Qari mill-Ewwel Ittra ta’
San Pawl Appostlu
lill-Korintin
1, Kor 6, 1-11
Ħuti, hemm xi ħadd fostkom li, meta jkollu xi jgħid ma’ ħaddieħor,
għandu l-ħila jfittex
il-ġustizzja għand
il-pagani u mhux għand
il-qaddisin?
Jaqaw ma tafux li
l-qaddisin għad jagħmlu ħaqq mid-dinja?
U jekk id-dinja għad irid isirilha ħaqq minnkom,
ma jixirqilkomx intom tagħmlu ħaqq minn ħwejjeġ ta’ xejn?
Ma tafux li aħna għad nagħmlu ħaqq mill-anġli?
Kemm iktar, mela,
mill-ħwejjeġ ta’ din il-ħajja!
Mela, meta intom ikollkom xi tgħidu bejnietkom fuq
ħwejjeġ ta’din il-ħajja,
tqegħdux imħallfin lil dawk li huma mistmerra
mill-Knisja!
Dan qiegħed ngħidu
għall-mistħija tagħkom! Jaqaw ma għandkomx
fostkom xi ħadd għaref li jista jagħmel ħaqq bejn l-aħwa?
Imma l-aħwa jħarrku ’l xulxin, u dan quddiem
il-pagani!
U mhux ġa nuqqas għalikom li jkollkom kawżi bejnietkom?
L-għala ma ssofrux
l-inġustizzja? L-għala ma tagħżlux li tħallu min
iqarraq bikom?
Mhux dan biss, imma
l-inġustizzja tagħmluha intom stess, u tqarrqu
bl-oħrajn, u dan lil ħutkom!
Ma tafux li l-inġusti ma jirtuhiex is-saltna ta’ Alla? La titqarrqux!
La żienja, la idolatri,
la adulteri, la effeminati,
la omosesswali, la ħallelin, la rgħiba, la skaren,
la qassiesa fuq in-nies, la ħattafa, ma jirtu s-saltna ta’ Alla!
U minn dawn kienu xi wħud minnkom.
Imma issa tnaddaftu, tqaddistu u ġejtu ġġustifikati fl-isem ta’ Sidna Ġesù Kristu u fl-Ispirtu ta’ Alla tagħna.
Il-Kelma tal-Mulej
R:/ Irroddu ħajr lil Alla
R./ Il-Mulej jitgħaxxaq bil-poplu tiegħu
Salm Responsorjali
Għannu lill-Mulej
għanja ġdida:
fil-ġemgħa ta’ ħbiebu
t-tifħir tiegħu!
Ħa jifraħ Iżrael
bil-Ħallieq tiegħu,
u jithennew ulied Sijon
bis-sultan tagħhom!
R./ Il-Mulej jitgħaxxaq bil-poplu tiegħu
Ħa jfaħħru biż-żfin
l-isem tiegħu,
bid-daqq tat-tanbur
u taċ-ċetra!
Għax il-Mulej jitgħaxxaq
bil-poplu tiegħu,
u jsebbaħ lill-fqajrin
bir-rebħa.
R./ Il-Mulej jitgħaxxaq bil-poplu tiegħu
Bil-glorja jithennew ħbiebu,
u jaqbżu bil-ferħ fuq friexhom!
It-tifħir ta’ Alla jkun
fuq fommhom,
dan hu ġieħ għall-ħbieb tiegħu kollha.
R./ Il-Mulej jitgħaxxaq bil-poplu tiegħu
Hallelujah, Hallelujah
Jien għażilt lilkom,
jgħid il-Mulej, u ħtartkom
biex tmorru tagħmlu l-frott
u l-frott tagħkom jibqa’.
Hallelujah, Hallelujah
Hallelujah, Hallelujah
Qari mill-Evanġelju skont �San Luqa
Lq 6, 12-19
R:/ Glorja lilek Mulej
Mela darba fost l-oħrajn Ġesù ħareġ lejn l-għoljiet biex jitlob, u għadda
l-lejl fit-talb lil Alla.
Meta sebaħ, sejjaħ lejh
id-dixxipli tiegħu u minnhom għażel tnax,
li semmiehom appostli:
Xmun, li semmieh Pietru,
u ħuh Indrì, Ġakbu, Ġwanni, Filippu, Bartilmew, Mattew, Tumas, Ġakbu ta’ Alfew, Xmun l-Imħeġġeġ,
Ġuda ta’ Ġakbu u Ġuda
l-Iskarjota, li mbagħad ittradieh.
Imbagħad niżel magħhom
u waqaf f’wita, flimkien ma’ kotra kbira ta’ dixxipli,
u folla kbira ta’ nies minn kull naħa tal-Lhudija u Ġerusalemm u mix-xtajta ta’ Tir u Sidon.
Dawn kienu marru biex jisimgħuh u jfejjaqhom
mill-mard tagħhom. Min kien imħabbat mill-ispirti mniġġsa kien ifiq;
u l-kotra kienet tfittex li tmissu, għax minnu kienet toħroġ qawwa li tfejjaq lil kulħadd.
Il-Kelma tal-Mulej
R:/ Tifħir lilek Kristu