საერთაშორისო-საგანმანათლებლო პროექტი «პატრიოტი დიასპორელი» ითვალისწინებს ქართული წარმოშობის დიასპორელი მოზარდების საქართველოს საჯარო სკოლებში გაკვეთილებზე დასწრებას თქვენთვის ხელსაყრელ კალენდარულ დროებში, სამშობლოში თქვენი ვიზიტის ფაგრლებში.
პროექტის მიზანია დიასპორელმა მოზარდებმა შეიქმნან საკუთარი სოციუმი საქართველოში, გაიჩინონ ახალი მეგობრები. ასევე უკეთ შეისწავლონ საკუთარი ქვეყნის ისტორია და მენტალურად უფრო დაუახლოვდნენ სამშობლოს, შეინარჩუნონ კავშირი სამშობლოსთან.
საჯარო სკოლები შეირჩევა საქართველოს განათლებისა და მეცნიერების სამინისტროს ბაზაზე დაყრდნობით, სრულიად საქართველოს მასშტაბით. პროექტს ახორციელებს ააიპ ფონდი «საქართველოს ემიგრანტები» გერმანიაში მცხოვრები ნინო ციბაძისა და გიორგი მჭედლიშვილის ოჯახის პატრონაჟით.
პროექტი არის უფასო და მონაწილეობა შეუძლია დიასპორაში მცხოვრები ქართული წარმოშობის (მიუხედავად საქართველოს თუ სხვა ქვეყნის მოქალაქეობისა) მოზარდებს 1 კლასიდან 12 კლასის ჩათვლით.
პროექტში მონაწილეობის მსურველებს გთხოვთ, შეავსოთ სარეგისტრაციო ფორმულარი. საპილოტე პროექტის გახსნა იგეგმება 2022 წლის აპრილის თვეში, პანდემიური სიტუაციის გათვალისწინებით.
შემოგვიერთდით! ქართული დიასპორა საქართველოს ძალაა!
დამატებითი ინფორმაციისათვის მოგვმართეთ:
emigrantsofgeorgia@gmail.com