1.

Pesikaplah ukurta

Adi ndahi Dibata

Ukur si serbut, Si lit bas ‘bas kita

Endeskenlah man baNa

​

Reff. Ban Ia si mereken pengadin

Makana kita dorek min terkelin

‘Di Yesuslah si bahan Temanta

E tentu malem kel ateta

3.

Gejapkenlah dosanta

Adi ngadap Tuhanta

Dosa si runut, si ngampang kita

Ampekenlah kempakSa

​

Reff. Ban Ia si mereken pengadin

Makana kita dorek min terkelin

‘Di Yesuslah si bahan Temanta

E tentu malem kel ateta

1.

Pesikap kam k’rajangndu e,

Ban Tuhan Yesus reh.

Melikas min ukurndu e,

Ban Tuhan Yesus reh.

Pesikap k’rajangku kin,

O, Tuhan lah kita jumpa min.

3.

Gundarilah i jenda me,

Sasapken dosa min.

Lah ola kami mbiar pe,

‘Di jumpa ras pagin.

Pesikap k’rajangku kin,

O, Tuhan lah kita jumpa min.

Lit.

:

Nina Dibata, enggo Kuidah kuga serana akap bangsaNgku, enggo Kubegi ia nderkuh man bangKu, Kueteh kerina kiniseranna….

1.

Keleng ateNdu tangkas bangku

Si ku pujiken lalap min

Kam Tuhan Yesus me Rajangku

Si erkeleng man bangku kin

Madin keleng ateNdu ku inget

Asang k’rajang ku me tersinget

3.

Kuteh Kam nari pengarapen

‘Di sirang kita e medu

Lit gia kuasa lain tetapen

Ukurku e di Kam negu

Lah saber ate kerajangku

Kuinget lalaplah Tuhanku

Lit.

:

Turang ras Senina mari dage radu ras kita nuriken ketedehen ateta man Dibata

Perp.

:

O Tuhan, asa kai nari dekahna pusuhku ertima nandangi Kam? Kasa kai nari dekahna Kam terbuni i bas matangku nari? Asa kai nari dekahna aku nggengken kiniseran? Asa kai nari dekahna mesui pusuhku suari ras berngi?...

Perp.

:

O Tuhan, Dibatangku, perdiateken aku, dengkehkenlah pertotonku. Bere gegeh man bangku gelah ola aku bene i bas kinilangasupenku, i bas aku celus. Pulahi min aku o Tuhan. Sabab tetap aku ernalem ku bas keleng ateNdu.

Lit.

:

Kekelengen ni Tuhan, mari si sehken pertotonta sekalak-sekalak mindo penampat man Tuhan i bas paksa teneng.

1.

Erlebuh aku man Tuhan

Ras mindo penampat

Ukur picet ku tungtungken

Bage pe pusuh si gulut

Reff. O Tuhan kam penampatku

bas krina geluhku

Tuhan Kam kap Dibatangku

man ingan ciciongku

3.

Sorangku terpingko-pingko

Ras erdilo-dilo

Perkuah Tuhan kupindo

Ibas aku nehken toto

Reff. O Tuhan kam penampatku

bas krina geluhku

Tuhan Kam kap Dibatangku

man ingan ciciongku

4.

Perdiateken geluhku

Tuhan Dibatangku

Kuendesken ibas tanNdu

K’rina perbeben geluhku

Reff. O Tuhan kam penampatku

bas krina geluhku

Tuhan Kam kap Dibatangku

man ingan ciciongku

Lit.

“Tapi genduari reh me Aku, erkiteken kalak musil enggo itindih dingen kalak si niayak-ayak kelsehen perban suina. Kubereken me man bana ketenenengen si enggo ndekah iarapkenna.”

1.

Malerlah pasu-pasuNdu

Bagi ni padankenNdu

Gegeh ras ukur si paguh

Tetap iberekenNdu

Reff: Pasu-pasuNdu

Em ulu gegeh kami

Enggo kap maler me tuhu

Si ‘ndemi geluh kami

2.

Malerlah pasu-pasu Ndu

G’luh kami jadi mbaru

Sorana bagi lau maler

Mpeteneng ukur kami

Reff: Pasu-pasuNdu

Em ulu gegeh kami

Enggo kap maler me tuhu

Si ‘ndemi geluh kami

3.

Malerlah pasu-pasu Ndu

Mpetetap ukur kami

Rende janah muji g’larndu

Segedang-gedang geluh

Reff: Pasu-pasuNdu

Em ulu gegeh kami

Enggo kap maler me tuhu

Si ‘ndemi geluh kami

Lit

⁸Tapi, o teman-temanku si kukelengi, ula kam lupa si sada enda: I bas Tuhan sada wari bali kap ras seribu tahun janah seribu tahun bali ras sada wari.

Perp.

⁹…

Lit

⁸...

Perp.

⁹Tuhan la kap melet ngelakoken kai si nggo IpadankenNa, bagi lit kalak si erpengakap bage. Tapi saber ia nandangi kam, sabap la AteNa sekalak pe ikernepken, tapi gelah kerina min jera i bas dosa-dosana nari.

Lit

¹⁰Tapi wari kerehen Tuhan bali ras kerehen sekalak penangko. I bas wari e lesap me langit alu sora si erlenggur janah barang-barang si i langit meseng dingen ikernepken, janah doni ras kerina isina lesap me.

Perp.

¹¹Adi si enda kerina bagenda me jadina, kuga nge arusna kegeluhenndu? Kam arus nggeluh bagi si ngena ate Tuhan, janah erpengendes man Dibata,

Lit

¹²sanga itimaindu Wari Dibata janah ngusahakenca gelah reh pedasna Ia reh. I bas Wari e langit keri meseng, janah erkiteken lasna barang-barang si i langit jadi melebur.

Perp.

¹³Tapi kita nimai kai si nggo ipadanken Dibata eme langit si mbaru ras doni si mbaru; i je me inganna keadilen.

Lit

¹⁴Erkiteken si e, o teman-temanku si kukelengi, i bas kam nimai Wari e, pala-palai gelah kam bersih dingen la erpandangen i lebe-lebe Dibata janah nggeluh alu dame ras Ia.

Perp.

¹⁵Bahanlah maka kesabaren Tuhan e jadi kesempaten man bandu gelah kam terkelin, bagi si nggo isuratken seninanta Paulus si ikelengi kita man bandu, rikutken kepentaren si ibereken Dibata man bana.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Maranatha.

Perp.

:

(iendeken)

Ma ra na tha, Ma ra na tha, Ma ra na … tha.

1.

Tapi negeri e labo lalap i bas kepiceten. Daerah si iani suku Sebulon ras Naptali, nai igombang-gombangi; tapi denggo ipehaga, mulai i Lawit Tengah nari ku kenjulu, ku daerah si lit arah lepar Lau Jordan, ingan bangsa-bangsa si deban.

2.

Bangsa si nggeluh i bas kegelapen nggo ngidah sinalsal si erkinar. Kalak si ringan i bas awih-awih kematen nggo isalsali terang si harhar.

3.

Nggo IberekenNdu keriahen si mbelin, o TUHAN, malem atena IbahanNdu. Meriah ukurna ngidah PerbahanenNdu, bali ras kalak si ermeriah ukur tupung paksa peranin, tah pe asum mbagi-mbagiken barang rampasen.

4.

Sabap nggo IambekkenNdu babanna si mberat, nggo IpenggelkenNdu lanja-lanja si erbanca mesui barana. Bangsa e nggo ItalukenNdu, bangsa si alu kejam nindas BangsaNdu, nggo ItalukenNdu ia bagi tentera Midian nai.

5.

Sepatu tentera si reh nerang BangsaNdu, bage pe uisna si megara erkiteken dareh, isuluh keri ipan api.

6.

Sekalak anak nggo tubuh man banta, anak dilaki ibereken banta. Ia me pagi jadi peminpinta. Ia igelari: "Penampat si meganjangna". "Dibata si Mada Kuasa". "Bapa si Rasa Lalap". "Raja Dame".

7.

Kuasana tetap reh belangna; janah kerajanna lalap lit i bas dame. Ia jadi gancih Raja Daud. Ia merentah erpalasken kebenaren ras kebujuren, genduari nari seh rasa lalap. Si enda kerina jadi sabap bage kap sura-sura TUHAN si Mada Kuasa.

Lit.

:

“Pujilah gelar TUHAN si ermulia; babalah persembahen, jenari ngadaplah man baNa ku bas Rumah PertotonNa, sebab TUHAN ncidahken baNa alu kemulianNa, erjimpuhlah i adep-adepenNa.” (1 Kronika 16 : 29)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Dibata tetap nehken padanNa man bandu manusia si tetap erpengarapen man baNa

Perp.

Aku tetap erpengarapen man Tuhan, sabab IA me Dibata si erbahanca aku megegeh.

Lit.

Dibata tetap nehken padanNa man bandu manusia si ertima nandangi penampatna

Perp.

Aku tetap ertima nandangi kerehen Tuhan sabap IA nge si erbahanca maka masap kebiarenku.

Lit.

Dibata tetap nehken padanNa man bandu manusia si ngarapken gegeh i bas IA nari

Perp.

Aku tetap nimai kerehen Tuhan alu tetap ernalem man baNa sabab IA nge si mpegegehi aku janah IA nge si pedauh kebiarenku.

1.

Rehlah Kam o Immanuel

Mulahi kami Israel

Si tertaban, labuh ras ndele

Nimai Anak Dibata e

Reff.

Ersuraklah, meriahlah

Reh me Tuhan Immanuel

3.

Rehlah Kam Anak Dibata

Pulahi kami kerina

Bas iketen kuasa dosa

Sinaban kami kerina

Reff.

Ersuraklah, meriahlah

Reh me Tuhan Immanuel

Perkuah ate Tuhan Jesus Kristus, kekelengen Dibata ras kerembaken Kesah Si Badia ras kita kerina gelah. Amin.

​

Perp. : A....min, A.......min, A......min