Ola, cómplice!
Un ano máis, precisamos da túa axuda para facer chegar o Nadal e a ilusión a todos os fogares.
Cubrindo esta ficha, comprométeste a ser cómplice dos Reis Magos no programa "(en)Volve", entregando un agasallo dun importe máximo de 35€ que figure na carta que recibas dunha nena, neno ou adolescente de ata os 14 anos. Deste xeito garantiremos que todas as nenas e nenos teñan un agasallo no día de Reis.
Tamén, se podes, pedimos que acompañes o agasallo cun libro adaptado á idade, para fomentar a lectura.
Se colaboras como cómplice, recibirás por WhatsApp unha carta con 3 desexos e deberás decidir, entre eles, o agasallo que prefires mercar. Se tes algunha dúbida ou a carta ten algún erro, chámanos ou escríbenos e solucionarémolo. O teléfono de contacto é 606987743.
Unha vez recibida a carta, o agasallo deberá entregarse na Casa Azul, na rúa Sor Lucía, nº2, Pontevedra.
Enviarémosche unha mensaxe con todas as instruccións e os prazos de entrega.
Este ano participan na iniciativa A BALEA DAS CORES, que fará un desconto do 5% nos libros e un 10% nos xoguetes e xogos que sexan para o programa.
Cubre esta ficha só se tes posibilidade de participar na campaña "(en)Volve" neste Nadal e non dubides en facernos chegar calquera comentario ou preferencia que teñas sobre a túa carta no apartado de observacións.
¡Millóns de grazas pola túa colaboración!
