Os na dderbynnir eich ffurflen yn ôl yn y swyddfa erbyn y dyddiad isod, rhaid pwysleisio na fydd UCAC yn gyfrifol am drefnu llety i chi os bydd y safle yn llawn.

Yng Nghynhadledd Flynyddol UCAC 1997, pasiwyd cynnig i “geisio trefnu gwarchod plant yn y Gynhadledd Flynyddol bob blwyddyn os bydd galw”.

Os ydych yn dymuno i ni wneud trefniadau ar eich cyfer, mae’n bwysig eich bod yn ein hysbysu cyn gynted â phosib.

DIOGELU DATA

Fel rhan o waith yr undeb byddwn yn casglu, storio a phrosesu data personol. Mae gennym seiliau cyfreithiol dros gasglu’r data:

   • bod y prosesu yn angenrheidiol er mwyn cyflawni gofynion cytundebol (h.y. er mwyn i ni ddarparu  gwasanaeth i chi fel aelod)

  • er mwyn cydymffurfio â chyfrifoldeb cyfreithiol

  • mewn achos o ddiddordeb cyfreithlon UCAC neu’r trydydd parti y datgelir y data iddynt(heblaw pan fydd eich diddordeb, hawliau neu ryddid chi yn bwysicach)

  • mewn achos o anfon negeseuon e-bost penodol a ellir eu diffinio fel negeseuon marchnata, rydym yn gofyn am eich caniatâd

 Mae gan UCAC brosesau a threfniadau mewn lle i sicrhau ein bod yn ymdrin yn gywir, yn gyfreithiol ac yn ddiogel â’r data hwnnw ac yn cyd-ymffurfio â’r gofynion cyfreithiol a amlinellir yn y Rheoliadau Diogelu Data Cyffredinol a ddaeth i rym Mai 2018.
Gweler Polisi Preifatrwydd UCAC am fanylion llawn: www.ucac.cymru/preifatrwydd