Ég heiti Sveinn Þorgeirsson og fer fyrir verkefni í vinnslu sem heitir Handbolti á heimavelli (nánar á
). Markmiðið er að búa til kennsluefni fyrir skólaíþróttir og hefur hlotið styrk frá Þróunarsjóði námsgagna. Afurðir verkefnisins eru myndskeið sem sýna leiki þar sem áherslan er á kast og grip.
Ég auglýsi hér með eftir áhugasömum börnum og forráðafólki þeirra um taka þátt í þessu verkefni með mér. Gott er að kynna sér neðangreindar upplýsingar og skrá sig til þátttöku og veita með því upplýst samþykki.
Við bjóðum öll börn velkomin sem eru í 1.-4. bekk grunnskóla.
Að æfa handbolta er EKKI skilyrði NÉ kostur þar sem áherslan er á leiki sem eru hugsaðir fyrir breitt getustig. Því er ykkur velkomið að áframsenda þetta boð á foreldra barna á þessum aldri til þátttöku. Athugið að það getur þurft að takmarka fjölda skráninga.
Tökumaður með myndavél verður á staðnum til að taka upp það starf sem fram fer. Myndskeiðin munu sýna uppsetningu leikjanna og eru hugsuð fyrir íþróttakennara til að geta stillt upp kennslustundum byggðum á hugmyndum úr þessu verkefni.
Þátttaka er ókeypis gegn skráningu og samþykkt fyrir notkun á myndefni sem tekið verður upp á meðan á tímanum stendur. Líkt og með önnur rannsóknartengd verkefni er hægt að hætta við þátttöku á öllum stigum án þess að tilgreina þurfi nokkra ástæðu.
24. október í Fjölnishöllinni í Egilshöll
Yngri hópur (8.fl.) mætir kl. 9:00 í um 120 mínútur
Eldri hópur (7.fl.) mætir kl. 12:00 í um 120 mínútur
Það sem við lofum er eftirfarandi:
*120 mínútur af skemmtilegum æfingum og þrautum þar sem farið verður í leiki þar sem aðaláherslan er á kasti og gripi líkt og í handbolta undir handleiðslu reyndra þjálfara
*Létta hressingu í hléi milli æfingaþátta.
Ábyrgðarmaður verkefnisins er
Sveinn Þorgeirsson, doktorsnemi í íþróttavísindum, fyrirspurnum svarað á
handboltiaheimavelli@gmail.com