Hie is noe 't dictee väör april 2021, deze kieër kort mer krachtig.

15 Echter sjeldjwäörd.

('t Is ouch nog mäögelik de dictees van väörgaondje maondje te make.)

Loester ieës nao de gespraoke zin/waord (zoa dök es geer wiltj) door op 't pielke nao rechs te klikke).

Nao 't insture van de antjwaorde krig g'r eine e-mail. Dao zitj ein document bie wo-op g'r kèntj zeen waat g'r good en neet zoa good höbtj gedaon en de plaats oppe ranglies die g'r op det moment innumtj.
Dit allein mer óm 't de volgendje kieër nog baeter te doon.........

Weer verzeuke uch vruntjelik óm de links die in de e-mail waere genumdj mit zo väöl mäögelik minse te deile, haopelik make ouch die 't dictee. (Wie mieë ziele wie baeter det 't is, toch?).

Hie volge noe nog de spelregels wo aan geer uch mótj haoje:                                                              
 
                                                           ***  REGLEMÈNT ***                                                        

                                                   Väör ‘t  Echter Digitaal Dictee

1. ’t Dictee sjriftj geer volges de spelling zoawie g'r hie ónger höbtj aangegaeve.          
        De basis is de spelling volges ’t Brònsgreun Beukske, editie Ech-Zöstere.
        De oetspraok kan per kern versjille. De zinne waere väörgelaeze in ’t Echs.        
        Deilnum(m)(st)ers oet Zöstere en de Boesj kènne de zinne opsjrieve volges de
        Zösterse/Boesjer oetspraok. Ze waere den ouch op die sjriefwieze beoordeildj.
        In de toekoms kriege anger kerne dees mögelikheid waarsjienlik ouch.
2. G'r kèntj eder zin zoa dök beloestere es geer wiltj; stökske väör stökske kèntj
        natuurlik ouch door op 't pauzeknupke (II) of 't väöroetknupke (->) te klikke.
        Mit 't road bölke op de roaje lien kèntj geer stökke väöroet of achteroet.
3. Laesteikes wie puntje en komma’s waere bie ’t väörlaeze dudelik oetgespraoke.
       Die deentj g’r den ouch te sjrieve. Det is belangriek, want bie 't vasstèlle of 'n zin gans
       gans good is, tèlle de laesteikes mit.
4. Mieë foute in ein waord, tèlle w’r toch mer es ein fout.  
       Mer ’n waord is, edere kieër gesjreve,  good of fout, ouch al koom 't eerder al èns väör!
5. Getalle en jaortalle sjriftj g’r in ciefers, dus neet in lètters.
6. Alles wo-in dit reglement neet väörzuutj beslistj de jury.
7. Bie d’n oetslaag van de jury mót m’n zich neerlègke, dao is gein discussie äöver
       de resultate!
8.    Lètj op: de verplichtje zinne (*Vereist) mótte allemaol ingevöldj waere anges kèntj de
       opgave neet verstuurdj waere!
9. Puntjetèlling:        
        a. Waord good (ongeach hoof- en klein lètters)            + 1 puntj        
        b. Waord fout                                                                      - 1 puntj        
        c. Waord vergaete                                                              - 1 puntj        
        d. Hieël zin hieëlemaol good (det beteikentj:
            mit alle hoof- en klein lètters en laesteikes!)           +10 puntje

Väör eur gemaak volge noe nog get ALT-kodes van spesiaal teikes. Óm die te gebroeke mót g'r de ALT-toets op eur toetsebord ingedröktj haoje en den 't ciefer indrökke op 't ciefergedeilte van euch toetsebord. Loslaote en  dao is de lëtter mit 't spesiaal teike.

Alt 0128 €
Alt 132 ä
Alt 137 ë
Alt 138 è
Alt 139 ï
Alt 142 Ä
Alt 148 ö
Alt 153 Ö
Alt 162 ó
Alt 171 ½
Alt 172 ¼
Alt 243 ¾
Alt 211 Ë
Alt 212 È
Alt 216 Ï
Alt 224 Ó

Väöl succes mit ’t make van ‘t Dictee…..