प्रश्न 1 ते 3 खालील उतारा काळजीपूर्वक याचा व त्यावर आधारित त्याखाली विचारलेल्या प्रश्नांची योग्य उत्तरे पर्यायांतून निवडा.
पावसाळा संपतो आणि निसर्ग हिरव्या रंगाची मुक्त उधळण करीत येतो. सरोवरे, शेते, बने, नदया - नाले या ठिकाणी त्याचे हिरव्या रंगाचे जणू मुक्त प्रदर्शन भरते. तरवड, तेरडा, तीळ, झेंडू यांची पिवळी फुले म्हणजे हिरव्या साडीला पिवळी किनारच जणू! जास्वंदीच्या झाडातून डोकावणारी तिची लाल फुले पाहिली की वाटते, लाल तुऱ्याचा कोंबडा जणू पहाटेची बांग देत आहे. झऱ्यांच्या झुळूझुळू वाहणाऱ्या पाण्याचा आवाज ऐकून वाटते की वनराणी जणू पायात चाळ घालून नाचत आहे. तुरे नाचवणारी पांढरीशुभ्र लिलीची फुले पाण्याच्या कारंज्यांची आठवण करुन देतात. उद्यानातील मोगरा, जाई, जुई, झेंडू इत्यादींची फुले पाहून सुंदर मुली, टपोरी फुले केसात माळून नटल्या आहेत असे वाटते. असा निसर्ग सौंदर्यांचा हा उत्तम अविष्कार पाहून डोळ्यांचे पारणे फिटते.