Soraluzen Herri Hezitzaileen egitasmoa sustatzeko eta herriko Hezkuntza Proiektua eguneratzeko pausuak eman nahi dira. Horretarako, hezkuntzaren arloa modu zabal batean landuko duen elkarlanerako marko bat osatuko dugu eta bertan zuen parte-hartzea bereziki garrantzitsua da. Izan ere, ibilbide honek, hezkuntza komunitateko eragile eta herritarrak protagonista izango ditu.
Honetarako, “Oinherri herri hezitzaileak” sustatzeko elkarteak aholkularitza eta bidelaguntza eskainiko digu. Su motelean egingo den bidea izango da hau, denon erritmoak errespetatuz eta, inoren motxila lanez gehiago betetzeko intentziorik gabe.
Hiru saio proposatzen ditugu 2024ko udazkenean zehar egiteko:
1.saioa: Urriak 16, asteazkena, 17:30-19:30
2.saioa: Azaroak 13, asteazkena, 17:30-19:30
3.saioa: Abenduak 11, asteazkena, 17:30-19:30
