Er du instruktør innan folkemusikk og folkedans, eller ynskjer du å prøve
å instruere? Har du tradisjonskunnskaper du ynskjer å
vidareformidle? Vil du vere med å bidra til at den levande folkemusikken og folkedansen består?
Sogn og Fjordane folkemusikklag ynskjer å kartlegge instruktørressursane
innan folkemusikk og folkedans i Sogn og Fjordane.
Vi veit at det er mange dyktige folkemusikarar og folkedansarar i Sogn og
Fjordane med mykje kunnskap om både spel, song og dans. Mange underviser ein del frå før, nokre underviste meir før, andre
har kanskje lyst å undervise litt meir, og nokre har ikkje
undervist i det heile. Uansett kva gruppe du tilhøyrer, ynskjer vi
at du fyller ut dette skjemaet dersom du har lyst. Ved å fylle ut
skjemaet betyr ikkje det at du automatisk vert ringt og sett i arbeid
i morgon, men at du kanskje får ein uforplikta forespørsel i
framtida. Namna på dei som svarar her i denne kartlegginga kjem til å verte
publisert, slik òg hardingfela.no har gjort tidlegare. Ynskjer du at
vi ikkje publiserer svaret ditt, kan du krysse av for det lenger nede
i spørreskjemaet. Spørsmåla merka med * er obligatoriske.
Å undervise og instruere er svært gjevande arbeid, og vi vonar fleire
får oppleve gleden av å undervise. Det er òg eit svært viktig
arbeid, skal folkemusikken og folkedansen halde fram å vere ein del
av kulturen i Sogn og Fjordane.
Kvifor vil vi kartlegge instruktørressursane?
I vedtektene våre står det at vi i Sogn og Fjordane folkemusikklag arbeider for å ta vare på og vidareformidle folkemusikktradisjonane i Sogn og Fjordane gjennom å arbeide for å auke kunnskapen om, kjennskapen til og interessa for tradisjonelt spel, song og dans. Vi vil difor vite kva folkemusikktradisjonar sit på og er villige til å spre vidare.
Folkemusikklaget har idag fleire prosjekter som jobbar mot dette føremålet, som Folkedansespor, UngLåt, TØFT og Heimelaget. Desse prosjekta treng instruktørar, både innan folkedans og folkemusikk.
Vi får av og til henvendingar om oppdrag frå eksterne kulturaktørar og andre institusjonar om vi har instruktørressursar, anten på regionalt eller lokalt plan. Vi ynskjer å imøtekome desse, men må då få ein oversikt over kva som fins i Sogn og Fjordane.
Vi ynskjer å få ei oversikt over ståda idag i folkemusikkmiljøet i Sogn og Fjordane, og kartlegging av instruktørressursane er ein del av dette. Dette vil gje oss datagrunnlag å vise til, når vi jobber kulturpolitisk med framming av folkemusikken og folkedansen i Sogn og Fjordane.
