Euch e-mailadres is de deilnummersidentificatie.
Det beteikentj det geer dus ummer 't zelfdje e-mailadres gebroeke mótj anges versjientj g'r 2 (of mieë) kieër oppe ranglies.

Hie is noe 't dictee väör September 2021:

8 zinne.

('t Is ouch nog mäögelik de dictees van väörgaondje maondje te make.)

Tip: Loester ieës nao de gespraoke zin/waord (zoa dök es geer wiltj) door op 't pielke nao rechs te klikke.

Nao 't insture van de antjwaorde krig g'r eine e-mail. Dao zitj 'n document bie wo-op g'r kèntj zeen waat g'r good en neet zoa good höbtj gedaon en de plaats oppe ranglies die g'r op det moment innumtj.
Dit allein mer óm 't de volgendje kieër nog baeter te doon.........

Weer verzeuke uch vruntjelik óm de links die in de e-mail waere genumdj mit zoaväöl mäögelik minse te deile, haopelik make ouch die 't dictee. Wie mieë ziele wie baeter det 't is, toch?

Hie volge noe nog de spelregels wo-aan geer uch mótj haoje:                                                              
 
                                                           ***  REGLEMÈNT ***                                                        

                                                   Väör ‘t  Echter Digitaal Dictee

1. Oetgangspuntj is det, waat de väörlaezer zaetj, opgesjreve mót waere.
        De zinne waere väörgelaeze in 't Echs.
2.    ’t Dictee sjriftj geer volges de spelling zoawie g'r hie-ónger höbtj aangegaeve.          
        De basis is de spelling volges ’t Brònsgreun Beukske, editie Ech-Zöstere.      
        Deilnum(m)(st)ers oet Zöstere en de Boesj kènne de zinne opsjrieve volges de
        Zösterse/Boesjer oetspraok. Ze waere den ouch op die sjriefwieze beoordeildj.
3. G'r kèntj eder zin zoa dök beloestere es geer wiltj; stökske väör stökske kèntj
        natuurlik ouch door op 't pauzeknupke (II) of 't väöroetknupke (->) te klikke.
        Mit 't road bölke op de roaje lien kèntj geer stökskes väöroet of achteroet.
4. Laesteikes wie puntje en komma’s waere bie ’t väörlaeze aangegaeve.
       Die deentj g’r den ouch te sjrieve. Det is belangriek, want bie 't vasstèlle of 'n zin gans
       good is, tèlle de laesteikes mit.
5. Mieë foute in ein waord, tèlle w’r toch mer es ein fout.  
6. Getalle en jaortalle sjriftj g’r in siefers, dus neet in lètters.
        Es die voloet gesjreve mótte waere, zaetj de väörlaezer det väöraaf en den is allein
        voloet gesjreve good.
7. Alles wo-in dit reglement neet väörzuutj, beslistj de jury.
8. Bie d’n oetslaag van de jury mót m’n zich neerlègke, dao is gein discussie äöver.
        G’r kèntj ós waal laote wete waat volges uch anges zoe kènne. Dao haoje w’r zoaväöl
        es mäögelik is raekening mit. Mer neet alle wènse zeen technisch ouch mäögelik.
9.    Lètj op: de zinne mótte allemaol ingevöldj waere, anges kèntj de opgave neet verstuurdj
       waere!
10. Puntjetèlling:        
        a. Waord good (ongeach hoof- en klein lètters)            + 1 puntj        
        b. Waord fout                                                                      - 1 puntj        
        c. Waord vergaete                                                              - 1 puntj        
11. Deilnummers kriege ’n trökkoppeling waat volges dit reglemènt good en waat fout waas.
       Plus ’t behaoldje aantal puntje.
       Dit allein mer óm 't de volgendje kieër nog baeter te kènne doon.........
12. Nao aafloup van de maondj krigtj g’r ’n compleet äöverzicht. Dao kèntj g’r zeen wo
       g’r oppe ranglies van alle deilnummers staontj.

Väör eur gemaak volge noe nog get ALT-codes van speciaal teikes. Óm die te gebroeke mót g'r de ALT-toets op eur toetsebord ingedröktj haoje en den 't siefer indrökke op 't siefergedeilte van eur toetsebord. Loslaote en  dao is de lètter mit 't speciaal teike.

Alt 0128 €
Alt 132 ä
Alt 137 ë
Alt 138 è
Alt 139 ï
Alt 142 Ä
Alt 148 ö
Alt 153 Ö
Alt 162 ó
Alt 171 ½
Alt 172 ¼
Alt 243 ¾
Alt 211 Ë
Alt 212 È
Alt 216 Ï
Alt 224 Ó

En tót slot:

Eur antjwaorde waere door eine computer gecontroleerdj. Ómdèt 't controleprogramma nog altied in óntwikkeling is, kan 't zeen det nog neet alles vlekkeloos verlöp, daoväör zeen d'r te väöl synonieme väör bepaoldje wäörd in oos dialek.
Es g'r de oetslaag óntvange höbtj, kèntj g'r altied eine e-mail sture óm eur suggesties väör verbaeteringe kènbaar te make.
Haoj d'r raekening mit det g'r waarsjienlik neet ónmiddellik ein antjwaord krigtj mer det krig g'r zeker.

Väöl succes mit ’t make van ‘t Dictee…..