6․ Փորձարարական առաջադրանք.
Ցանկացած նյութ կարող է հալվել կամ այրվել: Ամեն ինչ կախված է այրման ջերմաստիճանից: Օրինակ, մոմի բոցը 1000 °C աստիճանից բարձր ջերմաստիճան ունի: Իհարկե, նման բոցը հեշտությամբ կհալեցնի փուչիկը: Իսկ ինչպե՞ս կարելի է մոմով փուչիկը տաքացնել առանց նրան պայթեցնելու:
Անհրաժեշտ նյութեր՝ փուչիկ, մոմ, լուցկի, ջուր։
Փորձի նկարագրությունը և ընթացքը. Փուչիկի ներսում մի փոքր ջուր լցնել (չփչված վիճակում): Փչել փուչիկը, բայց ոչ մինչև վերջ և կապել այն։ Վառել մոմը և փուչիկը զգուշությամբ մոտեցնել մոմին այնպես, որ կրակը դիպչի փուչիկի պատերին։ Բացատրեք փորձի արդյունքը։
7․ Փորձարարական առաջադրանք.
Փորձանոթի մեջ ջուր լցրեք, իսկ հատակին` ցանցի տակ, դրեք մի քանի կտոր սառույցի կտորներ։ Ջուրը վերևից տաքացրեք: Ինչ եք կարծում, կհալվե՞ն արդյոք սառույցի կտորները։ Նախքան փորձը կատարելը առաջադրեք ձեր վարկածը։ Դիտարկեք, թե ի՞նչ է տեղի ունենում, հետևություններ արեք և բացատրեք փորձի արդյունքը։
Պատրաստի´ր տեսանյութ, որտեղ լինեն փորձերի ընթացքի նկարագրությունը, մեկնաբանությունը, եզրակացությունը։
8․ Գործնական առաջադրանք․
Պատրաստի՛ր թերմոս։
Փորձիր տանը կամ դպրոցում պատրաստել թերմոս քո ձեռքերով, ամենապարզ ձեռքի տակ եղած առօրյա կենցաղային ամենօրյա օգտագործման պարագաներով և նյութերով։
Հարցեր․
ա/Ինչո՞ւ է թերմոսում գտնվող տաք ջուրը ժամանակի ընթացքում սառչում։
բ/ Ի՞նչ հեղուկ կարելի է պահել թերմոսում՝ տա՞ք, թե՞ սառը։ Հիմնավորեք պատասխանը։