Inscrición | Encontro Itinerarios Intercooperación-Sectorial Cultura 2022
Encontro da Sectorial de Cultura da Unión de Cooperativas ESPAZOCOOP, dentro de Programa de Itinerarios de Intercooperación 2022, no marco do Programa Operativo de Inclusión Social e Economía Social 2014-2020 OT8: Conseguir formación e un emprego de calidade e do Plan de actuación 2022 da Rede Eusumo.
Data e Lugar do Encontro:
31 de Maio de 2022- A través da Plataforma ZOOM.
HORARIO: De 09:30 a 11:30 horas.
Estes Encontros, pretenden favorecer o coñecemento mutuo das cooperativas e outras entidades de ES participantes, fomentando o intercambio de ideas, necesidades, recursos a disposición, boas prácticas e medidas de interese xeral e informativas que permitan avanzar na intercooperación. Terán como obxectivo principal a posta en común de aspectos que permitan dar resposta ás dúbidas comúns, establecer mecanismos de colaboración en distintos ámbitos e difundir boas prácticas, ferramentas e recursos de interese, a innovación, ao tempo que se fai comunidade.
Os Encontros desenvolveranse cunha metodoloxía activa e participativa, que facilita o interese, a atención e o intercambio entre as persoas asistentes. Utilízanse medios audiovisuais (presentación, vídeos, enlaces webs, etc.) e realízanse actividades dinámicas de reflexión e debate, promovendo a implementación das aprendizaxes e experiencias vivenciadas na sesión.
Convoca e Dinamiza: Espazocoop Unión de Cooperativas Galegas.
Colabora: Rede Eusumo. A Rede Eusumo é unha rede de colaboración impulsada pola Dirección Xeral de Emprego, Traballo Autónomo e Economía Social da Xunta de Galicia para o fomento do cooperativismo e a economía social que conta co financiamento do Ministerio de Trabajo y Economía Social.
Cofinanciamento:
Consellería de Emprego e Igualdade | Xunta de Galicia
Ministerio de Trabajo y Economía Social | Gobierno de España
CEPES | Fondo Social Europeo
Moitas grazas pola túa colaboración.