Bespreking
Besprekings is eers finaal wanneer die vorm behoorlik ingevul en via e-pos aan die kerkkantoor teruggestuur is, die huweliksfooi betaal is en u bevestiging vanaf ons kerkkantoor ontvang het.

Dit is belangrik dat die tyd waarop die huwelik plaasvind, onveranderd bly óf enige verandering ten minste ‘n week voor die tyd aan die skriba deurgegee word.

1. Koste
• R3 500, wat die volgende insluit:
• R1000 terugbetaalbare deposito in ag genome onderstaande ooreenkoms en moontlike skadevergoeding.
• Die gebruik van die kerkgebou – Sien punt 3.
• Fasiliteite soos die klanksisteem, orrel, klavier, ens.
• 30 minute oefensessie voor die huwelik – Sien punt 4.
• Koster se dienste tydens die seremonie.

Hierdie bedrag moet in die kerk se bankrekening betaal word om u bespreking te verseker:
ABSA bank Takkode: 632005 Tjekrekeningnr: 740590391
Verwysing: Troudatum en Van. Bewys van betaling na skriba@simondiumfamiliekerk.co.za

2. Kansellasie van huwelik
• Sou die seremonie ten minste 2 maande voor datum gekanselleer word, is R2 000 terugbetaalbaar.
• Sou die seremonie in minder as 2 maande voor die datum gekanselleer word, sal slegs die R1000 deposito terugbetaal word.

3. Tydsduur – gebruik van kerkgebou tydens seremonie
• Die bruidspaar het die kerk tot hul beskikking ‘n uur voor die seremonie begin, ‘n uur vir die seremonie asook 30 minute vir opruim na afloop van die seremonie (altesaam 2 uur 30 minute).

4. Oefensessies
a. Oefensessies moet vooraf met die kerkkantoor gereël word. Dit sluit die 30 minute oefensessie in Punt 1 genoem, in.
b. Indien ‘n ekstra oefensessie benodig word, beloop die koste R300 vir ‘n maksimum van een (1) uur of gedeelte daarvan. Hierdie bedrag moet vooraf in die kerk se bankrekening betaal word.

5. Huweliksbevestiger
a. Die huweliksbevestiger moet ‘n geregistreerde huweliksbevestiger by die Departement van Binnelandse Sake wees.
b. U maak u eie keuse in terme van ‘n leraar en u skakel direk met hom of haar.
c. Koste in terme van die leraar (plaaslik of besoekend) word deur die bruidspaar met die betrokke persoon onderhandel en die kerkkantoor neem nie daarvoor verantwoordelikheid nie.

6. Orrelis
a. U maak u eie keuse in terme van ‘n orrelis (indien u van een gebruik wil maak). U is welkom om Simondium gemeente se orrelis te nader via die kerkkantoor.
b. Koste in terme van die orrelis (plaaslik of besoekend) word deur die bruidspaar met die betrokke pesoon onderhandel en die kerkkantoor neem nie daarvoor verantwoordelikheid nie.
c. Indien u nie van ‘n orrelis gebruik maak nie, kan musiek deur middel van ‘n skootrekenaar of ‘n CD gespeel word. Hierdie reëlings moet direk met die kerkkantoor gereël word.
Dit is baie belangrik dat dit betyds, voor die tyd in oorleg met die koster getoets moet word.

7. Blomme
a. Die blomme kan ‘n uur voor die diens in die kerk geplaas word. Indien u die blommei vroeer in die kerk wil plaas of dit in die kerk gerangskik gaan word, moet reëlings vroegtydig met die kerkkantoor getref word en daar sal ‘n addisionele koste van R300 gehef word vir ‘n maksimum van een (1) uur of gedeelte daarvan. Hierdie bedrag moet vooraf in die kerk se bankrekening betaal word.
b. Slegs rekkies of linte mag gebruik word om versierings of blomme aan die bank vas te heg.
c. Blomme moet na die troue verwyder word.
d. U sal verantwoordelik gehou word vir enige skade wat aangerig word.
e. Geen roosblare, confetti, ens mag in die kerk of op die kerktrappe gestrooi word nie, maar wel onder die kerktrappe.

8. Elektroniese apparaat
Geen elektroniese apparaat mag aan die kerk se klanksisteem gekoppel word sonder toestemming en bystand van die koster nie.