Спадарства, а ці ведаеце вы, што ў Вільні існавалі таемныя студэнцкія таварыствы, сябры якіх называлі сябе “аматарамі навук” і “аматарамі дабрачыннасці”? Пэўна, вы здагадаліся, пра што ідзе гаворка. 1 кастрычніка 1817 года ў Вільні адбылося першае пасяджэнне знакамітага таемнага таварыства Філаматаў, якое заснавалі студэнты Віленскага ўніверсітэта. Пазней для пашырэння сваіх асветніцкіх ідэяў было створанае і больш шырокае таварыства Філарэтаў.
З нагоды чарговай гадавіны ўтварэння
ў нядзелю 13 кастрычніка з дапамогай
ULegend філаматы і філарэты запрашаюць вас на таемны сход. А каб знайсці месца збору, давядзецца
прайсці квэст і разгадаць загадкі ад нашых герояў. На таемным сходзе вас чакаюць пачастункі і тагачасныя забаўкі, якія акрамя навучання так любілі філаматы і філарэты.
Таксама вы зможаце акунуцца ў атмасферу таго часу і пачуць песні на вершы філаматаў.
Але, каб дайсці да гэтага таемнага сходу, вы мусіце спярша:
1) Сабраць сваю невялічкую каманду ад 1 да 6 чалавек, выбраць сабе назву і кіраўніка, які павінен зарэгістраваць вашую каманду ў гэтай гугл форме. Далейшая камунікацыя будзе толькі з кіраўніком вашай групы!
Калі вы не маеце каманды, але не жадаеце праходзіць квэст самастойна, а хочаце да некага далучыцца, таксама рэгіструйцеся,
вы зможаце далучыцца да іншай каманды ці на месцы сфармаваць сваю каманду з такіх жа самотных удзельнікаў.
2) Прыйсці ўсім разам
у нядзелю 13 кастрычніка а 14-й гадзіне ў знакамітыя
Базыльянскія муры па вул. Вастрабрамскай (Aušros Vartų g. 7B) да месца пачатку нашага квэсту.
3) Выканаўшы заданні і разгадаўшы загадкі квэсту, вы сустрэнецеся на вуліцах Вільні як са студэнтамі-філаматамі, так і з іх настаўнікамі, наведаеце віленскія адрасы, звязаныя з нашымі героямі, даведаецеся пра абставіны іх жыцця ды творчасці, ну і вядома, напрыканцы дойдзеце да месца таемнага збору, дзе
16-й гадзіне адбудзецца нашая
філамацкая вечарынка.
Усе ўдзельнікі атрымаюць сувеніры, а пераможцы - адмысловыя падарункі!
Для праходжаньня квэсту вам спатрэбяцца тэлефон з мабільным інтэрнэтам і на ўсялякі выпадак паўэр-банк для падзарадкі. Гугліць будзе не толькі можна, але патрэбна!
Увага! Зарэгістравацца на квэст пажадана да канца дня суботы 12 кастрычніка! Але ў выключных выпадках можам зарэгістраваць каманду на месцы, асабліва, калі яна будзе зборная з паасобных удзельнікаў.
Сачыце за навінамі ў нашых сацсетках:
