1.

Puji Tuhan Haleluya

Wari enda wari Dibata

Pulung kita k’rina jenda

Rende nembah muji gelarNa

Reff. Haleluya, haleluya

Puji gelarNa

Haleluya, haleluya

Puji gelarNa

2.

Asa Kristen japa gia

Puji Tuhan si perkeleng e

Ia si nangtangi kita

I bas kuasa si gelap e

Reff. Haleluya, haleluya

Puji gelarNa

Haleluya, haleluya

Puji gelarNa

5.

Ola nai dua ukurta

Ikutkenlah Tuhan Yesus e

Sipesikaplah pusuhta

Dame nari si k’rajangta

Reff. Haleluya, haleluya

Puji gelarNa

Haleluya, haleluya

Puji gelarNa

1

Jesus ulu kegeluhenku,

Kam me ngenca pengendesenku,

Lalap tedeh ate pusuhku,

Kupehaga Kam bas geluhku.

Reff. O Tuhan pernehen pusuhku,

siertedeh ate man baNdu

kugelem pedah ras padanNdu

kusembah Kam ibas geluhku

2

Ku sembah Tuhan penebusku,

Si mereken kekelengenNa,

Alu tutus reh aku Tuhan,

Ras kerina isi jabungku.

Reff. O Tuhan pernehen pusuhku,

siertedeh ate man baNdu

kugelem pedah ras padanNdu

kusembah Kam ibas geluhku

Lit.

Keleng ate Dibata si tetap, ngarak-ngarak kegeluhen manusia ibas bertin nari seh ku sipatna.

Perp.

Bujur Tuhan, kekelengenNdu labo kepe erleka menaken ibas bertin nari seh paksa enda.

Lit.

Dibata mereken anak-anak ku tengah-tengah jabunta, guna dalanta naksiken ras encidahken keleng ate Dibata

Perp.

Terpujilah Kam Tuhan, iberekenNdu anak-anak ku tengah-tengah jabu kami guna jadi dalan kami nehken keleng ateNdu.

1.

Bagi keleng ate orang tua

Nandangi kita anak-anakna

Bage me keleng ate Tuhanta

Nangdangi kita buah ateNa

Malem tuhu ban keleng ateNa

2.

Bagi lau maler i deleng nari

Maler ku suah la lit peltepna

Bage me lias ate Tuhanta

Nangdangi kita buah ateNa

Malem tuhu ban lias ateNa

Lit.

Adi si perdiateken ku bas kegeluhen jabunta, mawen-mawen la si gejap maka Dibata kap empuna jabunta. Anak-anak e pemere Dibata kap. Keleng kel ateNa kita.

Perp.

Ngaku kami Tuhan, megati ikepkep kami anak-anak alu payo, bagi si isurakenNdu.

Lit.

Anak-anakta me kap gereja si genduari bage pe pagin.

Perp.

Ngaku kami Tuhan, kurang kel kami mereken pengajaren ras mabai anak kami erkemalangen man baNdu. O Tuhan, pengasup min kami guna nehken sura-suraNdu nandangi anak-anak kami.

1.

AlemiNdu aku bas dosangku

AlemiNdu aku bas lepakku

O Tuhan sasap min

O Jesus sasap min

Alemi dosangku

2.

Si la payo dem ibas geluhku

Ngaku aku baNdu o Jesusku

O Tuhan sasap min

O Jesus sasap min

Alemi dosangku

3.

Ku janari ‘ku baba geluhku

dengkehkenNdu min pingko-pingkoku

O Tuhan sasap min

O Jesus sasap min

Alemi dosangku

Lit.

:

Selaku persuruhen Dibata aku nehken KataNa man banta kerina :

​

“Tapi kam, tetaplah ndalanken kebenaren si rehna ibas Dibata nari si enggo iajarken man bandu dingen enggo tuhu-tuhu kam tek. Ietehndu kap ise nai singajari kam. Janah ingetndu pe maka kitik-kitikndu nari enggo ietehndu kerna Pustaka Si Badia, si ngasup mereken kepentaren man bandu, eme si mabai kam ku keselamaten arah kiniteken man Kristus Jesus.” (2 Tim. 3:14-15).

1.

Kelengi kebenaren pedauhlah si jahat

Pakeken kata Tuhan tahan rasa lalap

Nggeluhlah alu bujur meteruk ukur kin

Dalanken kebenaren maka ukur teneng

Reff. Erjaga-jagalah reh me wari Tuhan

ersikap-sikaplah pake kata Tuhan

2.

Darami simehuli pedauh min si ilat

Megermet bas keg’luhen make pedah Tuhan

Lakokenlah si adil ibas kegeluhen

Bage me pedah Tuhan tetap si dalanken

Reff. Erjaga-jagalah reh me wari Tuhan

ersikap-sikaplah pake kata Tuhan

13.

Ipernehen Abraham kelewet, jenari arah pudina iidahna sada bajar biri-biri sangkut tandukna i bas waren. Ibuatna biri-biri e, emaka ipersembahkenna jadi persembahen tutungen man TUHAN ganti anakna.

14.

Igelari Abraham ingan ndai: "TUHAN nikapkenca". Seh asa genduari pe ningkalak: "TUHAN nikapkenca idas DelengNa".

15.

Malekat TUHAN erlebuh pedua kaliken i langit nari man Abraham. Nina,

16.

"Ersumpah Aku i bas diringKu jine, maka Kubereken man bandu mbue pasu-pasu. Sabap nggo bage perbahanenndu, janah la ertahan kam mereken anakndu si tonggal man bangKu.

17.

Erpadan Aku maka Kubereken bandu kesusuren si seh kal teremna, bali ras bintang-bintang i langit, ntah pe bali ras kersik i tepi lawit. Kesusurenndu ngkuasai musuh-musuhna denggo.

18.

Kerina bangsa-bangsa mindo denggo bangKu gelah Kupasu-pasu ia bagi nggo Kupasu-pasu kesusurenndu eme perban kam patuh man perentahKu."

19.

Kenca bage mulih Abraham ku ingan suruh-suruhenna, jenari ras ia lawes ku Berseba, ingan Abraham.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

1.

Ise si mbelinna?

Paksa si e reh ajar-ajar Jesus ndeheri Ia, jenari nina, "Ise si mbelinna i bas Kinirajan Surga?"

2.

Idilo Jesus sekalak danak-danak, IsuruhNa tedis i lebe-lebe ajar-ajar,

3.

jenari nina, "Ingetlah! Adi la kin kam tuhu-tuhu robah dingen bali ras danak-danak, asa ndigan pe kam labo banci bengket ku bas Kinirajan Surga.

4.

Si mbelinna i bas Kinirajan Surga eme kalak si mpeteruk bana bali ras anak-anak enda.

5.

Bage pe ise ngaloken danak-danak si bagenda i bas gelarKu, ialokenna kap Aku pe."

1.

Rehlah Kam O, ulu tuah,

Ajar aku me gelah

Lah nurihi pujin kami

lalap la ‘ngadi-ngadi

Lias ras keleng ateNdu jujurkenNdu man bangku

Nteguh paguh la terundu,

Kuasa ras muliaNdu

Lit.

:

“O senina-senina, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken singena ateNa. Sababb age me arusna kam ersembah man Dibata sue ras biakndu selaku mahluk si rukur”

(Roma 12 : 1)

1.

Babalah persembahen si merimna

Ku adep-adepen Dibatanta

Sehkenlah puji-pujin si mehaga,

Man Tuhan Dibata si Badia

S’bab IA simada kerina,

Si lit bas geluh enda.

Kataken bujur arah g’luhta

Terpuji gelar Tuhan

2.

Ajari kami make pemereNdu,

Guna mpehaga Kam o Tuhanku

Jadi epe pebelangken kataNdu,

I bas kegeluhen doni enda.

‘Lah gegeh ras pengertin kami,

Seh jadi pasu-pasu.

Man krina kegeluhen enda,

Terpuji gelar Tuhan

3.

Kami nehken persembahen o Tuhan,

Mpehaga Kam si mada kerina

Enda me gancih kami Tuhan,

Jadi alatNdu bas doni enda.

Bagepe kegeluhen kami,

I bas pertibi enda.

Jadi persembahen si nggeluh,

Terpuji gelar Tuhan

Lit.

O senina ras Turang, enggo icidahken Dibata keleng ateNa arah anak-anakndu. Kai dage padanndu man Dibata ibas ngaloken keleng ateNa e?

Perp.

Erpadan kami Tuhan, njaga dingen ngkelengi anak-anak kami.

Lit.

Mbelin kel sura-sura Dibata nandangi anak-anak si ipelimikenNa man bandu, subuk nandangi jabundu, gereja ras masyarakat.

Perp.

Erpadan kami Tuhan guna ngepkep anak-anak kami ibas erkiniteken, pengajaren ras kegeluhenna i doni enda. Seh maka anak-anak e jadi pasu-pasu nandangi jabu, gereja ras masyarakat.

1.

Ajar aku o Tuhanku,

Make Kata ras pedahNdu

Kueteh payo ras sentudu

Kuikutken ‘bas geluhku.

Reff. Si ngikut pedah Dibata,

Daten me kerembakenNa

Pedah kata tangkas krina,

Em jadi gelementa.

4.

Kalak si tegu Dibata

Em si lembap kin ukurna

Man si nembah rusur baNa

Ukum ajarkenNa banta.

Reff. Si ngikut pedah Dibata,

Daten me kerembakenNa

Pedah kata tangkas krina,

Em jadi gelementa.

5.

Mata ukur nare baNa,

Gelah peratenNa siangka

Adi g’luhta ikep-kepNa,

Tentu malem kel ateta.

Reff. Si ngikut pedah Dibata,

Daten me kerembakenNa

Pedah kata tangkas krina,

Em jadi gelementa.

Berkatlah kam ku kegeluhenndu sekalak-sekalak, pebelin-belinlah anak pemere Dibata, ajari dingen tegu-tegu ia bagi singena ate Tuhan. Guna si e, alokenlah pasu-pasu idur Dibata nari:

​

“Ipasu-pasu janah ikawali Dibata kam, siang ayo Dibata ersinalsal i babondu, janah melias atena ngenehen kam. Itatap Dibata ku kam, janah malem atendu ibahanNa”. Amin.

​

Perp. : A....min, A.......min, A......min