Ky program zhvillohet në partneritet me Olga Lengyel Institut dhe Shoqatën e Mësuesve të Historisë së Shqipërisë “Rinia dhe Historia”.

Qëllimi i programit është të kontribuojë në rritjen e cilësisë së arsimit në lidhje me Holokaustin dhe drejtësinë sociale në Shqipëri. Programi ofron një mundësi të pasur për të integruar qasjet kombëtare dhe ndërkombëtare në mësimdhënien rreth këtyre temave dhe për të kuptuar rëndësinë bashkëkohore të kësaj pjese të rëndësishme të historisë moderne.

Objektivat e programit janë:

·       Të zhvillojë ndërgjegjësimin e mësuesve për diskutimet dialektike historike dhe aktuale në lidhje me Holokaustin dhe raste të tjera të padrejtësisë sociale;

·       Të zhvillojë kuptimin e mësuesve për ndikimin e stereotipeve, paragjykimeve dhe diskriminimit në nivel individual, grupor dhe shoqëror;

·       Të zhvillojë kuptimin e mësuesve për ndikimin e stereotipeve, paragjykimeve dhe diskriminimit në nivel individual, grupor dhe shoqëror;

·       Të zhvillojnë kuptimin e mësuesve për jetën hebreje para dhe pas Holokaustit;

·       Të Zhvillojë kuptimin e mësuesve për jetën hebreje para dhe pas Holokaustit

·       Të rritet vlerësimi për metodat inovative të mësimdhënies me në qendër nxënësin, duke përfshirë aktivitetet jashtëkurrikulare dhe partneritetet ndërmjet shkollës dhe institucioneve dhe organizatave të tjera;

·       Promovimi i një qasjeje të përzier të edukimit të Holokaustit dhe edukimit për të Drejtat e Njeriut;

·       Të zhvillohen kompetencat e mësuesve për kulturën demokratike.

Metodologjia e trajnimit ka në qendër nxënësin, bazuar në parimet e të mësuarit nga përvoja dhe një qasje të bazuar në të drejtat e njeriut në arsim. Një shumëllojshmëri metodash përdoren për të stimuluar angazhimin e pjesëmarrësve, reflektimet e tyre dhe një nivel të lartë ndërveprimi.

Seminari 5-ditor i drejtohet mësuesve të shkollave 9-vjeçare dhe të mesme, pavarësisht nga lëndët që japin mësim. Mësuesit aplikantë duhet të kenë një përvojë minimale të mësimdhënies rreth Holokaustit, si dhe një interes të fortë në zhvillimin e kompetencave të tyre të mësimdhënies rreth Holokaustit dhe drejtësisë sociale.

Nuk ka tarifë për të marrë pjesë në seminar. Shpenzimet për trajnimin, ushqimin dhe akomodimin gjatë gjithë seminarit mbulohen nga organizatorët. Shpenzimet e udhëtimit nuk mbulohen. Pjesëmarrësve u kërkohet të organizojnë udhëtimin e tyre në një mënyrë të tillë që të mund të marrin pjesë gjatë gjithë kohëzgjatjes së seminarit: mbërritja më 2 shtator para orës 15:00 dhe nisja më 6 shtator pas orës 13:00.

Pas seminarit, mësuesit e trajnuar (çertifikuar) do të kenë mundësinë të aplikojnë për një grant, i cili mund t'i mbështesë ata për të organizuar një projekt arsimor me nxënësit e tyre dhe për të vënë në praktikë atë që kanë mësuar gjatë seminarit.

Mësuesit që janë të interesuar të marrin pjesë në seminar janë të ftuar të plotësojnë formularin e aplikimit më poshtë deri më 10 korrik 2024.

Të gjithë pjesëmarrësit do të informohen për rezultatet e vlerësimit të aplikimeve deri më 30 korrik 2024.

Mësuesit pjesëmarrës duhet të ndjekin të gjitha seancat e seminarit gjatë gjithë kohëzgjatjes së tij. Ju lutemi, merrni parasysh këtë përpara se të paraqisni aplikacionin tuaj për të marrë pjesë.

Nëse keni ndonjë pyetje, ju lutemi mos hezitoni të na kontaktoni në adresën e mëposhtme të emailit:  florencastafa@yahoo.com

Me mbështetje nga  Conference on Jewish Material Claims Against Germany

Sponsorizuar nga Ministria Federale Gjermane e Financave dhe

Foundation Remembrance, Responsibility and Future