„Инклузивно Скопје – поддршка за самостоен живот на лицата со попреченост“ е проект на Центарот за младински активизам ЦМА КРИК, насочен кон обезбедување континуирана, бесплатна и професионална поддршка за лица со попреченост над 18 години од територијата на Град Скопје. Проектот придонесува кон развој на животни и социјални вештини, поголема самостојност и активно учество во заедницата.

Активностите се реализираат во Центарот за окупациона терапија „Крикни“, кој претставува дневен простор за структурирана и инклузивна поддршка, прилагодена на индивидуалните потреби на секој корисник.

Како корисници во центарот може да се најдат лица кои имаат попреченост на возраст од 18 до 45 години. 

По пополнување на пријавата ќе ве контактираат вработените од центарот за извршување на првична проценка за прием.

Активностите се бесплатни. 

Посетата на центарот и активностите се одвиваат секој понеделник, среда и петок од 09:30 до 13:00 часот.

Локација: Месна заедница Црниче, Кисела Вода