Еднодневна трибина “Станете Бизнис Ангел – поддржете успешна бизнис идеја!“,  ќе се одржи на 27.02.2019, од 12:00ч до 14:30ч, во амфитеатарот на Универзитетот на Југоисточна Европа, Скопје, во организација на CEED Macedonia Business Angels Club.

Наш специјален гостин е Г-дин Арон Браун, бизнис ангел од Швајцарскиот клуб на бизнис ангели (Business Angels Switzerland – BAS).

Г-дин Браун, кој е активен член на BAS од 2005 година, ќе го презентира своето искуство како бизнис ангел, ќе ги запознае присутните со придобивките на бизнис ангелите и зошто треба да се инвестира во добра бизнис идеја. Швајцарскиот клуб на бизнис ангели е формиран во 1997 година и брои 105 членови.

Настанот е од отворен карактер и истиот е поддржан од Министерство за Економија и Швајцарската програма за претприемништво (#SwissEP).

Самиот збор “ангел“ значи нешто големо, нешто возвишено, а изборот на зборови не е случаен. Бизнис ангелите се токму тоа, сторители на добри дела, помош кога е најмногу потребна, поддршка и мотивација.

CEED Business Angels Club (CEED BA Club) е формиран, во ноември 2013 година и е меѓу првите клубови од ваков вид во Македонија. Од Јануари 2016 година, CEED Business Angels Club е официјално членка на Еврoпската Мрежа на Бизнис Ангели – EBAN (European Business Angel Network).

http://ceed-macedonia.org/ceed-business-club/ceed-macedonia-business-angels-club/?lang=mk