Is ek die enigste leerder in die LAND wat die reg het om die toespraak te gebruik?

7.Nee, jy is die enigste leerder in jou SKOOL wat die reg verkry om die toespraak te gebruik. Niemand anders in JOU SKOOL kan dieselfde toespraak bestel of gebruik nie - maar sprekers by ANDER skole in die land kan wel dieselfde toespraak by HULLE skole gebruik.

Saam met jou toespraak kry jy 'n alleenregsertifikaat met jou Naam op en ook die Naam van die skool waar jy alleenreg op die gebruik van die toespraak het. Jy is welkom om die toespraak gedurende die jaar ook by 'n kunswedstryd of interskole kompetisie te gebruik, solank jy net besef dat jou alleenregsertifikaat jou ongelukkig net by jou eie skool kan beskerm. Navrae oor ander sprekers se deelname aan interskole-kompetisies kan nie gefasiliteer word nie, omdat dit sedert die koms van die POPI-wet, te tydrowend is en ‘n reuse lading korrespondensie meebring.

In die ATKV-Redenaarskompetisie moet jy die enigste deelnemer met die betrokke toespraak wees. (ATKV-reëls).

Kwaliteit of Kwantiteit:

Nasionale Alleenregtoesprake bring mee dat skrywers 'n groter aantal toesprake binne beperkte tyd probeer skryf om aan elke kliënt op ‘n lang waglys 'n toespraak met Landswye Alleenreg te voorsien en in die proses ly die kwaliteit van toesprake daaronder. Ek het al toesprake met Nasionale Alleenreg gesien waarvan die gehalte so laag is dat die spreker buitendien nie eens gekeur word vir sy eie skool se redenaarsbyeenkoms nie. In so ‘n geval bestaan die “Landswye Alleenreg” eintlik net in Naam, want in praktyk kortwiek die kwaliteit van die toespraak die spreker sodat hy/sy in elk geval glad nie vir ‘n landswye kompetisie kan kwalifiseer nie. Ander toespraakdienste gebruik vryskutskrywers wat vinnig moet skryf, anders word hulle selfs beboet vir laat inhandiging. Lokale Alleenregtoesprake bied my die geleentheid om hoë kwaliteit toesprake teen 'n baie stadiger pas te beplan, na te vors, te skryf en deeglik te redigeer – en so verbeter dit jou kans om uit te blink by jou skool!

Oppas: As 'n ander toespraakdiens onderneem om vir jou 'n "unieke" toespraak met landswye alleenreg te skryf, vra gerus vir hulle watter persentasie van die toespraak regtig "uniek" is. Stem die toespraak 80% ooreen met die toespraak wat ander sprekers kry? Verskil die toespraak dalk net 10% van ander "unieke" toesprake wat hulle verskaf?

Vir hoe lank sal ek die enigste leerder in my skool wees wat die reg het om die toespraak te gebruik?

8.Jou alleenreg op gebruik van die toespraak by jou skool is geldig tot op die laaste dag van die jaar waarvoor die temas voorgeskryf is. Jou alleenreg kan nie oorgedra word na 'n volgende jaar, 'n ander skool of na 'n ander persoon nie. *Laat weet asb as jy van skool verander, om duplisering te voorkom!