1.

Siraskenlah si puji k’rina

Tuhanta ras kiniulinNa

‘Ngkunduli kursi kerajan

Ku je ukurta min si ban

I jem’ kepeken erta e

Sinama kesangapen e

I jem’ kepeken erta e

Sinama kesangapen e

2.

‘Di Ia kel nge Pengulunta

Si bujur saja ban gurunta

E kita ginemgemNa kap

Si arus ngikut pe tetap

‘Nggo ipesaiNa dalin e

Ku surga kitalah dage

‘Nggo ipesaiNa dalin e

Ku surga kitalah dage

3.

Megenggeng ndube ibas suhsah

Kuga pe ilawanNa dosa

Mahanca dungna enggo menang

‘Nggo kundul me ibas terang

Si ikut-ikutlah dage

Man banta pe upahna e

Si ikut-ikutlah dage

Man banta pe upahna e

1.

Terbuka pintu gerbang ‘mas

I surga si terang

Malekat ngalo-ngalosa

Yesus si Permenang

Yesus si Permenang

2.

Si nusur ku pertibi e

Ku doni si gelap

Ia ipeganjangken nge

Yesus Tuhanta kap

Yesus Tuhanta kap

3.

Yesus nangkih ku surga e

Bengket ku bas terang

Kam si pesikap ingan e

I rumah si senang

I rumah si senang

Lit.

:

Dibata enggo ncidahken kiniulin pendahin alu naluken kuasa kematen, jenari nangkih ku surga. IA enggo mereken jaminen keselamaten man manusia si tek man baNa. Janah genduari, mulih IA ku surga guna nikapken ingan man kalak si tek man baNa

Perp.

:

Terpujilah Tuhan i bas kerina perbahanenNa.

1.

Yesus Tuhanta

Nangkih ku surga

Kam o, Yesus Raja kami

Kam man ikutenken kami

Tegu kami pe

Lah ku surga e

2.

Tegu kami min

Lah terkelin kin

Kam min simulahi kami

Ibas musuh kami nari

Si ni doni e

Tegu kami pe

3.

B’re min kesahNdu

Lias ateNdu

Bengket kubas ukur kami

Ia si ngkelini kami

Bengket surga e

Kesenangen e

Lit.

:

Dibata enggo nuduhken kiniulin pendahinNa. IsikapkenNa pe Surga jadi inganta ersada ras IA rasa lalap. Enda me si jadi jaminen keselamaten man banta. Tetap nge ndia ukurta ngaloken jaminen si enggo isikapken Dibata man banta?

Lit.

:

Genduari, idilo Dibata kita guna tetap nggeluh ngusih kegeluhen si enggo ilakokenNa i doni enda. Dahin enda me si njagai geluhta gelah tetap ersada ras geluh ni Kristus.

1.

Tuhanta Yesus e i surga

Nikapken ingan banta kin

Begiken Kata Tuhan banta

Janahna teklah kita min.

Reff. KataNa kap pengapul e

Man kalak si tek baNa e

KataNa kap pengapul e

Man kalak si tek baNa e

2.

‘Di teman ibas doni kepe

Ndarami untung bana kin

‘Di Tuhan Yesus labo kapen

Tapina ngk’lini kita nge.

Reff. KataNa kap pengapul e

Man kalak si tek baNa e

KataNa kap pengapul e

Man kalak si tek baNa e

5.

O Yesus Kam me teman kami

Tegulah kami k’rina min

Rajailah gegeh ukur kami

Babailah seh ku surga kin.

Reff. KataNa kap pengapul e

Man kalak si tek baNa e

KataNa kap pengapul e

Man kalak si tek baNa e

Lit.

Aminna pe Jesus enggo nangkih ku Surga, labo kita itadingkenNa, sabab IA erpadan nikapken ingan man kalak si tek man baNa. Nina Tuhan :

“Labo kam Kutadingken melumang. Reh nge Aku mulihken ndahi kam. I bas rumah BapangKu mbas ingan; janah lawes me Aku nikapken ingan man bandu. Tuhu kap enda; adi lang labo Kukataken bage man bandu.”

1.

Dibata Bapanta ringan i surga

Sinjaga geluhta i pertibi e

Ernalem man baNa ibas geluhta

Ikutken kataNa suari berngi pe

​

2.

Ibas k’rina paksa kegeluhen e

Pemere Dibata cukup banta pe

Kuga dame ninta man Dibatanta

Sipindo man baNa ola erleka

4.

Beritaken dage kiniulinNa

Rikut pe kelengNa banta kerina

Gelah min kerina daten liasNa

Dame bas pusuhta em peratenNa

6.

Kenca bage nina Elia man Elisa, "I jenda kam lebe, sabap isuruh TUHAN aku lawes ku Lau Jordan." Tapi erjabap Elisa nina, "Ersumpah aku erkiteken kepatuhenku man TUHAN si nggeluh ras man bandu, la ateku nadingken kam." Erkiteken si e ras ia lawes,

7.

janah lima puluh kalak nabi ngikutken ia ku Lau Jordan. Ngadi Elia ras Elisa i tepi lau e, janah nabi si lima puluh kalak e tedis la ndauhsa i jenari.

8.

Kenca bage itangtangi Elia jubahna, igulungna, ipekpekna lau e alu jubahna e minter erbelah. Emaka ngepar ia ras Elisa i babo taneh kerah.

9.

Kenca seh i lepar nina Elia man Elisa, "Turiken man bangku kai atendu kubahan man bandu ope aku iangkat i bas kam nari." "Bereken bangku sada bagin kuasandu gelah banci aku nggantiken kam," nina Elisa njabapsa.

10.

"Mesera kal nehkenca pemindonndu e," nina Elia ngaloi. "Tapi banci ialokenndu e, adi idahndu kari aku sanga aku ibuat i bas kam nari. Adi la idahndu aku, la banci ialokenndu."

11.

Ercakap-cakap ia duana janahna erdalan. Rempet reh sada gereta perang ernala bagi api irintak kuda si ernala-nala bagi api, mentas arah kelang-kelang Elia ras Elisa. I je me Elia iangkat ku Surga alu angin kaba-kaba si megegeh.

12a.

Asum Elisa ngidahsa nderkuh ia ngelebuh Elia nina, "O bapangku, bapangku! Pengawal Israel si mbisa!"

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

1.

Jenari nina Jesus man ajar-AjarNa kerina, "Ola aru atendu. Ernalemlah kam man Dibata janah ernalem pe kam man bangKu.

2.

I bas rumah BapangKu mbas ingan; janah lawes me Aku nikapken ingan man bandu. Tuhu kap enda; adi lang labo Kukataken bage man bandu.

3.

Kenca Aku lawes nikapken ingan man bandu, reh denga pagi Aku ngalo-ngalo kam, gelah i ja Aku i je kam pe.

4.

Ietehndu dalanna ku inganKu lawes e."

5.

Emaka nungkun Tomas man Jesus, "O Tuhan, la kap ieteh kami ku ja Kam lawes; kuga ka pemeteh kami dalanna ku je?"

6.

Erjabap Jesus man Tomas, "Aku kap dalan nandai Dibata, dingen ndatken kegeluhen. Ise pe la banci ndahi Bapa adi la arah Aku.

Lit.

:

“O senina-seninangku, nginget perkuah ate Dibata Si Mbelin si isehkenNa man banta, Kupindo bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur”

(Roma 12 : 2)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Turang ras senina, Tuhan Jesus nggo ndahiken dahinNa alu mehuli i doni enda. Janah genduari enggo isikapkenNa ingan si mehuli man banta.

Perp.

La aru ateku, lanai aku mbiar, geluhku enggo ijamini Tuhan.

Lit.

Tuhan enggo nehken padanNa, maka IA tetap nemani kam seh kedungen jaman.

Perp.

Kupuji dingen kupebadiaken me Tuhan. Kuendesken diringku, ngikutken dalan si enggo ibenakenNdu arah lebengku. Ijenda aku, suruhlah aku.

1.

Perdalinenku ku surga,

Em pertotonku si tetap

Ku ingan senang si tetap,

Bahan langkahku e tetap

Reff. O Tuhan tegulah aku,

Tuhan petetap jingkangku

Ku ingan si tetap paguh,

Tuhan petetap langkahku

2.

Ateku labo min tetap,

Beber ukur dingen mberat

Tedehku Kam O Tuhan,

Kam kesikelku si tetap

Reff. O Tuhan tegulah aku,

Tuhan petetap jingkangku

Ku ingan si tetap paguh,

Tuhan petetap langkahku

4.

Ateku ndahi Kam Tuhan,

Tedeh sikelku e ku kam

O Tuhan tegu jingkanku,

Bahan aku rembak ras Kam

Reff. O Tuhan tegulah aku,

Tuhan petetap jingkangku

Ku ingan si tetap paguh,

Tuhan petetap langkahku

Kam idilo Dibata maba berita keselamaten ku kerina bangsa manusia, jenari bahanlah ia jadi ajar-ajar Dibata, janah nggeluh ngikutken kerina si enggo ipedahken man bandu, guna si e, alokenlah pasu-pasu idur Dibata nari:

​

“Ipasu-pasu janah ikawali Dibata kam, siang ayo Dibata ersinalsal i babondu, janah melias ateNa ngenehen kam. Itatap Dibata ku kam, janah malem atendu ibahanNa”. Amin

​

Perp. : A....min, A.......min, A......min

​