1.

Nggo me berkat Tuhan e

Ku das uruk Golgota

Latih kal akapNa pe

IpersanNa silang e

Nembah kita baNa min

Nginget k’lengNa banta kin

4.

Dosa me imbangku e

Jesus Kam Temanku pe

M’luat nari aku pe

Ban dosangku mbue nge

Masap k’rina dosa e

Tuhan si nasapsa e

1.

Tuhan Jesus Penebusku

IA penalemenku

IA si nggalar utangku

Sai ibanNa dosangku

K’leng ateNa tangkas bangku

Kegeluhen seh man bangku

Perban e kupuji Kam

Seh si rasa lalap e

3.

Duri ka man tengkulukNa

Ras isaling-saling pe

Duri ka pe perligasNa

Palu ka takalNa e

Em igengken Kam Tuhanku

K’rina e iban dosangku

Perban e kupuji Kam

Seh si rasa lalap e

Lit.

:

“O Tuhan, keleng ateNdu seh ku langit, kesetianNdu seh ku awang-awang. KebenarenNdu seri ganjangna ras deleng, kinibujurenNdu seri bagesna ras lawit, manusia ras rubia-rubia ipekena-kenaNdu o Tuhan. O Tuhan andiko ergana keleng ateNdu si tetap e, ikawaliNdu kami i teruh kabengNdu”.

Lit.

:

“Aminna pe kita dem alu kesalahen, erbahan si la ngena ate Dibata segedang-gedang wari, tapi Dibata e tetap engkelengi kita. Perkuah ateNa tetap simpar i bas kegeluhenta. Emaka gundari mari dage si pake waktuta guna bengket ku bas paksa teneng, gelah rukur kerna kinilangasupenta ndalanken si ngena ate Dibata.

Lit.

:

“Kalak jahat megiken pengajuk dosa seh ku bas pusuhna, sitik pe la ia mbiar man Dibata. Erkiteken meganjang iakapna bana, iakapna maka la ieteh Tuhan dosana janah la ia iukumNa. Rananna jahat janah melala takina, simehuli dingen pentar lanai ia nggit ngelakokenca”.

(Masmur 36 : 2 – 4)

1.

Dosangku majekkensa

SilangNdu Tuhanku

Salahku kap erbahansa

Nggo mambur darehNdu

kesahNdu asamkenNdu

Gunangku Tuhanku

Bagem pengkelengiNdu

K’rina igengkenNdu

2.

Ersembah mungkuk aku

Iadep-adepenNdu

Kerina kuakuken

‘lah itebusiNdu

Bagem pengarapenku

Em isi pusuhku

Mekuah min ateNdu

Kam kap Penebusku

Lit.

“Terpujilah Dibata erkiteken kiniulinNa si mulia, si icidahkenNa man banta arah pemereNa i bas anakNa si ikelengiNa. Sabab erkiteken Kristus enggo kita itebusi, eme dosa-dosanta enggo i alemi Dibata. Seh kal belinna kiniulin Dibata”.

1.

Nggo mambur dareh Tuhan e

I uruk Golgota

Kerina e igengkenNa

‘lah masap dosanta

‘lah masap dosanta

‘lah masap dosanta

Kerina e igengkenNa

‘lah masap dosanta

2.

Si jahat pe ibaba ka

Tersilang ras Ia

‘Di aku pe bage me ka

‘lah ialemiNa

‘lah ialemiNa

‘lah ialemiNa

‘di aku pe bage me ka

‘lah ialemiNa

3.

DarehNdu e si badia

Em si nasapkenca

Dosangku e si melala

Melikas ibanNa

Melikas ibanNa

Melikas ibanNa

Dosangku e si melala

Melikas ibanNa

Lit.

¹³Pertoton Mindo Penampat

Kiniseran si ngkeleweti aku, la terbeligai lalana. Dosa-dosangku ngelis-ngelis aku, emaka lanai aku erpengidah. Teremna imbang-imbangku, lalan asa buk i bas takalku, em erbahanca bene ukurku.

Perp.

¹⁴O TUHAN kelini min aku, sampati min aku genduari.

Lit.

¹⁵Bahanlah maka kalak si atena munuh aku, talu dingen bene ukurna. Janah kalak si ersurak ngenen kesusahenku, surut dingen mela akapna.

Perp.

¹⁶Tersenggetlah dingen melalah iakap kalak si nawa-nawai aku.

Lit.

¹⁷Ersuraklah dingen meriahlah ia kap si ndarami Kam. Kerina kalak si ngataken bujur perban nggo IkeliniNdu ia, tetaplah ngataken, "Andiko muliana TUHAN!"

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

44.

Kematen Jesus

Kira-kira pukul sepulu dua matawari lanai ersinalsal janah gelap kerina negeri e seh pukul telu.

45.

Kire-kire Rumah Pertoton merigat erbelah dua.

46.

Serko Jesus alu megang SoraNa nina, "O Bapa, ku bas TanNdu Kuendesken tendingKu!" Kenca IkatakenNa si e, mate Ia.

47.

Asum idah kepala perajurit kai si nggo jadi ipujina Dibata nina, "Tuhu-tuhu Ia la ersalah!"

48.

Kalak si nterem si pulung i je ngenehen-ngenehen, mulih ku rumahna nemtemi bana kenca idahna kai si nggo jadi e.

49.

Kerina teman-teman Jesus, ikut pe diberu-diberu si nggo ngikutken Ia i Galilea nari, i dauh-dauh nari ia tedis ngenehen kejadin e kerina.

1.

I uruk Golgota,

ku idah silangNdu

Dosangku si majekkenca,

silangNdu e Tuhan

Reff.

Reh aku Tuhan

ngadap man baNdu

Jesus dudurken tanNdu

alokenlah aku

2.

Kubegi soraNdu

erlebuh man bangku

Lah aku pe ku Golgota

ngendesken geluhku

Reff.

Reh aku Tuhan

ngadap man baNdu

Jesus dudurken tanNdu

alokenlah aku

Lit.

:

“O senina-seninangku, nginget perkuah ate Dibata si mbelin si isehkenNa man banta, Kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna ersembah man Dibata sue ras biakndu mahluk si rukur.”

1.

Ermengkah ukurku, ras ngataken bujur Tuhan

Kelengi min aku, Kam empu geluhku

Enda ngenca Tuhan persembahenku

Kerina geluhku kesah ras kulangku

La kap lit bas aku erta kebayaken

Si cukup meherga ‘lah ku persembahken

Sada ngenca Tuhan lit pemindonku

Aloken min Tuhan persembahenku

Pakeken geluhku jadi perkakasNdu

Segedang geluhku

Lit.

Turang ras senina, perkuah ate Dibata si mbelin enggo alokenndu. Jesus nggit jadi kahul man bandu gelah kam terkelin. Erkiteken si e kam rutang sikeleng-kelengen i bas doni enda.

Perp.

Bujur Tuhan i bas perkuah ateNdu si mbelin si enggo ku aloken. Aku erpadan maka kekelengenNdu kusehken pe man doni enda.

Lit.

Turang ras senina, kematen Tuhan Jesus e mereken usihen man bandu i bas ermeteruk ukur, setia ras nggit mereken diriNa guna kiniulin enterem jelma ras doni enda.

Perp.

Erpadan aku Tuhan ngusih Kam i bas ermeteruk ukur, setia ras nggit mereken diringku guna kiniulin enterem jelma ras doni enda.

Lit.

Turang ras senina, arah kematen Jesus, kam enggo nggeluh ibas kegeluhen si mbaru.

Perp.

Erpadan aku Tuhan i bas ndalani wari-waringku, tetap nggeluh ndalanken si ngena ateNdu.

Lit.

Sipepaguhi perpadanenta arah ende-endenta : ......

1.

Kuikutken me dalanNdu

Dalan dame man bangku

Terkelin me kap geluhku

Itebusi darehNdu

Reff. Ku ikutken me dalanNdu

Ku endesken geluhku

Bas Kam o Jurus’lamatku

Dame senang tendingku

2.

Mesera gia dalanku

PadanNdu kap enteguh

Ngelawan kuasa gelap

‘di ras Kam menang tuhu

Reff. Ku ikutken me dalanNdu

Ku endesken geluhku

Bas Kam o Jurus’lamatku

Dame senang tendingku

3.

Kupersilahangken bangku

Ngikutken pendiloNdu

Kudalanken peratenNdu

Dat aku pasu-pasu

Reff. Ku ikutken me dalanNdu

Ku endesken geluhku

Bas Kam o Jurus’lamatku

Dame senang tendingku

Bengketlah ku bas kegeluhenndu sekalak-sekalak. Cidahken kesetian ras ketutusen atendu ngikutken si ngena ate Dibata i bas geluhndu. Guna jadi gegehndu, alokenlah pasu-pasu idur Dibata nari :

​

“i pasu-pasu janah i kawali Dibata kam, siang ayo Dibata ersinalsal i babondu janah melias ateNa ngenehen kam, i tatap Dibata ku kam janah malem atendu ibahanNa”. Amin

​

Perp. : A....min, A.......min, A......min

​