Erbia, egun hartan, 0 . Bere ohean zegoen etzanda, lo, amets ederrak egiten: “a ze belar, a ze azenario gozoak!...” eta bat-batean... katakraus! Teilatua behera etorri zitzaion! Kanpora irten eta... elefante bat etxearen gainean eserita!
-“Altxa hortik berehala, mutur luze hori. Barrika baten antzekoa zara, hipopotamoa zure aldean euli bat da”.
_______1_______:
-“Horrela, oihuka jarraitzen baduzu, zure gainean eseriko naiz, astuna halakoa!”
Eztabaidan jarraitu zuten; elefanteak marruka eta erbiak hortzak erakusten. Ondoko zuhaitzean mozolo bat zegoen, lo egin nahian, baina zarata haiekin ezin zuen lo egin.
-“Zer? Ez duzue amaitzeko asmorik, ala? 2 . Egin duelu bat eta kito!”.
-“Duelu bat? Borroka! Bai, ni prest nago!”
Elefanteari mozoloaren proposamena asko gustatu zitzaion, 3 . Baina erbia ere ez zen ikaratu. “Ni ere prest nago!”- esan zuen.
-“Has gaitezen dueluan. Prest al zaude, erbi alu hori?”. Baietz erantzun zion erbiak.
Elefanteak egin zuen lehenengo erasoa. Aurreko hankak jaso eta... plafff lurra dardarka jarri zuen, 4 . Bat-batean erbiak sagu txiki bat jarri zion sudurrean elefanteari. Elefanteak, izututa, burua jiratu zuen. 5 , baina sagutxo batek horman gora jar dezake.
Ttaka berriro. Beste sagu bat jaurti zion erbiak eta animaliatxoa elefantearen belarrian sartu zen. Elefantea nora ezean abiatu zen, erotuta, ura irakiten bota baliote bezala.
“Ondo egina, mutiko! Elefantea harroputz hutsa zen eta.”
Izan ere, guztioi gustatzen zaigu ikustea _______6______.

Atzo jaia izan zen eta etxean pasatu nuen arratsalde osoa. Interneten ibili nintzen klaserako lan bat egiten eta datorren urteko ikasgaiak zeintzuk izango diren begiratzen. Lehengo egunean, ikasgaiei buruz hitz egiten ari ginenean, nire lagun batek esan zidan bere institutuan txinera ikastea aukeratu ahal zutela, batxilerraren 2. mailan. Arraroa iruditu zitzaidan eta esan nion, nire ustez, ingelesa garrantzitsuagoa zela. Baina berak esaten zuen ezetz, txinera garrantzitsuagoa zela.

Onartu behar dut txinera oso zabalduta dagoen hizkuntza dela. Baina zabalduta egotea ez da garrantzitsua izatea. Egia da hiztun asko dauzkala, oso herrialde handia dela eta abar, baina, hala ere, nire ustez, ingelesa garrantzitsuagoa da: edozein herritara joatean, ingelesez mintzatzeak erraztasunak dakartza eta edonon aurkituko dugu ingelesa dakien baten bat.

Bestalde, entzunda daukat ingelesaren ondoren alemanera ere oso hizkuntza garrantzitsua dela, Alemanian lanpostua aurkitzeko. Espainian, esaten dutenez, gero eta jende gehiago joaten da Alemaniara eta beraz, agian komenigarria litzateke alemanera ere jakitea. Bidaiatzeko eta beste gauza batzuetarako ere oso baliagarria da ingelesa: adibidez, teknologiarako.
Biharko egunean teknologiaren munduan lan egin nahi badugu, oso komenigarria izango da ingelesa jakitea, arlo horretako dokumentu garrantzitsuenak ingelesez idatzita daudelako. Adibidez, informatikako liburuak. Nire anaia ingeniaritza informatikoa ikasten ari da eta askotan irakurri behar izaten dituen artikuluak ingelesez idatzita daude.

Bukatzeko, esan nahiko nuke Txina oso merkatu zabala dela eta etorkizunean oso herri boteretsua izango dela. Agian, urte batzuk barru oso garrantzitsua izango da txinera ikastea Txinakoekin negozioak egiteko. Baina momentuz, ingelesarekin edonora joan ahal gara.
Beraz, nire lagunak nahi duena esan dezala, baina bere lekuan egongo banintz, ingelesa aukeratuko nuke 2. mailan.

Endika Iglesias

Mundu guztia maitasunagatik ezkontzen da? Baietz pentsatu nahiko genuke, baina errealitateak ez du hori erakusten. Zenbat komenientziazko ezkontza ote daude munduan? Zenbat zahar aberatsek uste ote dute bera baino 40 urte gazteagoa den bat berarekin maitasunagatik ezkondu dela?

Bi pertsona ezkonduko direla enteratzen garenean, ospakizun alaia imajinatzen dugu, eta ezkonduko diren bi pertsona horien artean maitasuna besterik ez dugu ikusten,
baina beti al da horrela?

Ederrek dio:
Ez dakit zergatik ezkontzen den jendea; nik badakit zergatik ezkondu nintzen, eta maitasuna izan zen arrazoi nagusia eta bakarra. Bestalde, niretzat ia-ia ezinezkoa izango litzateke 40 urte zaharragoa den batekin ezkontzea, gustuak eta zaletasunak erabat ezberdinak izan behar direlako.

Nire ustez, maitatzeko gakoa partekatzea da eta zenbat eta gauza gehiago eduki elkarren artean, orduan eta hobeto moldatuko gara. Dena dela, neu seguru nago jende asko ez dela ezkontzen maiteminduta. Bestela nola uler daiteke ezkondu eta urtebetera dibortziatuta egotea?

Idoiak dio:
Badirudi ezkontza eta maitasuna lotuta daudela, baina denok dakigu hori ez dela egia. Krisia dela eta, bikote batzuk ezin dira banatu. Beste batzuek pentsatzen dute elkarrekin egon behar dutela, beren seme-alabei minik ez egiteko. Alegia, ezkontza eta amodioa ez da berdina.

Bestalde, badago diruaren truke ezkontzen dena. Adibideak? Milaka. Telebista piztea baino ez dugu egin behar halako kasuak ikusteko. Baina ez dut ezkorra izan nahi; ziur nago ezkontza askotan maitasuna dagoela, nirean adibidez. Ni maiteminduta ezkondu nintzen eta oraindik ere (12 urte pasa eta gero) oso maiteminduta nago berarekin. Zorte ederra izan nuen bera ezagutu nuenean !