Flæði er rými faglegra vatnsmeðferða.

Við byggjum starf okkar á faglegri þjónustu til að skapa upplifun og öruggt rými til að slaka á í vatni – með aðstoð þjálfaðra fagaðila við slíkar aðstæður.

Flot er aðferð sem nýtur vaxandi vinsælda til að losa um spennu og skapa ánægjulegt rými fyrir bæði huga og líkama. Aðferð sem nýtist öllum og er ætlað að renna stoðum undir almennt heilbrigði og vellíðan.
Hver tími byrjar á stuttri núvitundar hugleiðslu og jarðtengingu. Í flotinu sjálfu er boðið uppá augnhvílur, mjúkar hreyfingar í vatninu, nuddstrokur og persónulegt rými til djúprar slökunnar – hverjum tíma er síðan lokað með stuttri gæðastund og tebolla.

Athugið að takmarkaður fjöldi er í boði fyrir hvern tíma og þarf að bóka og greiða fyrirfram til að tryggja sér pláss og fá senda staðfestingu. Verð fyrir einsatkling er 6900 kr, (nema um sérstakan viðburð sé að ræða) fer flotmeðferiðin fram á miðvikudögum  í Álftaneslaug og föstudögum í Lágafellslaug.