Dende a Rede de Equipos de Normalización da Lingua Galega de Cedeira (IES Punta Candieira, CEIP Nicolás de Río e Concello de Cedeira) estamos tratando de que o vocabulario específico da nosa comarca non se perda, e de recuperar aquel que xa comeza a quedar no esquecemento.
Queres colaborar con nosoutros/as? Pois veña, ponte a pensar un pouco e mándanos cantas máis palabras (ou frases feitas...) desas que caracterizan o noso xeito de falar.
É un proxecto ao que os centros educativos levamos tempo dándolle voltas, porque pensamos que os nosos nenos e nenas teñen que coñecer e poñer en valor a fala, pero precisamos de toda a comunidade de veciños e veciñas para que teña sentido.
O proxecto rematará coa creación dunha montaxe audiovisual que se realizará e promocionará dende o concello.