Sábado 15 de outubro ás 16:30 no paseo da Tolerancia de Betanzos
Organizada polo Concello de Betanzos e a Adega Pagos de Brigante
En colaboración coa Reserva da Biosfera As Mariñas, o Colexio Infantil Vales Villamarín e o Colexio A Nosa Señora da Carme (Atocha)
Quen pode participar?
É unha actividade festiva gratuíta dirixida a nenos e nenas de entre 6 e 12 anos.
Para participar é necesario apuntarse neste formulario.
Cal é o obxectivo?
O obxectivo principal da festa é divulgar a cultura vitivinícola entre as novas xeracións de betanceiros e betanceiras e mariñáns e mariñás e recuperar os costumes e tradicións de vendima e de elaboración do viño tan vinculadas á historia de Betanzos e a súa comarca.
Que actividades se realizarán?
Será unha experiencia enriquecedora que lles permitirá aos nenos e ás nenas recibir as caixas cos acios de uvas, medir o contido de azucre da vendima, desenlear os acios (eliminar os rabos), pisar as uvas, prensalas nunha prensa tradicional e finalmente degustar o mosto. Non faltará un bocadillo de merenda para repor forzas.
O persoal da adega, os viticultores de Betanzos e un equipo de monitores e monitoras [e, no seu caso, o profesorado] asistirán aos nenos e ás nenas no desenvolvemento de todas as actividades.
Outras animacións
Ao comezo e ao final da festa, interpretación das danzas gremiais de Betanzos polo equipo infantil/xuvenil da Agrupación de Danzas do Pobo.
Ao terminar a vendima, visita da Adega de Pagos de Brigante situada nas proximidades (paseo Antolín Faraldo, 10) con explicación do proceso de elaboración dos viños.
Nos arrabaldes da adega, as persoas adultas acompañantes poderán catar os viños de Betanzos elaborados pola empresa (unha copa gratis por persoa). Os nenos e as nenas actuarán como camareiras e camareiros.
Os restaurantes e bares situados nas proximidades da adega (Moza Crecha, A tu Vera…) estarán abertos durante a festa.