O Couto da Eirexiña é un proxecto de custodia do territorio que nace da man da Asociación para a Defensa Ecolóxica de Galiza (ADEGA) Vigo, a comunidade de montes en man común da parroquia de Rebordelo (Cerdedo-Cotobade) e particulares para a conservación do bosque autóctono e a biodiversidade.

Podes atopar toda a info do proxecto na súa páxina web:

https://coutodaeirexinha.gal/

O sábado 25 de xuño volvemos ao monte para deseucaliptizar o Couto da Eirexiña. Con esta intervención darémoslle continuidade aos traballos de deseucaliptización realizados nos últimos meses, cuxos efectos xa están a dar resultados positivos no medio. E pola tarde, despois do xantar comunitario, realizaremos un roteiro interpretativo polo río Almofrei, onde observaremos os macroinvertebrados que habitan nel.

Queres participar?

A data límite para a inscrición nesta actividade é o vindeiro xoves 23 de xuño ás 13:00h, co fin de que poidamos ter tempo para formalizar o seguro de todas as voluntarias e xestionar o xantar comunitario.

Por motivo da crise sanitaria será preciso empregar máscara, xel desinfectante, así como manter a distancia social.

No día xoves 23 enviaremos un correo con toda a información detallada sobre a actividade, así como as coordenadas en google maps do punto de encontro.

Para calquera dúbida podes enviar un correo a coutodaeirexinha@gmail.com

Vémonos no monte!

Toda a info da actividade na seguinte ligazón:

https://coutodaeirexinha.gal/blog/2022/06/03/xornada-de-deseucaliptizacion-o-sabado-25-de-xuno/