Qari mill-Ktieb
tal-Profeta Ġeremija.
Ġer 13, 1-11
Dan qalli l-Mulej:
“Mur u ixtri ħżiem
tal-għażel għal qaddek,
u dawru ma’ ġenbejk bla ma xxarrbu bl-ilma.”
U jien mort nixtri l-ħżiem
bħalma qalli l-Mulej,
u dawwartu ma’ ġenbejja.
Għat-tieni darba kellimni
l-Mulej u qalli:
“Aqbad il-ħżiem li xtrajt,
li hemm ma’ ġenbejk;
qum, mur ħdejn ix-xmara Ewfrat, u aħbih hemm
f’xatt ta’ blata.”
U jien mort ħbejtu ħdejn
l-Ewfrat, kif qalli il-Mulej.
Wara ħafna żmien il-Mulej
raġa’ kellimni u qalli:
“Qum, mur ħdejn
l-Ewfrat, u ħu minn
hemm il-ħżiem li jien ikkmandajtek taħbi hemm.”
U mort ħdejn l-Ewfrat, ħaffirt, u ġbart il-ħżiem minn fejn kont ħbejtu. U l-ħżiem sibtu mherri u ma jiswa għal xejn.
U l-Mulej raġa’ kellimni u qalli:
“Dan jgħid il-Mulej:
Hekk inxejjen il-kburija
ta’ Ġuda u l-kburija bla qies ta’ Ġerusalemm.
Dan il-poplu ħażin,
li ma jridx jisma’ kliemi,
li jrid bilfors jimxi
mal-ebusija ta’ qalbu,
u mar jaqdi allat oħra
u nxteħet wiċċu fl-art quddiemhom, dan il-poplu jiġrilu bħal dan il-ħżiem
li ma jiswa għal xejn.
Għax bħalma bniedem jorbot il-ħżiem ma’ ġenbejh, hekk jien irbatt miegħi
d-dar kollha ta’ Iżrael, u
d-dar kollha ta’ Ġuda,
jgħid il-Mulej, biex tkun għalija poplu, isem, foħrija, sebħ;
imma ma semgħux.”
Il-Kelma tal-Mulej
R:/ Irroddu ħajr lil Alla
R:/ Int insejt ’l Alla,
li nisslek
Salm Responsorjali
Int insejt il-Blata li �wilditek, insejt ’l Alla �li nisslek.
Il-Mulej ra dan, u fil-korla tieghu
stmerr ’l uliedu, subien u bniet.
R./ Int insejt ’l Alla,
li nisslek
U qal:
“Naħbi wiċċi minnhom,
u nara xi jsir minnhom.
Għax nisel ħażin huma,
ulied li kelma ma jżommuhiex.”
R./ Int insejt ’l Alla,
li nisslek
“Kebbsuli l-għejra b’dak li mhux alla,
regħxuni b’allathom �fiergħa;
u jiena nkebbsilhom �l-għejra b’dak li poplu �mhux, irregħexhom �b’nies bla moħħ.”
R./ Int insejt ’l Alla,
li nisslek
Hallelujah, Hallelujah
Għax ried il-Missier,
wilidna bil-kelma tal-verità,
biex inkunu l-ewwel frott
tal-ħlejjaq tiegħu.
Hallelujah, Hallelujah
Qari mill-Evanġelju skont
San Mattew
Mt 13, 31-35
Glorja lilek Mulej
F’dak iż-żmien, Ġesù ġab
lill-folla parabolla oħra u qalilhom:
“Is-Saltna tas-Smewwiet tixbah li żerriegħa
tal-mustarda li wieħed raġel ikun qabad u żeragħha fl-għalqa tiegħu.
Hija tabilħaqq l-iżgħar waħda fost iż-żrieragħ
kollha, iżda meta tikber, tkun l-akbar waħda fost
il-ħxejjex u ssir siġra,
hekk li l-għasafar tal-ajru jiġu jbejtu fil-fiergħi tagħha.”
Qalilhom parabbola oħra:
“Is-Saltna tas-Smewwiet tixbah lil ftit ħmira li waħda mara
tkun qabdet u ħalltet ma tliet sigħan dqiq sa ma tkun għoliet l-għaġna kollha.”
Dan kollu Ġesù qalu
bil-parabboli lin-nies,
u mingħajr xi parabbola ma kienx ikellimhom,
biex hekk iseħħ dak li kien ingħad permezz tal-profeta, meta qal:
“Niftaħ fommi
bil-parabboli, nitkellem fuq ħwejjeġ moħbija sa mit-twaqqif tad-dinja.”
Il-Kelma tal-Mulej
R:/ Tifħir lilek Kristu