Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Marina Br. Ginting, S.Th.
Minggu PASSION – VI
Judika : “Cidahkenlah Kerajangku Bujur O Jahwe”
17 Maret 2024
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
KATA PENGALO-NGALO
KATA PENARUH
1. | Pulung m’riah kal kami kerina Jumpa ibas rumah si Badia Reh min Kam, o Bapa si Mulia G’lah kerina Badia jadina. Reff: Salsali pusuh kami Layasi ukur kami Pengarapen reh teguhna Kiniteken reh paguhna |
KEE No. 313 : 1-2
Perpulungen Tedis
2. | Wari ras berngi nggo ibentasi Keleng ateNdu tetap nemani I bas mberat Kam lalap nampati I bas susah Kam si ngelayasi. Reff: Salsali pusuh kami Layasi ukur kami Pengarapen reh teguhna Kiniteken reh paguhna |
KEE No. 313 : 1-2
VOTUM & SALAM
Ipulahi TUHAN me BangsaNa kenca idahna nggo keri gegehna. Mekuah AteNa man kalak si nembah man BaNa, adi IdahNa maka lanai lit gegehna.
(Ulangen 32 : 36)
1 | Yesus ulu kegeluhenku, Kam me ngenca pengendesenku, Lalap tedeh ate pusuhku, Kupehaga Kam bas geluhku. Reff. O Tuhan pernehen pusuhku, siertedeh ate man baNdu kugelem pedah ras padanNdu kusembah Kam ibas geluhku |
KEE 374 : 1-3
2 | Ku sembah Tuhan penebusku, Si mereken kekelengenNa, Alu tutus reh aku Tuhan, Ras kerina isi jabungku. Reff. O Tuhan pernehen pusuhku, siertedeh ate man baNdu kugelem pedah ras padanNdu kusembah Kam ibas geluhku |
KEE 374 : 1-3
3 | Teridah kelengNdu o Tuhan, tanNdu sinegu bas percuban, Terkelin geluhku iban Kam, Ku puji Kam Tuhan si mbelin. Reff. O Tuhan pernehen pusuhku, siertedeh ate man baNdu kugelem pedah ras padanNdu kusembah Kam ibas geluhku |
KEE 374 : 1-3
Perpulungen kundul
Pujin kerna perbahanen dibata
Lit. | Kebujuran Dibata maba kejuah-juahen. KebujurenNa teridah i bas IA nepa manusia ras tinepa si deban nggeluh mulia bali ras IA. Kebujuren Dibata me si njaga kegeluhen doni enda ratur ras mehuli. |
Perp. | Ikataken kami bujur Tuhan, kebujurenNdu si erbahan kegeluhen tinepa ratur ras mehuli. |
1. | Pujilah Tuhan si Badia Puji perbahanenNa si mbisa. Embus suling, terompet Cawir ban sorana Puji Tuhan si Mada k’rina tinepa |
KEE 372 : 1,3
3. | O tendingku puji Dibata Alu dem keriahen pujilah Kerina si erkesah Ia si madasa Puji Tuhan si Mada k’rina tinepa |
KEE 372 : 1,3
Pengakun kinikoten ndalanken kebujuren
Lit. | Turang senina, megati latih siakap,... ....-sukat keadilen ras kebujuren Dibata |
Perp. | O Tuhan, kugejap kurang kal gegeh kami guna ndalanken kinibujuren, subuk i bas jabu, pendahin bagepe i bas kegeluhen si tep-tep wari. Sampati kal min o Tuhan, i bas la ngasup ndalanken kinibujurenNdu. |
1. | Kuakuken kerina salahku, Iadepen Dibatangku. Tuhu ku gejap mbue dosangku. Meluat nari kal pergeluhku Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 1
Pengakun kinikoten ndalanken kebujuren
Lit. | Turang senina, labo kita ngasup mereken,... ....Perlu sisedari maka kebiaren, aru ate, ras perjengilen e me ulih kinilabujuren. |
Perp. | Ngaku aku o Tuhan, megati aku la bujur, erbahanca jabu ras temanku rate mesui. Ulihna, la lit kedamen ras ketenengen i bas pusuhku. Alemi min aku Tuhan. |
2. | Lalap ku inget salah dosangku, Ku gejap salah lepakku. Dosa nge lalap perbahanenku, Kulakoken si la ngena ‘teNdu. Reff. Mekuah min ateNdu aku, sasapkenlah dosangku. O Tuhan tegulah min aku, ‘lah tetap jingkangku. |
KEE No. 436 : 2
Pergegeh idur dibata nari
Lit. | “Adi erlebuh kam man bangKu, Kualoi me kam. Tupung kam bas kiniseran, Aku kap ras kam; Aku kap simulahi kam dingen si permuliaken kam. Ku bereken umur si gedang jadi upahndu, dingen Kukelini me kam.” (Mazmur 91 : 14-16) |
Perpulungen Tedis
KEE No. 096 : 1,3
1. | Riah ukurku baNdu Ngidah lias Yesusku Sindarami manusia Simulahi kita k’rina ItebusiNa kita Iban kekelengenNa |
KEE No. 096 : 1,3
3. | Riah ukurku baNdu Iban kekelengenNdu Tetaplah min ketekenku G’luh ni Yesus jadi g’luhku Sampat aku lalap min Ngikut Yesus Tuhan kin |
(Perpulungen Kundul)
Ngoge Kata Dibata Miha 7 : 7–9
(Tunggal)
7. | Tapi adi aku kuperdiateken TUHAN; alu ukur tetap kutimai si ngkelini aku. Ibegiken Dibatangku nge aku. |
8. | O musuh-musuh kami, ula kam ermeriah ukur ngenehen nasip kami. Tuhu nggo jongkang kami, tapi keke ka nge kami mulihi. Genduari kami i bas gelap, tapi ibereken TUHAN ka nge pagi man kami terang. |
Miha 7 : 7 – 9
9. | Nggo kami erdosa man TUHAN, emaka genduari arus igengken kami pernembeh AteNa kentisik. Tapi kedungenna IbelaNa nge kami, dingen IberekenNa keadilen man kami. IbabaNa kami ku bas terang; iidah kami me kuga PengkelengiNa kami. |
Miha 7 : 7 – 9
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Erpengendes Man Dibata I Bas Kiniseran”
Heber 5 : 7 - 10
(Tunggal)
Pdt. Marina Br. Ginting, S.Th
7. | Paksa Jesus nggeluh i doni enda, ertoto Ia mindo alu serko ras iluh mambur man Dibata si ngasup nelamatken Ia i bas kematen nari. Erdandanken ipeteruk Jesus DiriNa dingen erpengendes man Dibata, ibegiken Dibata PemindonNa. |
Heber 5 : 7 – 10
8. | Tapi aminna pe Jesus Anak Dibata, erlajar patuh Ia arah KiniseranNa. |
9. | Erdandanken si e me maka kenca Ia serta ibahan Dibata, Ia jadi ulu keselamaten si rasa lalap, nandangi kerina kalak si patuh man BaNa. |
Heber 5 : 7 – 10
10. | Janah itetapken Dibata Ia jadi Imam si Mbelin "rikutken golongen Imam Malkisedek." |
Heber 5 : 7 – 10
Tema :
“Erpengendes Man Dibata I Bas Kiniseran”
Heber 5 : 7 - 10
Pdt. Marina Br. Ginting, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | Kukataken Bujur man TUHAN erkiteken keadilenNa, rende aku muji TUHAN, si Meganjangna. (Msm. 7:18) |
(Perpulungen Kundul)
1. | Kune bas geluhta mara reh nderpa Arus jaga ula ukurta pera Pasu-pasu Tuhan ula kal lupa KekelengenNa la kap nggo erleka Reff. Pasu-pasuna siingetlah Ia kapen ulu ni tuah Pasu-pasu Tuhan ingetlah Tuhan siperkuah tetap sembahlah |
KEE 287 : 1-
2. | Kune baban mberat ‘rbanca kam kote Ntah pengajuk doni ‘rbanca kam mbole Di kecibal geluh bagi la jore Tapi kiniteken ola kal monce Reff. Pasu-pasuna siingetlah Ia kapen ulu ni tuah Pasu-pasu Tuhan ingetlah Tuhan siperkuah tetap sembahlah |
KEE 287 : 1-
3. | Kune erta doni ngajuk erdilo Biak si mehuli pe jadi menggo Perukuren mobah lanai meciho Tadingken kerina biak la payo Reff. Pasu-pasuna siingetlah Ia kapen ulu ni tuah Pasu-pasu Tuhan ingetlah Tuhan siperkuah tetap sembahlah |
KEE 287 : 1-
Lit. | Dibata me ulu keadilen si mbela kita i bas kinilabujuren doni nari. IdiloNa pe kita gelah nggeluh i bas keadilen ras kebujuren. |
Perp. | Erpadan kami Tuhan, ernalem kempak kebujurenNdu dingen ndalankenca kebujurenNdu i bas jabu, gereja ras masyarakat. |
Perpadanen Man Dibata
(Perpulungen Tedis)
1. | O, Tuhan Kam me Penampat ibas geluhku O, Tuhan Kam cicionku bas aru ateku Angin meter udan meder Kam me kubunku O, Tuhan Kam me ikutenku segedang geluhku |
KEE No. 305 : 1 – 2
2. | Enterem imbang-imbangku bas pertibi e Si atena nirangkenku ras Kam kap Tuhanku Kawali min, cikeplah min, lah la ku bene O, Tuhan Kam me pengarapen segedang geluhku |
KEE No. 305 : 1 – 2
Berkatlah alu dame ras mejuah-juah, lakokenlah keadilen ras kinibujuren i bas geluhndu. Guna mpegegehi kam ngelakoken si e alokenlah pasu-pasu idur Dibata nari : “Tapi kenca kam ngenanami kiniseran kentisik, serta me kam ibahan Dibata, Si dem lias ate, Si ndilo kam gelah ngenanami KemulianNa si rasa lalap erdandanken persadanNdu ras Kristus; IpetetapNa dingen IpegegehiNa kam janah iberekenNa man bandu palas si nteguh. Dibata kap erkuasa seh rasa lalap”. Amin Perp. : A....min, A.......min, A......min |
Paksa teneng
Selamat Wari Minggu