Nazioarteko Itzulpengintzaren Egunaren harira, aurten, EIZIEk itzulpen-bira bat antolatu du. Helburua euskarazko esaldi bat ahalik eta hizkuntza gehienetara itzultzea da, eta nahi duen orok izango du parte hartzeko aukera.

Hala, bada, Anjel Lertxundiren esaldi bat itzultzea proposatzen dizuegu: «Itzulpena ez da posible, baina itzulpenak bizi gaitu». «Berbelitzenak» kontakizunetik hartua da esaldia (http://www.eizie.eus/Argitalpenak/alebereziak/grafikoa).

Esan zure lagunei ere beren hizkuntzetara itzultzeko! Paperezko argitalpenaren ale bat zozketatuko dugu parte-hartzaile guztion artean.

Itzulpen guztiak EIZIEren webgunean argitaratuko ditugu, Itzulpengintzaren Egunean (irailak 30).

Parte hartzeko azken eguna: 2017ko irailaren 25a