോൺ പാട്ട്.
• തൂത്തും തുരിശും – ചുണ്ണാമ്പും തുരിശും.
• നെയ്ത്തൻ - നെയ്യുന്ന ആൾ.
• ദെണ്ണളക്കം – അപസ്മാരം
• ശീല – തുണി