20 верасня, у сераду, 18.00-19.30 па Менску, запрашаем на чарговую сустрэчу дэкаланіальнага гуртка! У гэты раз сустракаемся з мастачкай і архівісткай Лесяй Пчолкай, якая даследуе культуру памяці і працуе з архівам VEHA.

Падчас сустрэчы мы абмяркуем, як адбываецца праца над архівам і ці магчыма сумяшчаць мастацкія і архіўныя практыкі. Мы таксама абмяркуем, ці з’яўляюцца падобныя незалежныя архівы контр-памяццю кам’юніці і калі так, чаму гэта ўвогуле можа быць патрэбна.

Праз дэканаліяльную оптыку, мы сфакусуемся на такіх тэмах:

• Як пазбегнуць самаэкзатызацыі падчас спазнавання гісторыі сваёй краіны, і ці варта сцерагчыся гэтага?
• Ці з’яўляецца дыгітальны архіў сапраўды надзейным і трывалым сховішчам?

Сустрэча адбудзецца ў фармаце анлайн-дыскусіі. У цябе будзе магчымасць выказаць свае думкі і задаць пытанні.

Гэта мерапрыемства працуе па прынцыпе калектыўнай эканомікі. Мы просім цябе ацаніць сваю фінансавую магчымасць зрабіць унёсак у правядзенне гуртка і зрабіць данат. Сабраныя грошы пойдуць на аплату працы мадэратаркі і спікеркі.