Entaína II carrera familiar pol asturianu
Muséu del Pueblu d'Asturies. Domingu 1 d'ochobre. Recoyida de dorsales dende les 11:00 hores.
BASES Y REGLAMENTU DE “ENTAÍNA II Carrera familiar pol asturianu”
ENTAÍNA, II Carrera familiar pol asturianu ye una carrera non competitiva, festiva y cola tresmisión interxeneracional del asturianu como filu conductor.
Anque la inscripción ye individual y nominativa, dende la organización anímase a los y les participantes a que cuerran en grupos familiares o d’amigos y amigues pa visibilizar asina l’asturianu como un elementu de comunidá y que se tresmite ente xeneraciones.
El dorsal, que s’obtién previa inscripción, ye l’elementu identificativu y obligatoriu. Cualquier persona que cuerra ensin un dorsal oficial nun ta cubierta pol seguru de la carrera y failo baxo la so responsabilidá. Asina tendrán que s'inscribir en formularios independientes caúna de les persones que forme parte del grupu familiar.
Pueden participar toles persones que tean inscrites, previa recoyida del dorsal enantes d'entamar la carrera. Los y les menores tendrán que recoyer el dorsal acompañaos por pá, ma o tutores que firmarán nesi momentu una autorización.
El númberu máximu de participantes ye de 500 persones.

CUOTA Y LLUGARES D'INSCRIPCIÓN
La inscripción tien el preciu de 3 euros pa les persones mayores d’edá y 2 menores d’edá. Estes perres van abonase nel momentu de recoyer el dorsal y van valir p’asumir los gastos organizativos de la carrera y de les actividaes del Día de la Reciella.
Les inscripciones van facese esclusivamente online al traviés d’esti formulariu.

PAGU Y RECOYIDA DE DORSALES
La recoyida de dorsales va facese na puerta del Muséu del Pueblu d’Asturies (Xixón) dende les 11.00 hores del domingu 1 d’ochobre hasta 5 minutos primero de la salida de la carrera, prevista pa les 11.30 hores.
El pagu da derechu al dorsal*, que se recoyerá al abonar los costos anteriormente señalaos.
*Col dorsal fadrase un descuentu a los participantes na Entaína que, amás quieran mercar la camiseta del Día de la Reciella (7 € pa los participantes frente a los 10 € de preciu oficial).

PERCORRÍU
Ñácaros (nacíos/es 2011 y depués): 150 metros
Rapacinos/es (nacíos/es en 2008/2009/2010): 250 metros
Rapazos/es (nacíos/es en 2005/2006/2007): 400 metros
Categoría xeneral: 1.000 metros

El percorríu de toles categoríes va tener llugar dientro del espaciu del Muséu del Pueblu d'Asturies.

AVITUALLAMIENTU
Tola xente participante va recibir agua y productos d’avituallamientu apurríos polos patrocinadores.

SORTÉU OBSEQUIOS ENTE PARTICIPANTES
Al acabar la carrera va haber un sortéu de dellos obsequios ente tola xente participante. Tolos/es participantes nes categorías de neños/es, y rapacinos van tener un obsequiu. Pa recoyer el premiu hai que presentar el dorsal.

OBLIGACIONES
La organización nun se fai responsable de los daños a corredores o a persones que tean viendo la carrera. Les persones participantes reconocen al inscribise que tán en bon estáu de salú. Tolos participantes, nel momentu d’inscribise, acepten esti Reglamentu

MODIFICACIONES
La organización acuta’l derechu de modificar cualquier aspectu de la carrera si ye necesario según el so criteriu.

Nome
Your answer
Apellíos
Your answer
Fecha de nacencia
MM
/
DD
/
YYYY
DNI (nel casu los menores rellenar col DNI del adultu responsable)
Your answer
Teléfonu
Your answer
Corréu electrónicu
Your answer
NOTA
Si nun atopes el corréu de confirmación, has mirar na bandexa de corréu non deseáu (spam)
Submit
Never submit passwords through Google Forms.
This content is neither created nor endorsed by Google. Report Abuse - Terms of Service - Additional Terms