Skoska eldflaugafyrirtækið Skyrora, sem vinnur nú að undirbúningi á tilraunarskoti á Langanesi, býður börnun og foreldrum þeirra að heimsækja skotstað í dag, fimmtudag. Robin Hague, sem stýrir verkefninu, mun taka á móti áhugasömum milli 17:00 - 18:00 og fara yfir starfsemi þeirra á skotstað, hvernig skotið fer fram og hvað þarf að hafa í huga fyrir skot svo fátt eitt sé nefnt. Atli Þór Fanndal, frá Geimvísinda- og tækniskrifstofunni, mun aðstoða Robin að þýða á íslensku fyrir yngri börnin.

Vegna COVID-19 verður hleypt inn á skotstað í litlum hópum. Þá er takmarkaður fjöldi sem kemst að og því er nauðsynlegt að skrá sig fyrir komu hér. Skráningu lýkur kl. 16:00.