Vinsamlega takið frá alla námskeiðsdagana.  Dagskráin stendur með hléum frá morgni til kvölds.  Athugið að nemendur þurfa að vera í fylgd með fullorðnum.

Námskeiðið er einungis í boði fyrir félagsmenn/nemendur í Íslenska Suzukisambandinu sem greitt hafa árgjald 2022-2023. Athugið einnig að námskeiðið er haldið með fyrirvara um að skráning sé næg. 

Skráningarfrestur er til 20.mars en eftir það fara nemendur á biðlista. Athugið að það getur farið eftir hljóðfærum/fjölda í hópum hvort nemendur komist að á námskeiðinu eftir að umsóknarfrestur er liðinn. 

Ef nemendur vilja spila á einleikstónleikum verður að liggja fyrir samþykki frá kennara um lagaval. Við munum hafa samband við kennarana til að fá samþykki. Eins og alltaf í Suzukináminu mælum við með að spila frekar eldri lög sem börnin kunna mjög vel og eru búin að fínpússa. 

Við ætlum að taka myndir og myndbönd á hátíðinni sem verða notuð í kynningarefni fyrir Suzukisambandið. Við munum aðallega nota efni úr hóptímum, samspilum og hóptíma- og samspilstónleikum. Til að geta notað myndirnar þurfum við samþykki foreldra. Kynningarefnið verður m.a. nýtt fyrir heimasíðu Suzukisambandsins, Facebook og Instagram.