ວົງມົນການຄິດທົບທວນ

ຈຸດປະສົງການຮຽນຮູ້

ໃນຕອນທ້າຍຂອງບົດ​ຮຽນນີ້ ຜູ້ເຂົ້າຮ່ວມຈະ:

• ເຫັນດີວ່າການເຂົ້າຮ່ວມໃນວົງມົນການຄິດທົບທວນການສິດສອນຂອງຄູສາມາດ ຊ່ວຍໃຫ້ພວກເຂົາປັບປຸງການສອນໄດ້.
• ມີຄວາມຄຸ້ນເຄີຍກັບຂະບວນການວົງມົນການຄິດທົບທວນການສິດສອນຂອງຄູ

ວົງມົນການຄິດທົບທວນການສິດສອນຂອງຄູ

ວົງມົນການຄິດທົບທວນການສິດສອນຂອງຄູແມ່ນຫຍັງ?

• ວົງມົນການຄິດທົບທວນການສິດສອນຂອງຄູແມ່ນ ເມື່ອກຸ່ມຂອງບັນດາຄູ ມາປະຊຸມກັນເພື່ອປຶກສາຫາລືກ່ຽວກັບການປະຕິບັດການສິດສອນຂອງພວກເຂົາເຈົ້າກັບຄູຄົນອື່ນໆ.
• ມັນເປັນໂອກາດສໍາລັບການຮຽນຮູ້ແບບເພື່ອນຊ່ວຍເພື່ອນ, ເປັນບ່ອນທີ່ຄູ ສາມາດສົນທະນາກ່ຽວກັບສິ່ງທ້າທາຍປະຈໍາວັນ ແລະ ແບ່ງປັນຍຸດທະສາດເພື່ອຊ່ວຍເຫຼືອເຊິ່ງກັນ ແລະ ກັນ ໃນການປັບປຸງການສອນຂອງເຂົາເຈົ້າ.
• ການຄົ້ນຄວ້າໄດ້ສະແດງໃຫ້ເຫັນວ່າ ວົງມົນການຄິດທົດທວນການສິດສອນຂອງຄູ ສາມາດເຮັດໃຫ້ຄູມີລະບົບການສະໜັບສະໜູນ ແລະ ສາມາດນໍາໄປສູ່ການເພີ່ມຄວາມເພິ່ງພໍໃຈໃນການເຮັດວຽກ ແລະ ຄວາມມຸ່ງໜັ້ນຂອງຄູ (Hord, 2003 in Lalor & Abawi, 2014).

​

ວົງມົນການຄິດທົບທວນການສິດສອນຂອງຄູ

ຄູສາມາດເຮັດຫຍັງແນ່ໃນວົງມົນການຄິດທົບທວນການສິດສອນຂອງຄູ?

• ແບ່ງປັນສິ່ງທ້າທາຍໃນການສິດສອນປະຈໍາວັນ ແລະ ແກ້ໄຂບັນຫາເປັນກຸ່ມ
• ແບ່ງປັນແຜນການສອນ, ຊັບພະຍາກອນການສິດສອນ ແລະ ຍຸດທະສາດການສິດສອນ
• ພັດທະນາແຜນການສອນຮ່ວມກັນ
• ສະແດງ ແລະ ແບ່ງປັນ ບົດຮຽນຕົວແບບ
• ສ້າງວິທີການປະເມີນນັກຮຽນທົ່ວໄປ
• ແບ່ງປັນແນວຄວາມຄິດ ກ່ຽວກັບວິທີການພັດທະນາວິທີການສອນທີ່ຄໍານຶງເຖິງຄວາມສະເໝີພາບທາງເພດໃຫ້ຫຼາຍຂື້ນ.
• ຄິດທົບທວນ ແລະ ວິເຄາະ ການຮຽນຮູ້ຂອງ ເດັກຍິງ ແລະ ເດັກຊາຍ
• ຄິດທົບທວນ ແລະ ວາງແຜນສໍາລັບການໃຫ້ການຊ່ວຍເຫຼືອສະເພາະທີ່ນັກຮຽນບາງຄົນອາດຈະຕ້ອງການ.
• ມີສ່ວນຮ່ວມໃນການຄົ້ນຄວ້າການປະຕິບັດທີ່ບໍ່ເປັນທາງການ, ໂດຍຜ່ານຂະບວນການຄິດທົບທວນເຖິງການປະຕິບັດການສິດສອນຂອງພວກເຂົາ ເພື່ອກໍານົດສິ່ງທີ່ປະຕິບັດໄດ້ຮັບຜົນດີ ແລະ ບໍ່ໄດ້ຮັບຜົນດີ ແລະ ສິ່ງທີ່ພວກເຂົາສາມາດທົດລອງປະຕິບັດໃນຕໍ່ໜ້າ.

​

ວົງມົນການຄິດທົບທວນການສິດສອນຂອງຄູ

ປະໂຫຍດຂອງວົງມົນການຄິດທົບທວນການສິດສອນຂອງຄູມີຫຍັງແນ່?

• ຫຼຸດຜ່ອນຈໍານວນວຽກຂອງຄູ ໂດຍການແບ່ງປັນແຜນການສອນ, ພັດທະນາແຜນການສອນຮ່ວມກັນ, ແບ່ງປັນບົດຮຽນແບບຢ່າງ, ແລະ ອື່ນໆ.
• ໄດ້ຮັບການຊ່ວຍເຫຼືອກ່ຽວກັບບັນຫາການສິດສອນ
• ຊ່ວຍເຫຼືອບັນຫາຂອງຄົນອື່ນ
• ຊ່ວຍຊອກຫາວິທີທີ່ສ້າງສັນ ຕໍ່ກັບບັນຫາທີ່ເປັນເອກະລັກຂອງເດັກຊາຍ ຫຼື ເດັກຍິງ – ຫຼື ວິທີການສ້າງສະພາບແວດລ້ອມການຮຽນທີ່ມີຄວາມເທົ່າທຽມກັນໃຫ້ຫຼາຍຂຶ້ນ
• ຮັກສາແຮງຈູງໃຈໃນການສິດສອນ
• ເຮັດໃຫ້ການປະເມີນຜົນມີຄວາມສອດຄ່ອງກັນລະຫວ່າງຄູທີ່ສອນວິຊາດຽວກັນ ຫຼື ຊັ້ນດຽວກັນ
• ແບ່ງປັນບົດຮຽນທີ່ໄດ້ຮຽນຮູ້ໃນຫ້ອງຮຽນ
• ມີການເຂົ້າເຖິງແຫຼ່ງຊັບພະຍາກອນການສິດສອນໄດ້ຫຼາຍຂຶ້ນ
• ແບ່ງປັນເຕັກນິກທີ່ປະຕິບັດໄດ້ດີໃນຫ້ອງຮຽນ
• ມີຄວາມຮູ້ສຶກໄດ້ຮັບການສະໜັບສະໜູນຈາກໝູ່ເພື່ອນ
• ສາມາດ ‘ລະບາຍ ຫຼື ບອກ’ ກ່ຽວກັບບັນຫາຕ່າງໆໂດຍບໍ່ມີການຕັດສິນ
• ໃຫ້ຄໍາແນະນໍາຄູທີ່ບໍ່ທັນໄດ້ຮັບການຝຶກອົບຮົມ
• ເຮັດໃຫ້ການສິດສອນມີຄວາມມ່ວນຊື່ນຫຼາຍຂຶ້ນ.

​

ປະຕິບັດວົງມົນການຄິດທົບທວນ #1

ຈຸດປະສົງການຮຽນຮູ້

ໃນຕອນທ້າຍຂອງບົດ​ຮຽນນີ້ ຜູ້ເຂົ້າຮ່ວມຈະ:

• ເຫັນດີວ່າການເຂົ້າຮ່ວມໃນວົງມົນການຄິດທົບທວນການສິດສອນຂອງຄູສາມາດ ຊ່ວຍໃຫ້ພວກເຂົາປັບປຸງການສອນໄດ້.
• ມີຄວາມຄຸ້ນເຄີຍກັບຂະບວນການວົງມົນການຄິດທົບທວນການສິດສອນຂອງຄູ

ການເຝຶກຫັດວົງມົນການຄິດທົບທວນການສິດສອນຂອງຄູ #1

ຄິດທົບທວນເຖິງສິ່ງທີ່ທ່ານໄດ້ຮຽນຮູ້ກ່ຽວກັບ ມາດຕະຖານທໍານຽມການປະຕິບັດທາງເພດ (gender norms), ຄວາມເຊື່ອແບບເໝົາລວມທາງເພດພາ​ວະ (gender stereotypes) ແລະ ຄວາມສໍາພັນທາງອໍານາດ, ແລະ ປຶກສາຫາລືກັນກ່ຽວກັບຄໍາຖາມຕໍ່ໄປນີ້:

• ຄວາມຄິດຂອງທ່ານກ່ຽວກັບເພດພາວະ ມີການປ່ຽນແປງແນວໃດ?
• ທ່ານຄິດວ່າສິ່ງນີ້ຈະສົ່ງຜົນກະທົບແນວໃດ ຕໍ່ທ່ານ ແລະ ຄວາມສໍາພັນຂອງທ່ານ ກັບເດັກນ້ອຍນັກຮຽນ/ນັກສໍາມະນາກອນ ທີ່ທ່ານສອນ?
• ທ່ານຄິດວ່າທ່ານສາມາດເຮັດຫຍັງໄດ້ແນ່ໃນການປະຕິບັດການສິດສອນຂອງທ່ານ ເພື່ອຊ່ວຍຮັບປະກັນວ່າທ່ານ ທ້າທາຍຄວາມເຊື່ອແບບເໝົາລວມທາງເພດ​ພາ​ວະແບບເດີມ ແລະ ພະຍາຍາມຮັບປະກັນຄວາມສະເໝີທາງພາບພາຍໃນໂຮງຮຽນ ແລະ ຫ້ອງຮຽນ ຂອງທ່ານ?