A quen vai dirixido: a estudantes (maiores de 18 anos) que estean a cursar estudos no ámbito artístico, audiovisual ou da animación. E a Graduados/as nestas mesmas disciplinas no ano 2025. O Centro onde cursen ou cursasen estudos debe estar localizado en Galicia.
Finalidade: poñer o foco e dar a coñecer ás novas xeracións de animadores e animadoras que se están a formar na actualidade a través da súa inclusión directa na programación do festival; así como fomentar e resaltar a importancia na formación específica neste sector e a súa profesionalización.
Pezas a concurso: presentación dun fragmento animado, en formato tráiler, que sirva como promoción e celebración da nova edición do festival, destacando os seus valores de compromiso social e sustentabilidade, así como o carácter imaxinativo do propio festival. Os proxectos poden ser realizados de forma individual ou en equipo, cun máximo de 5 estudantes por equipo.
CONDICIÓNS XERAIS
1.Data de celebración
- O festival de animación IMAXINARIA celebrarase do 11 ao 15 de Marzo de 2026 na Sede Afundación A Coruña. A sesión de exhibición de trailers e a entrega dos premios será en formato presencial na semana do festival (día/hora por determinar).
2.Condicións do tráiler a concurso
- A duración será entre 10 e 25 segundos.
- Obrigatorio introducir unha pantalla con fondo negro que preceda á peza audiovisual. Esta pantalla terá unha duración de tres segundos e deberá incluír o logotipo do festival no centro. Na parte inferior, tamén centrado, deberá aparecer o título da peza e o nome dos participantes en letra Arial, maiúscula e branca. Ademais, deberá figurar o texto: “Realizado por:” seguido do nome dos participantes.
- Técnica libre: 3D, 2D, Stop Motion, etc.
- Obrigatorio o uso das tipografías orixinais do festival. O nome do festival e as datas (adxuntado na carpeta material Imaxinaria) e os logotipos oficiais.
- No trailer empregarase a BSO de 2025, que se achega como recurso na carpeta de materiais. A BSO pode editarse libremente e utilizar o fragmento da canción que mellor se axeite ao proxecto presentado; non é necesario que sexa o mesmo fragmento empregado no trailer oficial do festival.
- Permítese a integración dos fxs que os participantes consideren.
3.Inscrición
- Completar o formulario.
- As curtametraxes seleccionadas deberán ser enviadas antes do 25 de febreiro de 2026 a imaxinaria@afundacion.org a través dun enlace de Wetransfer ou Dropbox.
- Formato: MP4 H264 24FPS
- Tamaño: 1920x1080
- O video final non poderá exceder dos 300 megas.
4.Premios
- Outorgarase un premio económico de 600 euros ao gañador ou gañadora, xunto cun trofeo, o unicornio de porcelana de IMAXINARIA.
- Outorgaránse tamén dous accésits de 200 euros cada un e diploma.
- O xurado será designado pola organización do festival.
- A peza ou pezas gañadoras serán subidas á web e RRSS do festival.
5.Entrega de premios
6.Dereitos e obrigas
- A decisión do Xurado Oficial designado para o concurso será inapelable.
- A participación no concurso implica a cesión dos dereitos de difusión das imaxes enviadas dentro do ámbito do propio Festival, que quedarán arquivadas pola organización se se considera oportuno e de mutuo acordo cos propietarios da obra.
- As pezas presentadas nunca se utilizarán como o tráiler oficial do festival, se non que é un concurso interno, aínda que si que se poderán publicar en redes sociais, tanto da organización como dos participantes, sempre deixando claro a súa natureza de concurso, xa que o festival terá o seu propio tráiler oficial.
Achégache con estas bases:
