Արշավի ընթացքում պահելաձևի կանոնները (ԱՆՎՏԱՆԳՈՒԹՅՈՒՆ)
Հարգելի՛ արշավի մասնակից, նախքան մեր խմբին միանալը խնդրում ենք ձեզ ծանոթանալ արշավի ընթացքում պահելաձևի կանոններին:
Յուրաքանչյուր արշավից առաջ՝ կախված բարդությունից, արշավի տեսակից (օրինակ՝ լեռնագնացություն), եղանակային պայմաններից և այլն, Ձեզ կտրվի տեղեկատվություն, թե ինչ է անհրաժեշտ ձեզ հետ վերցնել և ինչպես ֆիզիկապես պատրաստվել արշավին:
Եթե արշավի մասնակիցն այս տեսակի գործունեության համար բժշկական հակացուցումներ ունի, ապա արշավին մասնակցելու որոշումը հենց ինքն է կայացնում:
Եթե Ձեզ հակացուցված են լեռնագնացությունները, երկար քայլելը, բայց Դուք այնուամենայնիվ որոշել եք մասնակցել տվյալ արշավին, ապա խմբի ղեկավարը պատասխանատվություն չի կրում ձեր առողջության հնարավոր վատթարացման համար:
1. Խստորեն հետևեք ղեկավարի հրահանգներին, իսկ անկանխատեսելի կամ էքստրեմալ իրավիճակների դեպքում տեղեկացրեք ղեկավարին և կատարեք նրա բոլոր պահանջները:
2. Ուշադրություն դարձրեք ձեր մարմնի վիճակին և ժամանակին տեղեկացրեք խմբի ղեկավարին, եթե զգում եք մրսածության, թունավորման ախտանիշներ, ջերմային կաթված և այլ վատ զգացողություններ:
3. Արշավի յուրաքանչյուր մասնակից պետք է ունենա այս արշավի համար անհրաժեշտ անձնական հանդերձանք և պարագաներ, որոնց մասնակիցը ծանոթանում է նախքան գրանցվելը։ Եթե դուք այնուամենայնիվ մոռացել եք ինչ-որ բան վերցնել, ապա պետք է տեղեկացնեք արշավի ղեկավարին արշավի մեկնարկից առաջ:
4. Նախքան ջրավազաններում՝ գետերում, լճերում, ջրամբարներում, ջրվեժներում լողալը, տեղեկացրեք արշավի ղեկավարին ձեր մտադրության մասին:
5. Դադարների ժամանակ մի առանձնացեք խմբից: Եթե հանգստանալու կարիք ունեք, տեղեկացրեք այդ մասին խմբի ղեկավարին:
6. Երթուղով շարժվելիս արշավի մասնակիցը չպետք է առաջ անցնի խմբի ղեկավարից կամ հետ մնա խմբից, ինչպես նաև առանց համաձայնության դուրս գա ուղուց:
7. Եթե կորցրել եք ճանապարհը կամ խմբից հետ եք մնացել, կանգնեք տեղում և ազդանշաններ տվեք ձայնով կամ առկա այլ հաղորդակցության միջոցներով:
8. Հետևեք հրդեհային անվտանգության կանոններին. առանց խմբի ղեկավարին զգուշացնելու կրակ մի վառեք:
9. Մի թողեք աղբ ձեր հետևից և մի վնասեք բնությունը և մշակութային հուշարձանները:
10. Ցանկացած դեպքի, պահանջի դեպքում անհապաղ տեղեկացրեք ղեկավարին:
11. Խորհուրդ չի տրվում փորձել անծանոթ հատապտուղներ, սնկեր, հոտ քաշել կամ հավաքել անհայտ ծաղիկներ. դրանք կարող են թունավոր լինել:
12. Ալկոհոլային խմիչքների օգտագործումը ամբողջ ճանապարհորդության ընթացքում խստորեն արգելվում է։
13. Ճանապարհի ներքին տեղաշարժման ընթացքում արգելվում է ծխելը մեքենայի ներսում:
14. Պահպանեք կարգապահություն խմբի ներսում, ցուցաբերեք փոխադարձ օգնություն արշավի մյուս մասնակիցների հանդեպ:
Նշում. Արշավի մասնակցի որևէ ոչ իրավաչափ վարքագծի արդյունքում (որը դրսևորվել է խմբի ղեկավարի հրահանգները չկարատարելով, ինչպես նաև չենթարկվելով ակումբի կանոններին) ակումբի/ակումբի ղեկավարի կրած բոլոր վնասները ենթակա են հատուցման ՀՀ քաղաքացիական օրենսդրության համաձայն և կարգով։
Եթե արշավի ժամանակ եղանակային պայմանների, ինչպես նաև խմբի անդամներից մեկի վատ ինքնազգացողության պատճառով խմբի առաջընթացը կարող է վտանգավոր լինել, խմբի ղեկավարին իրավունք է վերապահվում դադարեցնել խմբի առաջընթացը և հետ վերադարձնել խումբը:
Եթե արշավականը/արշավի մասնակիցը չի կատարում խմբի ղեկավարի պահանջները կամ խախտում է վերը նշված «Արշավի ընթացքում պահելաձևի կանոնները», ղեկավարն այլևս պատասխանատվություն չի կրում տվյալ արշավականի կյանքի և առողջության համար: Ավելին, այս դեպքում ղեկավարն իրավունք ունի բացառել արշավի ընթացքում պահելաձևի կանոնները խախտած արշավի մասնակցին՝ առանց գումարի վերադարձի:
Եթե արշավը պահանջում է լեռնագնացության կամ այլնի փորձ և խմբի ղեկավարը նախօրոք տեղեկացնում է այդ մասին արշավին մասնակցելու ցանկություն հայտնած բոլոր անձանց, ապա լեռնագնացության և արշավների մասնակցելու փորձի, ինչպես նաև բժշկական հակացուցումների մասին տեղեկատվությունը թաքցնելու դեպքում նման անձը ինքն է պատասխանատու բոլոր հնարավոր բացասական հետևանքների համար:
